នៅពេលដែលយើងនិយាយដល់ការពន្យារកំណើតតាមរយៈការប្រើប្រាស់ថ្នាំ៧២ម៉ោង ឬហៅថា ការប្រើថ្នាំពន្យារកំណើតបន្ទាន់ បន្ទាប់ពីរួមភេទដោយមិនបានការពារ មានស្រីៗជាច្រើន សួរនាំ “Hello គ្រូពេទ្យ” មិនចេះចប់មិនចេះហើយទេ។

សំណួរភាគច្រើន គួរប្រើពេលណា? ប្រើរបៀបម៉េច? មានសុវត្ថិភាពអត់?។ កុំឲ្យស្រីៗគ្នាយើងឆ្ងល់ច្រើនទៀត អត្ថបទនេះ យើងនឹងប្រាប់ឲ្យអស់ហ្មង គួរប្រើពេលណា? មានសុវត្ថិភាព និងផលប៉ះពាល់ម៉េចខ្លះ? ឲ្យបានដឹងទាំងអស់គ្នា។

១- អ្វីជាថ្នាំពន្យារកំណើតបន្ទាន់ ឬ៧២ម៉ោង?

ថ្នាំពន្យារកំណើតបន្ទាន់ ឬថ្នាំ ៧២ម៉ោង សំដៅលើថ្នាំបង្ការកុំឲ្យមេជីវិតឈ្មោល ជួបជាមួយពងមេជីវិតញី ឬពន្យារកុំឲ្យពងមេជីវិតញីធ្លាក់ចេញពីក្រពេញអូវែ ឬហៅថា ការបង្ការកុំឱ្យមានផ្ទៃពោះ ដោយគ្រាន់តែស្រីៗលេបថ្នាំនេះអំឡុងពេល ៣ ថ្ងៃ នៃការរួមភេទដែលមិនបានការពារ។ ជាធម្មតា ថ្នាំពន្យារកំណើតបន្ទាន់ មានប្រសិទ្ធភាពខ្ពស់ បើយើងប្រើអំឡុងពេលចន្លោះ ៧២ម៉ោង ចាប់ពីពេលរួមភេទរួច។

ចុចទីនេះ ដើម្បីគណនាថ្ងៃមេជីវិតញីទុំធ្លាក់

ចុចទីនេះ ដើម្បីគណនាថ្ងៃសម្រាលកូន

ចុចទីនេះ ដើម្បីគណនាការឡើងទម្ងន់ស្ត្រីអំឡុងពពោះ

ចុចទីនេះ ដើម្បីគណនាទម្ងន់ធៀបកម្ពស់ (BMI)

ចុចត្រង់នេះ ដើម្បីមើលកាលវិភាគចាក់វ៉ាក់សាំងទារក

២- ហេតុអីត្រូវប្រើថ្នាំពន្យារកំណើតបន្ទាន់នេះ?

ហេតុផលចម្បងស្រីៗប្រើត្រូវថ្នាំនេះ ដើម្បីការពារកុំឲ្យមានផ្ទៃពោះ នៅពេលវិធីពន្យារកំណើតផ្សេងទៀតបរាជ័យ ដូចជា៖

– ស្រោមអនាម័យដាច់រហែក ឬបែកពេលរួមភេទ

– របូតធ្លាក់កងពាក់ក្នុងស្បូន (IUD)

– ដាក់ បន្ទះ ឬកងដាក់ក្នុងទ្វាមាស យឺតពេក ឬដកចេញលឿនពេក

– ភ្លេចលេបថ្នាំពន្យារកំណើត ២-៣ ដងជាប់គ្នា

– រួមភេទដោយមិនបានការពារ។

៣- ថ្នាំពន្យារកំណើតបន្ទាន់មានសុវត្ថិភាពអត់?

មិនធ្លាប់មានភ័ស្ដុតាងគ្រោះថ្នាក់រហូតដល់ស្លាប់ បណ្ដាលមកពីថ្នាំនេះទេ។ អ្នកជំនាញបញ្ជាក់ថា គុណប្រយោជន៍ថ្នាំនេះ មានច្រើនជាងគុណវិបត្តិ។

ថ្នាំពន្យារកំណើតបន្ទាន់ ឬថ្នាំ ៧២ម៉ោង មិនមានហានិភ័យ ឬផលរំខានកើតមានយូរអង្វែងនោះទេ ប៉ុន្តែវាអាចតែមានផលរំខានតិចតួច នៅពេលដែលប្រើថ្នាំនេះ។

ទោះបីស្ថិតក្នុងពេលយើងកំពុងមានបញ្ហាសុខភាពផ្សេងៗ ដូចជា ដាច់សរសៃឈាមខួរក្បាល ដុំឈាមកក ឬជំងឺបេះដូង មិនអាចប្រើថ្នាំពន្យារកំណើតធម្មតាបាន ស្រីៗគ្នាយើង នៅអាចប្រើថ្នាំពន្យារកំណើតបន្ទាន់នេះបានដែរ នឹងមានសុវត្ថិភាពទៀតផងដោយសារតែអ័រម៉ូនក្នុងថ្នាំនេះ គឺជាប្រភេទអ័រម៉ូនអឺស្ត្រូសែន និងប្រូហ្គេស្ទីន មិនបង្កគ្រោះថ្នាក់ ដូចថ្នាំពន្យាកំណើតធម្មតាទេ។

ថ្នាំពន្យារកំណើត ៧២ម៉ោង Hello គ្រូពេទ្យ

អត្ថបទពាក់ព័ន្ធ៖

៤- ថ្នាំពន្យារកំណើតបន្ទាប់មានផលរំខានអ្វីខ្លះ?

ដូចធ្លាប់បានប្រាប់អ៊ីចឹង ថ្នាំនេះ មិនបង្កឲ្យមានផលរំខានធ្ងន់ធ្ងរ ឬយូរអង្វែងនោះទេ ព្រោះត្រូវបានអនុម័តតាមបែបវេជ្ជសាស្ត្រ ដាក់ឲ្យប្រើប្រាស់ជាសកល ពីសំណាក់រដ្ឋបាលចំណីអាហារ និងថ្នាំពេទ្យអាមេរិក FDA ដោយអះអាងមានសុវត្ថិភាពសម្រាប់ស្រីៗគ្រប់រូប។ ប៉ុន្តែថ្នាំនេះ ក៏អាចបង្កឲ្យមានផលរំខានខ្លះៗ ចំពោះស្រីៗគ្នាយើងដូចជា៖

– ចង្អោរ

– ក្អួត

– ចុករមួលពោះផ្នែកខាងក្រោម

– ហូរឈាមខុសធម្មតា

– អស់កម្លាំង

– ឈឺក្បាល

– វិលមុខ

– សុដន់ឈឺជាង អាការធ្លាប់ឈឺមុនៗ។

៥- ពេលណាត្រូវលេបថ្នាំពន្យារកំណើតបន្ទាន់?

ថ្នាំពន្យារកំណើតបន្ទាន់ ត្រូវប្រើឲ្យបានលឿន នៅក្រោយពេលរួមភេទដោយមិនបានការពារ ព្រោះនៅពេលលេបកាន់តែលឿន ថ្នាំកាន់តែមានប្រសិទ្ធិភាពការពារកុំឲ្យមានផ្ទៃពោះ។ ថ្នាំនេះ មានប្រភេទខ្លះ អាចមានប្រសិទ្ធិភាពបានរហូត ១២០ម៉ោង បន្ទាប់ពីរួមភេទរួច ខណៈថ្នាំប្រភេទខ្លះទៀត មានប្រសិទ្ធភាពតែ ៣ថ្ងៃ ឬ ៧២ម៉ោង បន្ទាប់ពីរួមភេទប៉ុណ្ណោះ។ ដូចនេះហើយ ទើបត្រូវប្រើថ្នាំនេះ ឲ្យលឿនតាមអាចធ្វើទៅបាន។

៤- ថ្នាំនេះមានប្រសិទ្ធភាពជួយរំលូតកូនបានអត់?

