ជំងឺ​សរសៃ​ឈាម​បេះដូង​សម្លាប់​ពលរដ្ឋ​ខ្មែរច្រើន​ជាង​មហារីក​ទៀត ​តើមកពីអ្វី?

​ជំងឺ​សរសៃ​ឈាម​បេះដូង​នៅក្នុងប្រទេសកម្ពុជាយើងមាន​អត្រាអ្នកស្លាប់​ខ្ពស់​ជាង​គេ បើធៀបនឹងជំងឺផ្សេងៗ ក្នុងនោះមានរួមទាំង​ជំងឺ​កាច​សាហាវ​មហារីក​ផងដែរ នេះបើយោងតាមការចុះផ្សាយរបស់ទិនានុប្បវត្តិ PLOS GLOBAL PUBLIC HEALTH កាល​ពី​ឆ្នាំ​ ២០២២។

ថ្ងៃនេះ​យើង​មក​ដឹង​ទាំងអស់​គ្នា​អំពី​មូលហេតុ រោគសញ្ញា និង​វិធីបង្ការ​ជំងឺ​សរសៃឈា​ម​បេះដូង តើ​មាន​អ្វីខ្លះ?​

១- ​ជំងឺ​សរសៃ​ឈាម​បេះដូងជាអ្វី?

ជំងឺនេះ​កើត​ឡើង​ភ្លាមៗ​នៅ​ពេល​សរសៃ​ឈាម​ដែល​នាំ​ទៅ​ចិញ្ចឹម​បេះដូង ក្រិន ឬស្ទះ ធ្វើឲ្យ​បេះដូង​ខូច ស្លោក​ ឬ​រលួយ។ នេះបើតាមការបកស្រាយរបស់លោកវេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។

ជំងឺ​​សរសៃ​ឈាម​បេះដូង​​ច្រើន​​កើត​​មាន​​ឡើង​​លើ​​ក្រុម​​មនុស្ស​​​ទាំង​បុរសស្ត្រីដែល​មាន​ជំងឺ​លើស​ឈាម ទឹកនោមផ្អែម ធាត់ខ្លាំង លើស​ជាតិ​ខ្លាញ់ ជក់បារី ឬញ៉ាំស្រាច្រើន។

ចង់គណនា BMR ចុចទីនេះ!

គណនារកចង្វាក់បេះដូងលោត ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

ចង់ពិនិត្យសញ្ញាព្រមានសរសៃឈាមខួរក្បាល ចុចទីនេះ!

២- រោគសញ្ញា

អ្នក​ជំងឺ​សរសៃ​ឈាម​បេះដូង​នឹង​ស្តែង​ចេញ​ជា​រោគ​សញ្ញា ដូចជា​ចុកដើមទ្រូង បែកញើស ថប់ដង្ហើម ឬហត់។ ចំណែក​រោគ​សញ្ញា​ធ្ងន់ធ្ងរ​រួម​មាន៖

– ស្ទះសរសៃឈាមបេះដូង

– ស្លោកបេះដូង

– គាំងបេះដូង។

៣- វិធីការពារ

– ចៀស​វាងអាហារប្រៃ

– កាត់បន្ថយការញ៉ាំសាច់ និងអាហារសម្បូរជាតិខ្លាញ់

– កុំជក់បារី ផឹកគ្រឿងស្រវឹង

– គ្រប់គ្រងសម្ពាធឈាម និងកម្រិតជាតិស្ករឲ្យបានល្អ

– រក្សាទម្ងន់ឲ្យបានសមស្រប

– ហាត់ប្រាណ និងតាមដានសុខភាពឲ្យបានទៀងទាត់។

ជំងឺ​សរសៃ​ឈាម​បេះដូងជាជំងឺឃាតកទី ១ ដែលឆកយកជីវិតប្រជាពលរដ្ជខ្មែរ ដូច្នេះយើងគួរកែប្រែរបៀបរស់នៅដើម្បីចៀសឱ្យឆ្ងាយពីជំងឺនេះ។

អត្ថបទគួរអាន៖

• ប្រយ័ត្ន​ផង! ឧស្សាហ៍ឡើងឈាម អាច​​គាំងបេះដូង
• លំហាត់​ប្រាណ ៤ ប្រភេទ ជួយ​ឲ្យ​បេះដូង​ល្អ ទោះ​រវល់​ប៉ុនណា​ក៏​ដោយ
• អ្នក​​មាន​បញ្ហាបេះដូង​ ត្រូវប្រយ័ត្នអ្វីខ្លះ​ពេល​ធ្វើ​ដំណើរ?
• អត់ញ៉ាំអាហារ​ព្រឹក អាច​ស្លាប់​ដោយសារ​ជំងឺ​បេះដូង
• ឧស្សាហ៍មានអាការៈបេះដូងលោតញាប់ខុសធម្មតា​ សាកវិធីទាំងនេះអាចជួយបាន
• មានកូលេស្ដេរ៉ូល និងសម្ពាធឈាមខ្ពស់ ប្រឈមកើតជំងឺបេះដូងខ្លាំង