ការហាត់ប្រាណដោយការលោត ត្រឹមតែ៥នាទី/ថ្ងៃ អាចការពារ ពិសេសស្រ្តី ពីហានិភ័យពុកឆ្អឹងត្រគាកបាន នេះបើតាមការស្រាវជ្រាវថ្មីមួយ។
មាតិកា
លោតហាត់ប្រាណ ១ថ្ងៃ តែ៥នាទី ក៏អាចជួយការពារស្រ្តីពីការពុកឆ្អឹងត្រគាក
ការសិក្សាបានបង្ហាញថា លំហាត់ប្រាណបែបលោត អាចពង្រឹងឆ្អឹងជើង ដោយបង្កើនកំហាប់ឆ្អឹង និងធ្វើឱ្យឆ្អឹងមិនងាយបាក់។ ការពិសោធនេះ បានធ្វើឡើងទៅលើស្រ្តី៣៥នាក់ ដែលមានវ័យ៥៥-៧០ឆ្នាំ ក្នុងការអនុវត្តលំហាត់ប្រាណស្រាលៗ ដោយការលោត រយៈពេល៦ខែ ដោយក្នុងនោះមានការលោត ដោយប្រើជើងតែម្ខាងចំនួន៥០ដង រៀងរាល់ថ្ងៃ។
លទ្ធផលដូចការរំពឹងទុក ក្រោយការអនុវត្តតាមវិធីដែលអ្នកជំនាញបានណែនាំ ឃើញថា កំហាប់ឆ្អឹងបានកើនឡើង ប្រមាណ ៣,២% ធ្វើឱ្យឆ្អឹងពួកគេហាប់ណែន ពិសេសឆ្អឹងត្រគាក ដែលជាសញ្ញាល្អដល់ស្ត្រីស្ថិតក្នុងវ័យជ្រេ។
លោកវេជ្ជបណ្ឌិត Katherine Brooke-Wavell អ្នកដឹកនាំការស្រាវជ្រាវខាងលើ បានលើកឡើងថា៖ “ស្រ្តីដែលនៅវ័យក្រោយអស់រដូវ ច្រើនជួបហានិភ័យ កំហាប់ឆ្អឹងទាប និងងាយប្រេះស្រាំ។ តែយ៉ាងណា ការលោត ជាលំហាត់ប្រាណមានប្រយោជន៍ ដោះស្រាយបញ្ហានេះ ម្យ៉ាងទៀត វាងាយស្រួលធ្វើ ហើយអ្នកអាចធ្វើបានដោយខ្លួនឯង“។
អត្ថបទពាក់ព័ន្ធ៖
តាមការផ្សាយលទ្ធផលស្រាវជ្រាវរបស់សាកលវិទ្យាល័យ Loughborough ប្រទេសអង់គ្លេសដែលបានសិក្សាពីករណីខាងលើបង្ហាញថា ពុកឆ្អឹង ជាបញ្ហាទូទៅមួយលើស្រ្តី ដែលបានកើតឡើងក្រោយពួកគេដល់វ័យអស់រដូវ ជាហេតុធ្វើឱ្យឆ្អឹងរបស់ពួកគេ អាចមានប្រហោងខាងក្នុងដោយកំហាប់ឆ្អឹងទាប។ យ៉ាងណាមិញ ការធ្វើលំហាត់ប្រាណរក្សាសុខភាព អាចបង្ការពីបញ្ហាខាងលើនេះបាន៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.dailymail.co.uk/health/article-7776241/Five-minutes-daily-HOPPING-protect-postmenopausal-women-broken-hips.html
Exercise for the prevention of osteoporosis in postmenopausal women: an evidence-based guide to the optimal prescription, https://www.ncbi.nlm.nih.gov/pmc/articles/PMC6429007/
Bone Strength After Menopause, https://www.breastcancer.org/treatment-side-effects/menopause/long-term-health/bone-strength
កំណែប្រែបច្ចុប្បន្ន
28/03/2022
អត្ថបទដោយ មាន រតនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម