home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

រួមភេទអំឡុងពេលមករដូវ អាចមានផ្ទៃពោះអត់?

រួមភេទអំឡុងពេលមករដូវ អាចមានផ្ទៃពោះអត់?

សំណួរ “Hello គ្រូពេទ្យ” ឧស្សាហ៍ទទួលបានពីស្រីៗយើង គឺ រួមភេទពេលមក​រដូវ អាច​មាន​ផ្ទៃ​ពោះ​អត់? អត្ថបទនេះនឹងពន្យល់លម្អិត!

១- អ្វី​ទៅ​ជាវដ្ត​រដូវ​មនុស្ស​ស្រី?

រដូវ ​កើត​ឡើង​ពេល​​រាង​កាយ​​ស្រីៗ​បញ្ចេញ​ជាលិកា​មិន​ត្រូវ​ការ​ចេញ​មក​ក្រៅ ហើយ​ជាលិកា​ទាំង​នោះ​ចេញ​តាម​ស្បូន ដែល​ជា​កន្លែងសម្រាប់​គភ៌​វិវត្ត​នៅ​ក្នុង​រាង​កាយ​មនុស្ស​ស្រី។ រៀង​រាល់​ខែ ស្រទាប់​ស្បូន​កាន់​តែ​ក្រាស់​ទៅ​ៗ​ដើម្បី​បង្កើត​ជា​ពង​មេជីវិតញី​។ បើ​ពង​មិន​អាច​បង្ក​កំណើត​ ឬ​មិន​អាច​ធ្លាក់​មក​ស្បូន​ទេ ស្រទាប់​ស្បូន​ទាំង​នោះ​ នឹង​បញ្ចេញពងមេ​ជីវិតញី ចេញ​ពីរាង​កាយ​តាម​រយៈ​ឈាម​ ដែល​ហូរ​តាម​ទ្វារមាស ហើយ​អ្វី​​រៀប​រាប់​នេះ​ ត្រូវគេ​ហៅថា​​វដ្ត​រដូវ។ វដ្ត​រដូវ​ កើត​មាន​រៀង​រាល់​ខែ ដូច​នេះ​ហើយ នៅ​ពេល​ក្មេង​ស្រី​មក​រដូវ រាង​កាយនឹង​បញ្ចេញ​ឈាម​តិច​តួច រួម​ជា​មួយ​​ជាលិកា​​មិន​ចាំបាច់​មួយ​ចំនួន​ចេញ​មក​ក្រៅ ខណៈទាំង​នេះ​ជា​រឿង​ធម្មតា​សម្រាប់​ស្រី ពេល​រាង​កាយ​​ពេញវ័យ។

២- ​ស្រីៗ​អាចមាន​ផ្ទៃ​ពោះ​ពេល​មក​រដូវ​ដែរទេ?

មនុស្ស​ជា​ច្រើន​គិត​ថា​ ​នឹង​មិន​មាន​ផ្ទៃ​ពោះ​ទេ​ បើ​សិន​​រួម​ភេទ​ពេល​មក​រដូវ។ ការ​ពិត អ្វី​ៗ​នៅ​តែ​​អាច​ទៅ​រួច​ ទាំង​រឿង​មាន​ផ្ទៃ​ពោះ​ពេល​មក​រដូវ ដោយ​អាស្រ័យ​លើ​មូល​ហេតុ​មួយ​ចំនួន៖

– មិន​មែន​ឈាម​ទាំង​អស់​ហូរ​តាម​ទ្វារមាស​ សុទ្ធ​តែ​ជា​ឈាម​រដូវ​នោះ​ទេ។ ពេល​ខ្លះ មនុស្ស​ស្រី​ក៏​អាច​ហូរ​ឈាម​នៅ​ពេល​បង្កើត​ជា​ពង (មេជីវិតញី) ដូចគ្នា ពិសេសពេល​​ស្រីៗ​បង្កើត​ពង​ច្រើន​បំផុត។ អំឡុង​ពេល​មនុស្ស​ស្រី​កំពុង​ផលិត​ពង (Ovulating) អាច​ធ្វើ​ឲ្យ​​មាន​ការ​ហូរ​ឈាម​ខ្លះ ដែលយើង​នឹង​ច្រឡំ​ថា ជា​ឈាម​រដូវ។

