សម្ងំនៅផ្ទះគេចពីវីរុសកូវីដ ១៩ អាចជាពេលវេលាពិបាកបំផុតមួយ និងស្ត្រេសខ្លាំងថែមទៀត ហើយបើនិយាយដល់ព័ត៌មានរាប់ពាន់លើបណ្តាញសង្គម កាន់តែធ្វើឲ្យយើងមានអារម្មណ៍មិនល្អមិនខាន។ បើស្ត្រេសខ្លាំងម្លឹងៗ ហេតុអីមិនរកវិធីធ្វើឲ្យខ្លួនយើងសប្បាយចិត្តអំឡុងពេលនេះទៅ។ អត្ថបទនេះ “Hello គ្រូពេទ្យ” នឹងណែនាំតិចនិកខ្លះជួយយើងបំភ្លេចរឿងជំងឺកូរ៉ូណា និងអាចនៅផ្ទះដោយសប្បាយចិត្តបាន។
១- ចូលរួមថ្នាក់រៀនតាមអ៊ីនធើណេត
អំឡុងពេលប្រទេសកំពុងប្រយុទ្ធជាមួយវីរុសកូវីដ ១៩ បណ្តាសាលារៀនទាំងអស់ ទាំងក្លិបហាត់ប្រាណ ត្រូវបានណែនាំឲ្យផ្អាកជាបណ្តោះអាសន្ន។ ប៉ុន្តែយើងក៏គួរតែអរគុណដល់អ៊ីនធើណេត ដែលនៅតែអាចជួយយើងរកបានថ្នាក់ហាត់ប្រាណ ឬរៀនជំនាញផ្សេងៗបានដដែល ហើយការទទួលបានចំណេញដឹងថ្មីៗ នឹងធ្វើឲ្យយើងមានអារម្មណ៍ល្អ បើទោះជាកំពុងជាប់ខ្លួននៅក្នុងផ្ទះក្តី។
បើរាងកាយយើងត្រូវការហាត់ប្រាណ ក៏មិនថ្វីដែរ ប្រហែលជាមានក្លិបហាត់ប្រាណខ្លះ អាចមានសេវាហាត់តាម Streaming Online ថែមទាំងមានគ្រូណែនាំពីវិធីហាត់ថែមទៀត។
នៅពេលយើងនៅតែមួយកន្លែងពេលមួយថ្ងៃ នឹងធ្វើឲ្យអារម្មណ៍ស្ត្រេសកាន់តែធ្ងន់ធ្ងរ ប៉ុន្តែបើយើងហាត់ប្រាណអំឡុងពេលនេះ អាចជួយកាត់បន្ថយបញ្ហាថប់បារម្ភយ៉ាងមានប្រសិទ្ធភាព។
២- ចាប់ផ្តើមធ្វើអ្វីមួយយើងចូលចិត្ត
កាលពីមុនកូរ៉ូណាផ្ទុះ យើងអាចនឹងមិនបានធ្វើអ្វីដែលយើងចូលចិត្ត ខណៈចម្លើយគឺថា ដោយសារយើងមិនមានពេលគ្រប់គ្រាន់ធ្វើអ្វីដែលខ្លួនឯងចូលចិត្ត ឬអ្វីមួយល្អសម្រាប់ខ្លួនឯង។ បើអ៊ីចឹង ពេលនេះ ជាពេលល្អមួយ អាចចាប់ផ្តើមការងារយើងចង់ធ្វើបានហើយ ហើយរឿងយើងគួរតែធ្វើ អាចជាការបញ្ចេញស្នាដៃបែបសិល្បៈដូចជាគូររូប ឬសូនរូបជាដើម។
ការងារសូនរូប អាចជ្រើសយកកន្លែងណាមួយក្នុងផ្ទះយើងដើម្បីចាប់ផ្តើម ហើយគួរទិញឧបករណ៍គ្រប់យ៉ាងយើងគិតថា ត្រូវការប្រើប្រាស់អំឡុងពេលនេះ។
អត្ថបទពាក់ព័ន្ធ៖
- ប្រការគួរ និងមិនគួរធ្វើ អំឡុងអាកាសធាតុក្តៅខ្លាំង
- របស់ក្នុងផ្ទះទាំងនេះ គួរសម្អាតជាប្រចាំ ចៀសវាងតោងជាប់មេរោគ
៣- លេងល្បែងផ្គុំរូប ឬហ្គេមផ្សេងៗ
