មានអាហារមួយចំនួនអាចធ្វើឲ្យប្លោកនោមរលាក រួមទាំងភេសជ្ជៈមួយប្រភេទ គឺតែ។ ជាក់ស្ដែង តែមិនត្រឹមតែធ្វើឲ្យប្លោកនោមរលាកប៉ុណ្ណោះទេ ប៉ុន្តែវាក៏មានផ្ទុកសមាសធាតុបញ្ចុះទឹកនោម ដែលធ្វើឲ្យយើងនោមញឹកញាប់ផងដែរ។
មាតិកា
តែ ជាភេសជ្ជៈមួយ អាចធ្វើឲ្យនោមញឹកញាប់
អាហារធ្វើឲ្យប្លោកនោមរលាក
តែគឺជាក្រុមភេសជ្ជៈដែលមានផ្ទុកសារធាតុគីមី ឬសារធាតុផ្សំដែលធ្វើឲ្យប្លោកនោមរលាក ដោយវាមានផ្ទុកកាហ្វេអ៊ីន និងថ្នាំបញ្ចុះទឹកនោមធម្មជាតិ។ សមាសធាតុផ្សំទាំង២នេះ អាចធ្វើឲ្យយើងនោមញឹកញាប់។ អាហារដទៃទៀតដែលធ្វើឲ្យប្លោកនោមរលាក រួមមាន៖
- កាហ្វេ
- ប៉េងប៉ោះ
- គ្រឿងស្រវឹង
- ទឹកខ្មេះ
- ផ្លែឈើមានជាតិអាស៊ីដ និងទឹកផ្លែឈើ
- សូកូឡា
- ភេសជ្ជៈដែលមានជាតិកាបូន
ប្រសិនបើយើងនោមញឹកញាប់ ឬមានបញ្ហាទាក់ទងនឹងប្លោកនោម ដូចជារលាកប្លោកនោម យើងគប្បីកាត់បន្ថយអាហារដែលបណ្ដាលឲ្យរលាកមួយរយៈ។ ការរលាកប្លោកនោមនឹងថយចុះនៅក្នុងរយៈពេលពីរបីថ្ងៃ។ នៅពេលដែលប្លោកនោមលែងរលាក យើងក៏មិននោមញឹកញាប់ដូចគ្នា។ បន្ថែមពីនេះ គ្នាយើងចាំបាច់ត្រូវញ៉ាំទឹកឲ្យបានច្រើន ប្រសិនបើមានរោគសញ្ញារលាកប្លោកនោម។
ជាតិកាហ្វេអ៊ីន និងការនោម
តែជាច្រើនមានផ្ទុកជាតិកាហ្វេអ៊ីន ដែលជាថ្នាំបញ្ចុះទឹកនោមធម្មជាតិ។ ខណៈដែលតែមានបរិមាណកាហ្វេអ៊ីនខុសៗគ្នា បរិមាណណាមួយក៏អាចធ្វើឲ្យយើងនោមញឹកញាប់ដែរ។ យោងតាមCleveland Clinic កាហ្វេអ៊ីនធ្វើឲ្យប្លោកនោមកន្ត្រាក់ញឹកញាប់ ហើយការកន្ត្រាក់នេះធ្វើឲ្យយើងឈឺនោម។ ការកាត់បន្ថយការញ៉ាំជាតិកាហ្វេអ៊ីននៅក្នុងរបបអាហារអាចជួយកាត់បន្ថយការនោមញឹកញាប់បាន។
ថ្នាំបញ្ចុះទឹកនោមធម្មជាតិ
ផលិតផលតែធម្មជាតិជាច្រើនប្រភេទ ក៏មិនមានជាតិកាហ្វេអ៊ីនដែរ ប៉ុន្តែវាអាចធ្វើឲ្យយើងនោមញឹកញាប់ ពីព្រោះវាផលិតចេញពីថ្នាំបញ្ចុះទឹកនោមធម្មជាតិ។ ជាក់ស្ដែង តែបៃតង គឺជាភេសជ្ជៈសុខភាពដ៏ពេញនិយម និងគ្មានជាតិកាហ្វេអ៊ីន ប៉ុន្តែវាក៏អាចធ្វើឲ្យយើងនោមញឹកញាប់។
មូលហេតុដទៃទៀតធ្វើឲ្យនោមញឹកញាប់
ខណៈដែលការញ៉ាំតែអាចបណ្ដាលឲ្យយើងនោមញឹកញាប់ មូលហេតុដទៃទៀតក៏មានជាប់ពាក់ព័ន្ធនឹងការនោមញឹកញាប់នេះដែរ ប៉ុន្តែវាអាចជាសញ្ញានៃបញ្ហាសុខភាពធ្ងន់ធ្ងរដូចជា៖
- ទឹកនោមផ្អែម
- ជាតិកាល់ស្យូមច្រើនពេក និងតិចពេកនៅក្នុងរាងកាយ
- ការបង្កររោគលើផ្លូវទឹកនោម
- ខូចតម្រងនោម
- ក្រពេញប្រូស្តាតរីកធំ
- ការប្រើប្រាស់ថ្នាំដែលមានសារធាតុបញ្ចុះទឹកនោម។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Tea and Frequent Urination
https://www.livestrong.com/article/535319-tea-constant-urination/
Urination – excessive amount
https://medlineplus.gov/ency/article/003146.htm
Men, Is Waking Up to Pee Interrupting Your ZZZs? Try These 4 Tips
https://health.clevelandclinic.org/men-is-waking-up-to-pee-interrupting-your-zzzs-try-these-4-tips/
កំណែប្រែបច្ចុប្បន្ន
08/12/2021
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម