ក្នុងស្ថានការណ៍ COVID-19 នេះ មនុស្សភាគច្រើនជួបប្រទះបញ្ហាដៃស្ងួត របក ព្រោះលាងសម្អាតជាមួយអាល់កុល ជែល ឬសាប៊ូច្រើនពេក។ ថ្លែងក្នុងសន្និសីទកាសែត ស្តីពី បច្ចុប្បន្នភាពនៃស្ថានភាពជំងឺ COVID-19 នៅកម្ពុជា ម្សិលមិញនេះ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានបង្ហាញតិចនិកមួយចំនួនដូចខាងក្រោម។
១- ចាក់អាល់កុល ឬជែលបរិមាណល្មម
ប្រសិនបើយើងចាក់ ឬច្របាច់អាល់កុល ជែល ច្រើនហួសហេតុពីតម្រូវការ នោះគឺជាមូលហេតុនាំឲ្យដៃឆាប់របក ឬស្ងួត ប្រេះ ជាដើម។ បើប្រអប់ដៃតូចល្មម ហើយចាក់បរិមាណសារធាតុសម្លាប់មេរោគទាំងនោះចាល់ ឬសល់យូរ ទើបបណ្ដាលឲ្យឆាប់ស្ងួតគ្មានសំណើម។ ដើម្បីសម្លាប់មេរោគយើងត្រូវលាងចាប់ពី ២០-៤០ វិនាទី ហើយដុសឲ្យសព្វគន្លាក់ម្រាមដៃ ក្រចក និងកដៃ។
២- លាងជាមួយសាប៊ូ និងទឹកស្អាតវិញ
សម្រាប់អាល់កុល ជែល គួរតែប្រើសម្រាប់ចេញទៅក្រៅផ្ទះគ្មានទឹក និងសាប៊ូ ដូចនេះពេលនៅផ្ទះគួរតែលាងជាមួយសាប៊ូ និងទឹកស្អាតវិញ ទើបដៃមិនសូវស្ងួត ឬរបក។ ការលាងសម្អាតដៃជាមួយសាប៊ូ និងទឹកត្រូវការរយៈពេលពី ៤០ វិនាទីទៅ ១:២០ នាទី ទើបសម្លាប់មេរោគ ឬបាក់តេរីបាន ហើយការលាងត្រូវដុសគ្រប់កន្លែងលើដៃ និងកដៃ។
៣- កុំដុសខ្លាំង
មិនថាលាងសម្អាតដៃជាមួយទឹក+សាប៊ូ ឬជាមួយអាល់កុល ជែល ឡើយ យើងមិនត្រូវប្រើកម្លាំងខ្លាំងពេកឡើយ ព្រោះស្បែកកំពុងប៉ះពាល់ជាមួយសារធាតុកាត់ដែលអាចជួយជម្រះមេរោគហើយ ត្រូវមកកកិតជាមួយកម្លាំងខ្លាំងទៀតនោះ ធ្វើឲ្យរបកជាមិនខាន។
៤- លាងតែពេលចាំបាច់
ការលាងសម្អាតដៃ ធ្វើឡើងតែពេលសំខាន់ៗដូចជាប៉ះពាល់ជាមួយអ្នកដទៃ ឬវត្ថុដែលសង្ស័យថាអាចចម្លង COVID-19 ឬមេរោគផ្សេងៗចូលខ្លួនបាន។ មិនមែនគ្រាន់តែនឹកឃើញ ឬមិនបានជួប ប៉ះពាល់អ្វីគគ្រិចផងក៏លាងដៃដែរនោះ ច្បាស់ណាស់ដៃប្រាកដជារបកមិនខាន។
អត្ថបទពាក់ព័ន្ធ៖
- ដំបូន្មានល្អៗ ជុំវិញវិធីបង្ការកូនពីវីរុស COVID-19
- ការព្យាបាលអ្នកជំងឺ COVID-19 ជា អាស្រ័យលើកត្តា ៣ យ៉ាង
- ដំណាក់កាលនេះ បើកូនឈឺ ត្រូវនាំទៅពេទ្យ កុំសំងំព្យាបាលនៅផ្ទះ
- ក្មេងៗបានចាក់វ៉ាក់សាំងផ្ដាសាយ អាចគេចផុតពីវីរុសកូរ៉ូណាថ្មីទេ?
- ម៉ាក់ប៉ាធ្វើការ ពេលត្រលប់ទៅផ្ទះវិញត្រូវធ្វើបែបនេះ មុនប៉ះកូនតូច
- ៥ចំណុច ដោះស្រាយភាពតានតឹងរបស់កុមារ ក្នុងពេលផ្ទុះ COVID-19
- ក្រុមមនុស្សមួយប្រភេទនេះក៏ប្រឈមនឹងការឆ្លង COVID-19 ខ្ពស់ដែរ
- ចម្ងល់ម៉ាក់ៗ ស្របពេលផ្ទុះ COVID-19 តើគួរយកកូនទៅចាក់វ៉ាក់សាំងអត់?
- សម្រួលភាពតានតឹង អំឡុងការរាលដាលវីរុស COVID-19 ដោយវិធីទាំងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
