គ្នាយើងប្រាកដជាដឹង ស្នេហាកើតចេញពីអារម្មណ៍មនុស្សពីរនាក់ដែលមានភាពស្រលាញ់ឱ្យគ្នាទៅវិញទៅមក ប៉ុន្តែពេលខ្លះក៏នៅឆ្ងល់ថាហេតុផលអ្វីបានជាកើតឡើងដូចនោះ? តាមរយៈវេបសាយ CNN បានលើកឡើងពីការបកស្រាយតាមវេជ្ជសាស្រ្តដូចខាងក្រោម៖
ដំណាក់កាលទី១៖ កើតចេញពីអារម្មណ៍លួចស្រលាញ់ (Crush)
ចំណុចដំបូងគឺកើតចេញពីព័ត៌មានមនុស្ស ឬវត្ថុដែលទាក់ទាញ ដែលយើងបានមើលឃើញ ព័ត៌មានទាំងនោះបានបញ្ជូន និងភ្ញោចទៅតំបន់ខាងក្នុងនៃខួរក្បាល ហៅថា Vental Tegmental Area (VTA) ។ នៅពេលនោះ ព័ត៌មានដែលទាក់ទាញនោះ បង្កឱ្យ VTA បញ្ចេញអ័រម៉ូន Dopamine ដែលហៅថាអ័រម៉ូន’អារម្មណ៍រីករាយ ឬអារម្មណ៍ល្អ’។
អ័រម៉ូន Dopamine នៅពេលដែលវាកើតឡើង ក៏ដើរតួនាទី ដូចជាការជំរុញធ្វើចលនាសកម្មភាពផ្សេងៗ ការជំរុញទឹកចិត្ត ការផ្តោតអារម្មណ៍ ជាដើម ពិសេសគេសម្គាល់ឃើញវាជំរុញឱ្យមាន អារម្មណ៍ស្រលាញ់ និងការញៀន កើតមានឡើង។ សម្រាប់ការញៀន គឺដោយសារ Dopamine ជំរុញឱ្យខួរក្បាល ផ្តោត រង់ចាំ និងត្រៀមប្រតិកម្មទៅនឹងភាពរីករាយ ពីរបស់ក្រៅខ្លួនដូចជា អាហារ ថ្នាំ ការអោប ឬសិចជាដើម។
អត្ថបទពាក់ព័ន្ធ៖
- គ្មានស្នេហាពេលសិក្សា ខួរក្បាលល្អខ្លាំង ទំនាក់ទំនងកាន់តែប្រសើរ
- មានចំណុចទាំង ៦ នេះ បញ្ជាក់ថាស្នេហាយើងរឹងមាំខ្លាំង គង់វង្សយូរអង្វែង
ដំណាក់កាលទី២៖ បាត់បង់អារម្មណ៍វិនិច្ឆ័យកំហុស
អ្នកមានស្នេហាប្រាកដជាធ្លាប់កត់សម្គាល់ ថានៅពេលដៃគូ ឬមនុស្សខ្លួនស្រលាញ់ ធ្វើអ្វីក៏មិនសូវមានកំហុស ក្នុងអារម្មណ៍របស់ខ្លួនដែរ។ នេះក៏ដោយសារតែ អ័រម៉ូនផងដែរ។
ព័ត៌មានទាក់ទាញទីមួយ បាននាំឱ្យខួរក្បាលបិទបញ្ឈប់ ចំណុចមួយក្នុងខួរក្បាល ហៅថា Amygdala (អាមីដាល់) ដែលមានតួនាទី គ្រប់គ្រងអារម្មណ៍ ខឹង និងភាពសោកសៅ។ ដូចនេះ សមត្ថភាពវិនិច្ឆ័យកំហុសលើ ដៃគូស្នេហា ឬមនុស្សដែលអ្នកស្រលាញ់ ពុំសូវកើតមាន ឬមានប្រសិទ្ធភាព។
អត្ថបទពាក់ព័ន្ធ៖
- ស្ត្រេស អាចប៉ះពាល់ជីវិតស្នេហាក្នុងរូបភាពណាខ្លះ?
- វិធីសាស្ត្រអប់រំកូនស្រីកុំឲ្យដើរផ្លូវខុស ជ្រុលខ្លួនក្នុងរឿងស្នេហា
- “ស្នេហា” មានគុណប្រយោជន៍ស្ទើរមិនគួរឲ្យជឿ
ដំណាក់កាលទី៣៖ បន្ទាប់ខួរក្បាលអ្នកជំរុញឱ្យចង់បានក្តីស្នេហា (ក្តីស្រលាញ់ពីខាងក្រៅ)
នៅពេលដំណាក់កាលទី២ កើតឡើងរួចរាល់ហើយ ខួរក្បាលក៏ចាប់ផ្តើមបញ្ចេញអ័រម៉ូន Oxytocin “អ័រម៉ូនក្តីស្រលាញ់’ ហើយវាបញ្ចេញកាន់តែខ្លាំង នៅពេលដែលទទួលបានក្តីស្រលាញ់ ឬភាពរីករាយ ដូចជាការអោបថើប ការរួមរ័ក្ស ឬសម្រេចកាមជាដើម។ ការសិក្សាក៏បានបង្ហាញដែរថា អ័រម៉ូននេះ ធ្វើឱ្យគូស្នេហ៍កាន់តែស្រលាញ់គ្នាខ្លាំង និងអារម្មណ៍ជិតស្និទ្ធបំផុត៕
អត្ថបទពាក់ព័ន្ធ៖
- បើមានសញ្ញាទាំង៥នេះ អ្នកមិនទាន់ក្លាយជាគូស្នេហ៍ល្អនៅឡើយទេ
- ជឿអត់!អ្នកវិទ្យាសាស្រ្តថា ការធ្លាក់ក្នុងអន្លង់ស្នេហ៍មាន ៥ ដំណាក់កាល
- បើប្រុសៗមាន ៦ ចំណុចនេះ បញ្ជាក់ថាគេស្មោះស័្មគ្រជាមួយខាងស្រីមែនទែនហើយ!
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
