ដោយសាររបបអាហារសម្បូរបែប រួមផ្សំនឹងទម្លាប់ខ្ជិលហាត់ប្រាណទៀតនោះ យុវជនភាគច្រើន មិនថា នៅអឺរ៉ុប ឬអាស៊ីទេ មានរាងកាយធាត់ សម្បូរជាតិខ្លាញ់ ឬកូលេស្ដេរ៉ូល ហើយបញ្ហានេះ ក៏ធ្វើឲ្យពួកគេ មានសម្ពាធឈាមខ្ពស់ ឬលើសឈាមទាំងវ័យក្មេង។
មាតិកា
មានកូលេស្ដេរ៉ូល និងសម្ពាធឈាមខ្ពស់ ប្រឈមកើតជំងឺបេះដូងខ្លាំង
អ្វីដែលដែលគួរឲ្យព្រួយបារម្ភ និងប្រុងប្រយ័ត្ននោះ គឺយុវជន ដែលមានអាយុពី ១៨-៣៩ឆ្នាំ មានបញ្ហាកូលេស្ដេរ៉ូលខ្ពស់ និងលើសឈាម ប្រឈមកើតជំងឺគាំងបេះដូង ខ្សោយបេះដូង ឬដាច់សរសៃឈាមខួរក្បាល នៅពេលពួកគេចាស់ទៅ។ នេះបើតាមលទ្ធផលការសិក្សារបស់សាកលវិទ្យាល័យអាមេរិកជាច្រើន ក្រោមការឧបត្ថម្ភដោយវិទ្យាស្ថានជាតិសុខាភិបាលអាមេរិក។
ការសិក្សានេះ ធ្វើឡើងលើមនុស្ស ៣៦ ០៣០នាក់ និងបានតាមដានរយៈពេល ១៧ឆ្នាំ។ ក្រោយការតាមដាន លទ្ធផល រកឃើញថា ជំងឺបេះដូង មាន ៤ ៥៧០ករណី ជំងឺខ្សោយបេះដូង មាន ៥ ១១៩ករណី និងជំងឺដាច់សរសៃឈាមខួរក្បាល មាន ២ ៨៦២ករណី។
អ្នកស្រាវជ្រាវ ថា លទ្ធផលនេះ ជាភស្ដុតាងបន្ថែមទៀត បញ្ជាក់ថា ការកើនឡើងសម្ពាធឈាម និងកូលេស្ដេរ៉ូល ពេលនៅជាយុវជន អាចបង្កគ្រោះថ្នាក់មែន ហើយការរក្សាសម្ពាធឈាម និងកូលេស្ដេរ៉ូល ឲ្យនៅក្រោមការគ្រប់គ្រងបាន អាចផ្ដល់អត្ថប្រយោជន៍ដល់សុខភាព នៅពេលអនាគត។ ដើម្បីចៀសវាងការកើតមានបញ្ហាលើសឈាម និងកូលេស្ដេរ៉ូលខ្ពស់ អ្នកស្រាវជ្រាវ ណែនាំឲ្យយុវជនហាត់ប្រាណឲ្យបានទៀតទាត់ ញ៉ាំអាហារមានតុល្យភាពចំពោះសុខភាព កុំជក់បារី និងផឹកគ្រឿងស្រវឹងតិចតួច។
អត្ថបទពាក់ព័ន្ធ៖
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Wake-up call: High blood pressure and cholesterol in young adults associated with later heart disease, https://www.nhlbi.nih.gov/news/2019/wake-call-high-blood-pressure-and-cholesterol-young-adults-associated-later-heart-disease#:~:text=High%20blood%20pressure%20and%20elevated,prevent%20heart%20disease%2C%20researchers%20say.
High Blood Pressure, Cholesterol in Young Adults Associated with Later Heart Disease, https://www.acc.org/about-acc/press-releases/2019/07/15/13/19/high-blood-pressure-cholesterol-in-young-adults-associated-with-later-heart-disease
High Cholesterol – Causes, Symptoms & Treatments, https://www.bhf.org.uk/informationsupport/risk-factors/high-cholesterol
កំណែប្រែបច្ចុប្បន្ន
13/06/2022
អត្ថបទដោយ គីង ច័ន្ទវាសនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម