៣. នោមឈាម
ប្រសិនបើយើងនោមមានឈាម ចូរពិគ្រោះយោបល់ជាមួយនឹងគ្រូពេទ្យភ្លាមៗ ពីព្រោះវាអាចជាសញ្ញានៃជំងឺតម្រងនោម។ ជាទូទៅ នោមឈាមអាចបណ្ដាលមកពីការឆ្លងមេរោគលើផ្លូវទឹកនោម ឬក្រួស ដែលសុទ្ធតែអាចបំផ្លាញដល់តម្រងនោមរបស់យើងបាន។ ចំណែកឯរបួសនៅត្រង់តម្រងនៃតម្រងនោម ក៏អាចបណ្ដាលឲ្យយើងនោមឈាមដែរ។
៤. ឈឺចាប់នៅបរិវេណចង្កេះ
តម្រងនោមស្ថិតនៅផ្នែកខាងក្រោយពោះក្រោមឆ្អឹងជំនីរទាំងសងខាង ហើយការឈឺចាប់នៅបរិវេណនេះ អាចបណ្ដាលមកពីក្រួស ឬជំងឺតម្រងនោម។ ប្រសិនបើគ្នាយើងមានអាការៈឈឺចាប់ខ្លាំង និងភ្លាមៗនៅបរិវេណចង្កេះ ព្រមទាំងមានក្អួត និងក្រហាយនៅពេលនោមម្ដងម្កាល ចូរពិគ្រោះយោបល់ជាមួយនឹងគ្រូពេទ្យជំនាញ។