គ្នាយើងពិតជាបានដឹងហើយថាពោតបារាំង (Okra) អាចយកមកធ្វើជាអាហារប្រចាំថ្ងៃបាន ប៉ុន្តែក៏មានអ្នកខ្លះចាត់ទុកជាប្រភេទផ្លែឈើដែរ។ ពោតបារាំងមានពីរពណ៌គឺពណ៌បៃតង និងពណ៌ក្រហមដែលប្តូរមកពណ៌បៃតងក្រោយពេលចម្អិន។ មួយវិញទៀតគ្នាយើងក៏ទំនងជាបានដឹងដែរថាពោតបារាំងសម្បូរសារធាតុចិញ្ចឹមដែលបានអត្ថប្រយោជន៍ច្រើនសម្រាប់សុខភាព។
ពោតបារាំង ផ្ដល់អត្ថប្រយោជន៍ច្រើនដល់សុខភាព
ត្រួតពិនិត្យដោយ ទូច សុខា
សំបូរសារធាតុចិញ្ចឹមan>
ក្នុងពោតបារាំង១០០ក្រាមមានផ្ទុកនូវ៖
-
កាឡូរី៖ ៣៣កាឡូរី
-
កាប៊ូអ៊ីដ្រាត៖ ៧ក្រាម
ប្រូតេអ៊ីន៖ ២ក្រាម
ជាតិខ្លាញ់៖ ០ក្រាម
វីតាមីន color: #000000;”>K៖ ២៦%ក្នុងមួយពេល
វីតាមីន B6៖ ១៤%ក្នុងមួយពេល។
ក្រៅពីអ្វីដែលបានរៀបរាប់ខាងលើពោតបារាំងគឺជាប្រភពដ៏ល្អនៃវីតាមីន C និង K1។ វីតាមីន C មានមុខងារជួយដល់ប្រព័ន្ធភាពស៊ាំ រីឯវីតាមីន K1 អាចជួយក្នុងការធ្វើកំណកឈាម។ មួយវិញទៀត ចំណុចពិសេសរបស់ផ្លែពោតបារាំងនេះគឺមានប្រូតេអ៊ីន និងជាតិសរសៃដែលផ្លែឈើ និងបន្លែមួយចំនួនមិនមាន។
អត្ថបទគួរអាន៖
ពោតបារាំងផ្ទុកនូវសារធាតុប្រឆាំងអ៊ីកស៊ីតកម្ម (Antioxidants)
ពោតបារាំងមាននូវសារធាតុប្រឆាំងអ៊ុកស៊ីតកម្មដែលមានផលល្អសម្រាប់សុខភាពរបស់យើងគ្រប់គ្នា។ សារធាតុប្រឆាំងអ៊ុកស៊ីតកម្មចម្បងនៅក្នុងពោតបារាំងនេះគឺ Polyphenols រួមទាំង Flavonoids និងIsoquercetin ក៏ដូចជាវីតាមីន A និងCដែរ។ ការសិក្សាបានបង្ហាញថា អាហារដែលមានជាតិ Polyphenols ខ្ពស់ជាអាហារល្អសម្រាប់សុខភាពខួរក្បាល និងបេះដូង រួមទាំងការប្រឆាំងនឹងការរលាក។
កាត់បន្ថយហានិភ័យនៃជំងឺបេះដូង
ជំងឺបេះដូងបង្កឡើងដោយជាតិកូលេស្តេរ៉ូលខ្ពស់ ហើយពោតបារាំងមានសារធាតុម្យ៉ាងហៅថា mucilage ដែលអាចកម្ចាត់កូលេស្តេរ៉ូលអំឡុងពេលរំលាយអាហារឲ្យចេញមកតាមការបន្ទោរបង់។ ម៉្យាងទៀត សារធាតុ Polyphenols អាចជួយប្រឆាំងនឹងការរលាក និងការពារបេះដូងរបស់យើងទៀតផង។ ដូចនេះពោតបារាំងជាអាហារល្អសម្រាប់សុខភាពបេះដូង។
ពោតបារាំងអាចប្រឆាំងជំងឺមហារីក
ផ្លែពោតបារាំងក៏មានមានសារធាតុ Lectin ដែលអាចទប់ស្កាត់ការលូតលាស់នៃកោសិកាមហារីក។ តាមការពិសោធន៍ទៅលើសត្វកណ្តុរបានបង្ហាញថាសារធាតុនេះអាចបង្ការការលូតលាស់របស់កោសិកាមហារីករហូតដល់ទៅ៦៣%។
កាត់បន្ថយជាតិស្ករក្នុងឈាម
បើនិយាយពីកម្រិតជាតិស្ករ គ្នាយើងខ្លះទំនងជាមានកង្វល់ ដោយសារកម្រិតជាតិស្ករក្នុងឈាមពិតជាសំខាន់សម្រាប់សុខភាពណាស់។ កាលណាកម្រិតជាតិស្ករខ្ពស់អាចបណ្តាលឲ្យមានជំងឺបម្រុងទឹកនោមផ្អែម (Prediabetes) និងទឹកនោមផ្អែមប្រភេទទី២។ ការពិសោធន៏លើកណ្តុរបានឲ្យដឹងថា ផ្លែនេះអាចទប់ស្កាត់ការឡើងនៃជាតិស្ករក្នុងឈាម ប៉ុន្តែការស្រាវជ្រាវខ្លះបានលើកឡើងថាអាចនឹងមានភាពរំខានដល់ថ្នាំសម្រាប់ទឹកនោមផ្អែមដែលគេប្រើទូទៅ។ ដូចនេះគ្នាយើងដែលបារម្ភបីការឡើងជាតិស្ករអាចសាកទទួលទានផ្លែពោតបារាំងនេះបាន ដោយថាអាចកាត់បន្ថយជាតិស្ករក្នុងឈាមបាន។
មានប្រយោជន៍ដល់ស្រ្តីមានផ្ទៃពោះ
ពោតបារាំងមានផ្ទុកអាស៊ីតហ្វូលិក (វីតាមីន B9) ដែលមានសារៈសំខាន់ណាស់សម្រាប់ស្រ្តីមានផ្ទៃពោះ ព្រោះអាចជួយកាត់បន្ថយនូវហានិភ័យនៃការខូចប្រព័ន្ធបង្កើតសរសៃប្រសាទរបស់ទារកក្នុងផ្ទៃ។ ស្រ្តីមានផ្ទៃពោះត្រូវបានណែនាំឲ្យទទួលទានអាស៊ីតហ្វូលិក ៤០០មីក្រូក្រាមជារៀងរាល់ថ្ងៃ។
អត្ថបទពាក់ព័ន្ធ៖
- ហេតុផលសំខាន់ៗ ស្រីៗគួរញ៉ាំថ្នាំវីតាមីន មុនពេលមានផ្ទៃពោះ
- ស្រីៗពពោះចង់ឲ្យខួរក្បាលកូនឆ្លាត ភ្នែកភ្លឺ កុំភ្លេចញ៉ាំសារធាតុបំប៉នដ៏សំខាន់នេះ
- បន្លែ-ផ្លែឈើល្អៗ ជួយកូនក្នុងផ្ទៃលូតលាស់ល្អ ម៉ាក់ៗត្រូវញ៉ាំឲ្យបានច្រើន
- ពេលពពោះគួរចៀសអាហារទាំងនេះ ទើបម្តាយ និងកូនមានសុខភាពល្អ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម