កន្លងមកយើងធ្លាប់បានឮថា អ្នកមានបញ្ហាគាំងបេះដូងជួបគ្រោះថ្នាក់ដល់ជីវិតច្រើនណាស់ ហើយភាគច្រើនអ្នកទាំងនោះគឺនៅម្នាក់ឯង។ ដូចនេះដើម្បីជាចំណេះដឹង Helloគ្រូពេទ្យ សូមលើកយកវិធីជួយសង្គ្រោះខ្លួនឯង ពេលគាំងបេះដូង។
លោកវេជ្ជបណ្ឌិតផ្នែកជំងឺទូទៅ លី ឬទ្ធីគុណ បានឲ្យដឹងថា ជំងឺគាំងបេះដូង គឺបណ្ដាលមកពីស្ទះសរសៃឈាមផ្គត់ផ្គង់អុកស៊ីសែន និងអាហារូបត្ថម្ភទៅបេះដូង (សរសៃឈាមបេះដូង)។ មូលហេតុទូទៅមួយទៀត នៃការស្ទះ គឺការកកើតកំណកខ្លាញ់នៅលើជញ្ជាំងសរសៃឈាមដែលហៅថាបន្ទះ ឬជំងឺបេះដូង ដែលនេះបណ្ដាលមកពីកូឡេស្តរ៉ុលក្នុងឈាមកើនឡើងខ្ពស់ មកពីការជក់បារី ជំងឺទឹកនោមផ្អែម ធាត់លើសជាតិខ្លាញ់ច្រើន (បរិភោគខ្លាញ់សត្វច្រើនជាងខ្លាញ់មកពីបន្លែ ឬគ្រាប់ធញ្ញជាតិ) មិនហាត់ប្រាណ ឬប្រវត្តិគ្រួសារមានបញ្ហាស្ទះសរសៃឈាមបេះដូង។
អត្ថបទពាក់ព័ន្ធ៖ មិនត្រូវប្រហែស ជំងឺបេះដូងប្រភេទនេះសម្លាប់មនុស្សច្រើនជាងគេ
ម្ចាស់សេវាកម្មថែទាំមនុស្សចាស់តាមគេហដ្ឋានបានបន្តទៀតថា ជំងឺគាំងបេះដូងកើតឡើងដោយមិនបានដឹងមុនទេ ដូចនេះបើពេលយើងនៅម្នាក់ឯងមានឈឺចាប់តឹងណែនក្នុងទ្រូងខ្លាំង ហើយបេះដូងលោតខ្លាំងដោយគ្មាននរណាម្នាក់នៅក្បែរ យើងអាចជួយសង្គ្រោះខ្លួនឯងតាមវិធីខាងក្រោម៖
– តាំងស្មារតីឲ្យនឹងន
– កុំស្លន់ស្លោ ស្រវាយកថ្នាំផ្តេសផ្តាសមកលេប
– បញ្ឈប់រាល់ការងារ ឬសកម្មភាពកំពុងធ្វើ
– សម្រាក ឬដេក
– ក្អកយ៉ាងលឿន និងខ្លាំងបំផុត ហើយក្អករៀងរាល់ ២ វិនាទី
– ដកដង្ហើមឲ្យជ្រៅ ស្រូបយកអុកស៊ីសែនចូលទៅក្នុងសួត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-heart-rate]