វិធីសាស្ត្រល្អបំផុត ជួយយើងកុំឲ្យស្ត្រេសខ្លាំង ភ្លេចរឿងកូរ៉ូណាបាន អាចសាកល្បងល្បែងផ្គុំរូប ក៏ល្អដែរ។ មិនថាជាមួយអ្វីនោះទេ ល្បែងផ្គុំរូបអាចរំញោចអារម្មណ៍យើងខ្លាំង។ អាចស្វែងរកបានតាមហាងលក់ល្បែងលេង ហើយបើយើងចង់លេងហ្គេមប្រកួតជាមួយនរណាម្នាក់ ក៏លេងតាមទូរសព្ទកាន់តែទាក់ទាញទៀត។
៤- ចាប់ផ្តើមរៀនចម្អិនអាហារពិសេសៗ
ក្រៅពីផ្តោតសំខាន់កុម្មុងអាហារថ្មីៗ ស្រស់ៗតាមអនឡាញ គ្នាយើងក៏គួរចំណាយពេលខ្លះ គិតលើបន្លែស្រស់ៗទាំងនោះ អាចច្នៃជាអ្វីប្លែក រស់ជាឆ្ងាញ់ និងទាញទាក់ជាអាហាររាល់ដងយើងចម្អិន ក៏ជាវិធីសាស្ត្រមួយ ជួយឲ្យអារម្មណ៍យើងកាន់តែរីករាយផងដែរ។
អត្ថបទពាក់ព័ន្ធ៖
- ហាត់ប្រាណ អាចជួយពង្រឹងប្រព័ន្ធភាពស៊ាំប្រយុទ្ធនឹងមេរោគឆ្លងបានទេ?
- ប្រឆាំងនឹងវីរុស COVID-19 ធ្វើម៉េចទើបប្រព័ន្ធការពាររាងកាយរឹងមាំ?
- ឧស្សាហ៍ធុញថប់ តានតឹងអារម្មណ៍ ការរត់អាចជួយឲ្យស្រស់ស្រាយឡើងវិញភ្លាមៗ
៥- អានសៀវភៅ
គ្រប់ប្រភេទសៀវភៅទាំងអស់ សុទ្ធតែមានន័យរបស់វា ដែលអាចទាក់ទាញចំណាប់អារម្មណ៍យើង អានវារហូតទល់ចប់។
៦- ចាប់ផ្តើមបង្កើតសួនច្បារក្នុងផ្ទះ
និយាយដល់ចំណុចនេះ គ្នាយើងអាចនឹងភ្ញាក់ផ្អើលបន្តិច ប៉ុន្តែវិធីសាស្ត្រល្អបំផុត ដើម្បីធ្វើឲ្យយើងសប្បាយចិត្ត គឺជាមើលថែអ្វីមួយ មិនមែនជាខ្លួនយើង។ ក្នុងន័យនេះ ក៏ជាឱកាសល្អបំផុតសម្រាប់យើង បង្កើតសួនស្រស់ស្អាតមួយនៅក្នុងផ្ទះ ដោយចាប់ផ្តើមដាំរុក្ខជាតិស្អាតៗ តូចៗ តាមចំណង់ចំណូលចិត្ត ហើយធ្វើឲ្យផ្ទះយើងមើលទៅកាន់តែទាក់ទាញ។
៧- កែលម្អផ្ទះសម្បែងឲ្យទាក់ទាញ
នៅកន្លែងណាមួយក្នុងផ្ទះយើង ប្រហែលយើងចង់ជួសជុលកែលម្អជាយូរមកហើយ គ្រាន់តែគ្មានពេលគ្រប់គ្រាន់ មិនអ៊ីចឹង? ចុះពេលនេះ ចាំអីទៀត យើងគួរចាប់ផ្តើមផែនការកែលម្អសោភ័ណភាពផ្ទះយើងបានហើយ ដូចជាការដំឡើងធ្នើរដាក់សៀវភៅ ឬកន្លែងសម្រាប់ព្យួររួបភាពលម្អផ្ទះ ឬក៏អាចរៀបចំកន្លែងធ្វើការទាក់ទាញមួយសម្រាប់ខ្លួនឯងនៅផ្ទះក៏បាន បើយើងគិតថា អាចនឹងធ្វើការអនឡាញ រយៈពេលយូរទៅមុខទៀត។
អត្ថបទពាក់ព័ន្ធ៖
- វីរុស COVID-19 ស្ថិតនៅលើបរិយាកាស និងវត្ថុផ្សេងៗបានយូរប៉ុនណា?
- ហេតុអីពាក់ម៉ាសតែមួយមុខ មិនអាចការពារវីរុស COVID-19 បាន?
- វីរុស Covid-19 អាចសម្ងំក្នុងខ្លួនយើងដល់ទៅ ២៧ថ្ងៃ ទើបចេញរោគសញ្ញា
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