– ពេល​ខ្លះការ​ផលិត​ពង (Ovulation) អាច​កើត​មាន​ភ្លាម​មុន​ពេលស្រី​ឈប់​មក​រដូវ​ ឬ​ ២-៣ ​ថ្ងៃ​បន្ទាប់​ពី​វដ្ត​រដូវ​ចប់។ មនុស្ស​ស្រី​ម្នាក់ៗ​ មាន​ពេល​ផលិត​ពង (មេជីវិតញី) ​ខុសៗ​គ្នា ពី​វដ្ត​រដូវ​មួយ​ទៅ​វដ្ត​រដូវ​មួយ ដែល​ធ្វើ​ឲ្យ​​ពិបាក​​ប៉ាន់​ស្មាន​ថា​ នៅ​ពេល​ណា​ពិត​ប្រាកដ​ ឱកាសអាច​បង្ក​កំណើត​ខ្ពស់បំផុត។ ដោយ​សារ​តែ​មេ​ជីវិត​ឈ្មោល​អាច​រស់ក្នុង​ខ្លួន​មនុស្ស​ស្រី ពី ២-៣ ថ្ងៃ ឬ​អាច​ច្រើន​ជាង ​៥​ថ្ងៃ និង​ការ​បង្ក​កំណើត​ជាមួយ​មេ​ជីវិត​ញី ចំណាយ​ពេល​ត្រឹម ៧២​ ម៉ោង​ប៉ុណ្ណោះ​ បន្ទាប់​ពី​បាញ់​ទឹក​កាម​រួច ដូច​នេះ ​រួម​ភេទ​អំឡុង​ពេល​មក​រដូវ គឺ​ប្រឈម​មាន​ផ្ទៃ​ពោះខ្លាំង​ណាស់។

អត្ថបទពាក់ព័ន្ធ៖

  • ស្រីៗពពោះគេងប៉ុន្មានម៉ោង ទើបល្អទាំងម៉ាក់ៗ​ ទាំងគភ៌?
  • រឿងត្រូវប្រយ័ត្នពេលពពោះ បើស្រីៗមានធ្លាក់ឈាម មកពីបញ្ហាទាំងនេះ

ទោះ​ឱកាស​មាន​ផ្ទៃ​ពោះ​ពេល​មក​រដូវស្ថិតក្នុង​កម្រិត​​ទាប ប៉ុន្តែ​មិន​មាន​ន័យ​ថា ​មិន​អាច​នោះ​ទេ។ បន្ថែម​លើ​នេះ រាល់​ពេល​រួម​ភេទ​មិន​បាន​ការពារ កាន់​តែ​ប្រឈម​មាន​ផ្ទៃ​ពោះ​ខ្ពស់។ ហើយ​ក្រៅ​ពី​មាន​ផ្ទៃ​ពោះ ​អាច​នឹង​ឆ្លង​ជំងឺ​កាមរោគ ដូច​ជា ជំងឺ​ប្រមេះ​ទឹក​ថ្លា (Clamydia) ដុះ​សាច់​នៅ​លើ​ប្រដាប់​ភេទ (Genital warts) ឬ​ជំងឺ​អេដស៍​ជាដើម។ វិធី​តែ​មួយ​គត់​ដើម្បី​កុំ​ឲ្យ​មាន​កូន​ និង​ឆ្លង​ជំងឺ​កាម​រោគ គឺ​តម​មិន​រួម​ភេទ អំឡុង​ពេល​ស្រីៗកំពុងមករដូវ។ តែ​បើ​ចង់​រួម​ភេទ សូម​ប្រើ​ស្រោម​អនាម័យ​ដើម្បី​ការពារ ទាំង​ការ​មាន​ផ្ទៃ​ពោះ​ដោយ​មិន​បាន​គ្រោង​ទុក និង​ជំងឺ​កាមរោគ។

​ក្នុងករណី​ចង់​បាន​កូន ហើយ​មិន​អាច​មាន​កូន​រយៈពេល​មួយ​ឆ្នាំ ឬ​ច្រើន​ជាង​នេះ ​បន្ទាប់​ពី​រួម​ភេទ​ដោយ​មិន​បាន​ការពារ សូម​ពិគ្រោះ​ជាមួយ​គ្រូពេទ្យ។ គ្រូពេទ្យ​អាច​នឹង​ណែនាំ​វិធី​តាមដាន​ការ​ធ្លាក់​ពង​មេ​ជីវិត​ញី​ (Ovulation) ការ​ធ្វើ​តេស្ត និង​ការ​ព្យាបាល​ អាច​ជួយ​បង្កើន​ឱកាស​​មាន​កូនខ្ពស់​ជា​មុន។

ក្នុង​ករណី​មាន​សំណួរ​ ឬ​មន្ទិល​សង្ស័យ​ជុំវិញ​បញ្ហា​សុខភាព​អ្នក​ ជម្រើស​ល្អ​បំផុត ​សូម​ពិគ្រោះ ​និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា​ មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ឡើយ៕

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Can a Woman Become Pregnant During Her Period? http://www.parents.com/getting-pregnant/ovulation/fertile-days/pregnant-period/. Accessed on January 6, 2017.

Can You Get Pregnant if You Have Sex on Your Period?  http://www.healthline.com/health/pregnancy/sex-on-period. Accessed on January 6, 2017.

រូបថត​របស់​អ្នក​និពន្ធbadge
ដោយ គឹម កាណែល កែសម្រួល​ចុងក្រោយ 30/06/2019
ត្រួតពិនិត្យដោយ វេជ្ជ. ចាន់ ស៊ីណេត
x