មន្ទីរពេទ្យ Vinmec Times City International Hospital ក្នុងក្រុងហាណូយ ប្រទេសវៀតណាម បានទទួលជោគជ័យ ក្នុងការផ្លាស់ប្ដូរបេះដូងសិប្បនិមិត្ត (HeartWare Ventricular Assist Device) ក្នុងខ្លួនអ្នកជំងឺម្នាក់ ដែលមានជំងឺខ្សោយបេះដូង។ ជោយជ័យនេះ ជួយឲ្យអ្នកជំងឺបន្តជីវិតបានរយៈពេល ៧ឆ្នាំទៀត។

អ្នកស្រី Vi Thi Tan អាយុ ៣៤ឆ្នាំ រស់នៅស្រុក Muong Lat ខេត្ត Thanh Hoa មានជំងឺបេះដូងរយៈពេល ១០ឆ្នាំមកហើយ និងឈានដល់ដំណាក់កាលចុងក្រោយ នៃជំងឺខ្សោយបេះដូង រីកសាច់ដុំបេះដូង និងជំងឺស្រ្ដូក។ អ្នកស្រី បានឈានដល់ស្ថានភាពធ្ងន់ធ្ងរមួយទៅហើយ។

ដើម្បីសង្រ្គោះជីវិត ក្រុមវេជ្ជបណ្ឌិត នៃមន្ទីរពេទ្យអន្តរជាតិក្នុងក្រុងហាណូយមួយនេះ បានសម្រេចភ្លាមៗ ធ្វើការផ្លាស់ប្ដូរបេះដូងសិប្បនិមិត្ត។ ក្រោយការវះកាត់រយៈពេល ៥ម៉ោង អ្នកស្រី Vi Thi Tan មានសញ្ញាប្រសើរឡើងវិញ ជាមួយដំណើរការល្អរបស់បេះដូងសិប្បនិមិត្តក្នុងខ្លួនរបស់អ្នកស្រី។

មួយខែក្រោយមក អ្នកស្រី Vi Thi Tan បានធូរស្បើយ និងបានចាកចេញពីមន្ទីរពេទ្យ កាលពីថ្ងៃទី៤ ខែមេសា ឆ្នាំ២០១៩។ ប៉ុន្ដែក្រុមវេជ្ជបណ្ឌិត នឹងបន្តណែនាំអ្នកជំងឺរូបនេះ ពីវិធីថែទាំសុខភាព និងការប្រើប្រាស់បេះដូងសិប្បនិមិត្ត។

អ្នកស្រី Vi Thi Tan បានបញ្ជាក់ថា បច្ចុប្បន្ន អ្នកស្រី បានធូរស្បើយច្រើន ហើយអ្នកស្រីមានអារម្មណ៍ដូចបានកើតជាថ្មី ក្រោយការវះកាត់ផ្លាស់ប្ដូរបេះដូង។

មន្ទីរពេទ្យ Vinmec Times City International Hospital ក្នុងក្រុងហាណូយ ប្រទេសវៀតណាម

អត្ថបទពាក់ព័ន្ធ៖

លោកវេជ្ជបណ្ឌិត Bui Duc Phu ដែលដឹកនាំការវះកាត់នេះ បានបញ្ជាក់ថា ដោយក្លាយជាមន្ទីរពេទ្យឯកជនទី១ និងជាមន្ទីរពេទ្យទី២ ក្នុងប្រទេសវៀតណាម ជោគជ័យក្នុងការវះកាត់ដ៏ស្មុគស្មាញនេះ មន្ទីរពេទ្យ Vinmec Times City International Hospital នឹងបន្ដពង្រឹងតួនាទីរបស់ខ្លួន ក្នុងការព្យាបាលជំងឺបេះដូង។ បច្ចុប្បន្នេះ មន្ទីរពេទ្យនេះ មានបច្ចេកវិទ្យាចុងក្រោយ ក្នុងផ្នែកបេះដូងសិប្បនិមិត្ត ដើម្បីបំពេញតម្រូវការអ្នកជំងឺបេះដូង ទាំងក្នុង និងក្រៅប្រទេស។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

វៀតណាម​ខ្លាំង! ពេទ្យគេ​ ប្ដូរ​បេះដូង​សិប្បនិមិត្ត​ឲ្យ​អ្នក​ជំងឺ​​​ដោយជោគជ័យ

វៀតណាមខ្លាំង! ពេទ្យគេ ប្ដូរបេះដូងសិប្បនិមិត្តឲ្យអ្នកជំងឺដោយជោគជ័យ