លេបថ្នាំពន្យារកំណើតបន្ទាន់ ឬថ្នាំ ៧២ម៉ោង មិនអាចប្រើជាថ្នាំរំលូតកូនបានទេ ព្រោះវាមានប្រសិទ្ធភាពទប់ស្កាត់ការបង្កកំណើតមុនពេលមានផ្ទៃពោះប៉ុណ្ណោះ ដោយពន្យារ ឬបញ្ឈប់ការបញ្ចេញពងមេជីវិតញីនៅក្នុងស្បូនស្រីៗ។ ក្នុងករណី គ្នាយើងមានផ្ទៃពោះរួចហើយ ថ្នាំនេះគឺមិនមានប្រសិទ្ធិភាព ធ្វើឲ្យទារកក្នុងផ្ទៃមានគ្រោះថ្នាក់នោះទេ តែយ៉ាងណា បើយើងមានផ្ទៃពោះ ពេទ្យណែនាំឲ្យឈប់ប្រើថ្នាំនេះ៕

ចំណុចសំខាន់

ហេតុអីត្រូវប្រើថ្នាំពន្យារកំណើតបន្ទាន់នេះ?
ហេតុផលចម្បងស្រីៗប្រើត្រូវថ្នាំនេះ ដើម្បីការពារកុំឲ្យមានផ្ទៃពោះ នៅពេលវិធីពន្យារកំណើតផ្សេងទៀតបរាជ័យ ដូចជា៖
– ស្រោមអនាម័យដាច់រហែក ឬបែកពេលរួមភេទ
– របូតធ្លាក់កងពាក់ក្នុងស្បូន (IUD)
– ដាក់ បន្ទះ ឬកងដាក់ក្នុងទ្វាមាស យឺតពេក ឬដកចេញលឿនពេក
– ភ្លេចលេបថ្នាំពន្យារកំណើត ២-៣ ដងជាប់គ្នា
– រួមភេទដោយមិនបានការពារ។
ថ្នាំពន្យារកំណើតបន្ទាន់មានសុវត្ថិភាពអត់?
មិនធ្លាប់មានភ័ស្ដុតាងគ្រោះថ្នាក់រហូតដល់ស្លាប់ បណ្ដាលមកពីថ្នាំនេះទេ។ អ្នកជំនាញបញ្ជាក់ថា គុណប្រយោជន៍ថ្នាំនេះ មានច្រើនជាងគុណវិបត្តិ។
ពេលណាត្រូវលេបថ្នាំពន្យារកំណើតបន្ទាន់?
ថ្នាំពន្យារកំណើតបន្ទាន់ ត្រូវប្រើឲ្យបានលឿន នៅក្រោយពេលរួមភេទដោយមិនបានការពារ ព្រោះនៅពេលលេបកាន់តែលឿន ថ្នាំកាន់តែមានប្រសិទ្ធិភាពការពារកុំឲ្យមានផ្ទៃពោះ។

ចម្លើយជុំវិញការប្រើថ្នាំពន្យារកំណើត៧២ម៉ោង ស្រីៗតែងសួរ

១- អ្វី​ជា​ថ្នាំ​ពន្យារ​កំណើតបន្ទាន់ ឬ៧២ម៉ោង?

២- ហេតុអី​ត្រូវ​ប្រើ​ថ្នាំ​ពន្យារ​កំណើត​បន្ទាន់​នេះ?

៣- ថ្នាំ​ពន្យារ​កំណើត​បន្ទាន់​មាន​សុវត្ថិភាពអត់?

៤- ​ថ្នាំ​ពន្យារកំណើតបន្ទាប់មាន​​ផល​រំខាន​អ្វី​ខ្លះ?

៥- ពេល​ណា​​ត្រូវ​លេប​ថ្នាំ​ពន្យារ​កំណើត​បន្ទាន់​?

៤- ​ថ្នាំ​នេះ​មាន​ប្រសិទ្ធភាព​ជួយ​រំលូត​កូន​បានអត់?