ទឹកជូតក្រចក អាចយកលាងដៃជំនួសអាល់កុលបានអត់?

ក្រោយ COVID-19 វាយលុក ប្រជាជនខ្មែរ បានខិតខំស្វែងរកទិញទឹកលាងដៃ អាល់កុល ដើម្បីសម្លាប់មេរោគ តែផលិតផលអស់ទាំងនោះមានតម្លៃកាន់តែថ្លៃ ហើយរកទិញក៏មិនបានទៀតនោះ។ ស្របពេលនោះក៏មានសំណួរលើកឡើងថា តើទឹកជូតក្រចក អាចមកយកលាងដៃជំនួសអាល់កុលបានអត់ ហើយសមាសធាតុទឹកជូតក្រចកក៏ស្រដៀងនឹងអាល់កុលដែរ គ្រាន់តែក្លិនឈ្ងុយជាងតែប៉ុណ្ណោះ។

ឱសថការី គីម កាណែល បានបញ្ជាក់ថា ទឹកជូតក្រចកនោះ ត្បិតតែមានធាតុផ្សំពីអាល់កុលក៏ពិតមែន តែមិនអាចប្រើជំនួសទឹកលាងដៃ ឬអាល់កុលបានឡើយ។ ទឹកជូតក្រចកមានផ្សំអាល់កុល អាសេតូន ទឹក ប៊ុយតាណុល ហើយសារធាតុដែលលាងជម្រះថ្នាំក្រចកបាន គឺអាសេតូន។

COVID-19

កម្រិតទឹកលាងក្រចកមិនអាចលាងសម្អាតស្បែកបានឡើយ តែអាចលាងត្រឹមក្រចកនោះ ហើយបានយើងយកទៅប្រើលើស្បែកអាចរបក និងនាំឲ្យមានបញ្ហាស្បែកផ្សេងៗ ដូចនេះហើយយើងមិនគួរយកទឹកលាងក្រចកនោះមកឡើយ។

ជម្រើសដ៏ល្អបំផុតសម្រាប់លាងសម្អាតដៃជាមួយសាប៊ូឲ្យបានញឹកញាប់សម្រាប់មានពេលគ្រប់គ្រាន់ តែសម្រាប់អ្នកដំណើរ ឬធ្វើការឆ្ងាយពីបន្ទប់ទឹកត្រូវលាងជេលលាងដៃ ឬអាល់កុល ហើយអាល់កុលលាងដៃត្រូវតែជាពពួកអេតាណុល ទើបល្អ និងមានសុវត្ថិភាព។

ផលប៉ះពាល់ក្នុងទឹកលាងក្រចកដែលយើងគួរតែដឹង ព្រោះផ្សំពីអាសេតូន ដែលវាមានក្លិនក្រអូប និងឆួលតិចៗ។ បើប្រើក្នុងកម្រិតល្មមមិនជាបញ្ហាទេ តែបើប្រើច្រើននឹងមានបញ្ហាដូចជា ធ្វើឲ្យងងុយគេង មិនឃ្លានបាយ អស់កម្លាំង។ ពិសេសវាអាចប៉ះពាល់ ដល់ខួរក្បាលទៀតផង ប្រសិនបើនៅតែប្រើជារៀងរាល់ថ្ងៃ ធ្វើឲ្យការចងចាំចុះខ្សោយ និងភ្លេចភ្លាំងច្រើន។

អត្ថបទពាក់ព័ន្ធ៖

ការដុត អាចបញ្ជាក់អាល់កុលនោះ ជាប្រភេទអេតាណុល ឬមេតាណុលទេ?
កន្លែង១លើដៃ ងាយចម្លង COVID-19 បំផុត បើស្រីៗមិនបានសម្អាតត្រឹមត្រូវ
ពាក់ស្រោមដៃកៅស៊ូចេញទៅក្រៅ អាចការពារជំងឺ COVID-19 បានទេ?
អ្នកប៉ះពាល់ដោយប្រយោលជាមួយជនជាតិជប៉ុនទាំង៤០នាក់ នឹងធ្វើតេស្ត COVID-19
រដ្ឋាភិបាលបញ្ជាឲ្យបិទសាលានៅក្រុងសៀមរាប ក្រោយរកឃើញអ្នកផ្ទុកវីរុស COVID-19
ដឹងលទ្ធផលតេស្ត COVID-19 លើភរិយានិងប្អូនថ្លៃ បុរសវ័យ៣៨ឆ្នាំនៅសៀមរាប
អាប់ដេត ពីស្ថានភាពសុខភាពបុរសខ្មែរ វ័យ៣៨ឆ្នាំ មានផ្ទុកវីរុស COVID-19
ហេតុអីពាក់ម៉ាសតែមួយមុខ មិនអាចការពារវីរុស COVID-19 បាន?
ដំបូន្មានល្អៗ ជុំវិញវិធីបង្ការកូនពីវីរុស COVID-19

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