អ្នកវិទ្យាសាស្ត្របានលើកឡើងថាអ្នកឆ្លងវីរុស COVID-19 មិនអាចចម្លងបន្តទៅអ្នកដទៃក្រោយពីខ្លួនមានវីរុសនេះចាប់ពី១១ថ្ងៃទេ ទោះបីជាលទ្ធផលតេស្ដរបស់អ្នកទាំងនោះនៅមានលទ្ធផលតេស្តចេញមកថាវិជ្ជមានក៏ដោយ។
អ្នកស្រាវជ្រាវរបស់សិង្ហបុរីបានរកឃើញថាអ្នកជំងឺអាចចម្លងវីរុសនេះបានក្នុងអំឡុងពេល២ថ្ងៃមុននឹងចេញរោគសញ្ញា។ អ្នកជំងឺនេះនឹងអាចមានលទ្ធភាពបន្តចម្លងទៅអ្នកផ្សេងទៀតចន្លោះ៧ទៅ១០ថ្ងៃក្រោយពីមានរោគសញ្ញាដូចជាគ្រុនក្ដៅក្នុងសីតុណ្ហភាពខ្ពស់ និងក្អក។ អ្នកស្រាវជ្រាវបានបន្តទៀតថា វីរុសCOVID-19 មិនអាចរស់នៅបានក្រោយពីឈឺរយៈពេល១១ថ្ងៃនោះទេ។
អ្នកស្រាវជ្រាវសិង្ហបុរីបានធ្វើការពិនិត្យទៅលើអ្នកជំងឺ COVID-19 ៧៣នាក់។ អ្នកស្រាវជ្រាវបានសិក្សាទៅលើវីរុសថាតើវីរុសអាចចម្លងពីអ្នកជំងឺទៅអ្នកដទៃទៀតបានឬយ៉ាងណា។ លទ្ធផលតេស្ដវិជ្ជមានរបស់អ្នកជំងឺដែលនៅមានរោគសញ្ញាក្រោយពីរយៈពេល២សប្តាហ៍គឺមកពីបំណែករបស់វីរុសដែលបំណែកនេះមិនចម្លងទៅអ្នកដទៃទៀតទេ។
អ្នកវិទ្យាសាស្ត្របានបន្ថែមទៀតថាផ្អែកទៅលើទិន្នន័យដែលប្រមូលបានចាប់តាំងពីមានជំងឺ COVID-19 នេះមក រយៈពេលចម្លងនៃអ្នកជំងឺមានរោគសញ្ញាអាចនឹងចាប់ផ្ដើម២ថ្ងៃមុនមានរោគសញ្ញា និងអាចបន្តចម្លងប្រហែល៧ទៅ១០ថ្ងៃក្រោយចេញរោគសញ្ញា។ កម្រិតវីរុសរស់នេះដែរនឹងមានការធ្លាក់ចុះយ៉ាងខ្លាំងក្រោយពីមួយសប្ដាហ៍ដំបូង ហើយគេមិនបានរកឃើញវីរុសដែលសកម្មបន្ទាប់ពីឈឺនៅសប្ដាហ៍ទីពីរទេ។
អ្នកវិទ្យាសាស្ត្រសង្ឃឹមថាការរកឃើញពីសមត្ថភាពនៃការចម្លងរបស់វីរុសនេះអាចនឹងជួយដល់មន្ទីរពេទ្យដឹងថាពេលណាត្រូវអនុញ្ញាតឲ្យអ្នកជំងឺត្រលប់ទៅផ្ទះវិញ។
អត្ថបទពាក់ព័ន្ធ៖
- អង់គ្លេសសម្រេចបន្ថែមអាការៈពីរទៀតទៅក្នុងបញ្ជីរោគសញ្ញាវីរុស COVID-19
- អ្នកវិទ្យាសាស្រ្តរកឃើញអង់ទីករប្រឆាំង COVID-19 លើអ្នកឆ្លងជំងឺ SARS កាលពី១៧ឆ្នាំមុន
- អ្នកស្រាវជ្រាវរកឃើញមូលហេតុប្រុសៗឆ្លងវីរុស COVID-19 ច្រើន និងងាយស្លាប់ជាងស្រីៗ
- វីរុស COVID-19 មិនត្រឹមតែបង្កផលប៉ះពាល់ដល់ផ្លូវដង្ហើម តែមានច្រើនជាងនេះទៅទៀត
- ចិនរកឃើញ COVID-19 មានក្នុងទឹកកាមអ្នកជំងឺ បារម្ភថាវីរុសអាចឆ្លងតាមការរួមភេទ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
