ការសិក្សាថ្មីមួយធ្វើឡើងនៅប្រទេសភូមា ដោយអ្នកវិទ្យាសាស្រ្តបានរកឃើញនូវវីរុស ៦ប្រភេទថ្មី ពីសត្វប្រចៀវ ស្ថិតក្នុងត្រកូលជាវីរុស កូរ៉ូណា។
ព្រឹត្តិបត្រព័ត៌មាន PLOS ONE សហរដ្ឋអាមេរិកបានផ្សាយឱ្យដឹងកាលពីថ្ងៃទី៩ ខែមេសា ថា ការសិក្សាទៅលើតំបន់ដែលមានប្រចៀវរស់នៅក្នុងប្រទេសមីយ៉ាន់ម៉ា អ្នកវិទ្យាសាស្រ្តបានចាប់សត្វប្រចៀវ ដោយយកសំណាកទឹកមាត់ និងលាមករបស់វា រហូតដល់៧៥០ប្រភេទ មកពិនិត្យនៅក្នុងមន្ទីរពិសោធន៍។
អត្ថបទពាក់ព័ន្ធ៖
- អ្នកវិទ្យាសាស្ត្រសង្ស័យវីរុសកូរ៉ូណាថ្មី ឆ្លងពីសត្វពស់ទៅមនុស្ស និងខ្លះថាពីប្រចៀវ
- អ្នកស្រាវជ្រាវចិនរកឃើញថ្នាំបីមុខ ជឿថាមានប្រសិទ្ធភាពព្យាបាលវីរុសកូរ៉ូណាថ្មី
ជាលទ្ធផលបានបង្ហាញពី វីរុស៦ប្រភេទនោះស្ថិតក្នុងត្រកូលកូរ៉ូណា ដែលអាចជាប់ពាក់ព័ន្ធនឹង COVID-19 តែយ៉ាងណាមិញ អ្នកវិទ្យាសាស្រ្តបានអះអាងថា នៅពុំទាន់ដឹងពីសមត្ថភាពរាតត្បាតនៃវីរុសនោះនៅឡើយ ដោយថាការស្រាវជ្រាវនឹងត្រូវធ្វើលម្អិតជាបន្ត។
យ៉ាងណាមិញក្រុមអ្នកវិទ្យាសាស្រ្តអាមរិកក៏បានដាក់ចេញជាគម្រោងសិក្សាខាងលើ ទៅលើសត្វប្រចៀវ ចូលក្នុងផ្នែកនៃគម្រោងមួយឈ្មោះថា PREDICT ផ្តល់មូលនិធិដោយ ទីភ្នាក់ងារសហរដ្ឋអាមេរិកសម្រាប់អភិវឌ្ឍន៍អន្តរជាតិ (USAID) ក្នុងទិសដៅស្រាវជ្រាវរកហានិភ័យនៃជំងឺបង្កពីសត្វព្រៃ ដើម្បីអនុវត្តវិធានការបង្ការជាមុន។
អត្ថបទពាក់ព័ន្ធ៖
- វ៉ាក់សាំងវីរុសកូរ៉ូណាថ្មី អាចស៊ីពេលរាប់ខែមុននឹងប្រើលើមនុស្សបាន
- អ្នកជំនាញវេជ្ជសាស្ត្រ៖ អ្នកឆ្លងវីរុសកូរ៉ូណាថ្មីអាចនឹងជាសះស្បើយវិញ
- អ្នកជំនាញពន្យល់ពីប្រភេទម៉ាស់អាចការពារវីរុសកូរ៉ូណាបានពិតប្រាកដ
គួររំលឹកថា សត្វប្រចៀវ ដែលជាថនិកសត្វពិសេសអាចហោះហើរបាន ឬថនិកសត្វលើអាកាស មានទំនាក់ទំនងជាមួយមនុស្ស ដោយសារការទាញយកផលប្រយោជន៍នៃ លាមក របស់វាយកធ្វើជាជីមានជីវជាតិសម្រាប់ដំណាំកសិកម្ម។ ជាឧទាហរណ៍មួយនៅប្រទេសមីយ៉ាន់ម៉ា ការទន្ទ្រានដីព្រៃ ពីសំណាក់កសិករយកមកប្រើប្រាស់ ក៏ស្ថិតការចាត់ទុកជាឱកាសបង្កហានិភ័យ នៃការឆ្លងមេរោគមួយចំនួន ដែលអ្នកវិទ្យាសាស្រ្តបានលើកឡើង សម្រាប់បង្កើតវិធានការផ្សេងៗ សម្រាប់បង្ការជាមុន៕
អត្ថបទពាក់ព័ន្ធ៖
- ក្ដីសង្ឃឹមកាន់តែច្រើន វ៉ាក់សាំងវីរុស COVID-19 ត្រូវបានរកឃើញជាបន្តបន្ទាប់
- សំណួរ-ចម្លើយ អំពីថ្នាំ និងការព្យាបាលអ្នកជំងឺបង្កឡើងដោយវីរុសកូរ៉ូណាថ្មី
- វីរុស COVID-19 ថមថយនៅចិន បែរជាហក់ឡើងនៅប្រទេសទាំងនេះវិញ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
