គ្នាយើងអ្នកណាខ្លះចូលចិត្តអានសៀវភៅ? ចុះមានដឹងអត់ ហេតុអ្វីបុគ្គលល្បីៗ អ្នកប្រាជ្ញ មិនមេដឹកនាំជោគជ័យជាច្រើនចូលចិត្តអានសៀវភៅ? ហេតុផលតែមួយគត់ គឺថាអានសៀវភៅ ទោះជាប្រភេទសៀវភៅបែបណាក៏ដោយ សុទ្ធតែជួយយើងច្រើន ទាំងសុខភាពផ្លូវកាយ ផ្លូវចិត្ត និងគុណប្រយោជន៍ជាច្រើនទៀត ដូចដែរ “Hello គ្រូពេទ្យ’ លើកឡើងក្នុងអត្ថបទនេះ។

១- រំញោចផ្លូវចិត្ត ខួរក្បាលមានសុខភាពល្អ

ការសិក្សាជាច្រើនរកឃើញថា ការរំពោចផ្លូវចិត្ត អាចប្រសិទ្ធភាពបង្អាក់ការវិវត្តនៃពពួកជំងឺវង្វេងវង្វាន់ដូចជា Alzheimer និង Dementia ហើយថែមទាំងអាចជួយឲ្យបញ្ចេញសកម្មភាព និងអាចបង្ការបញ្ចេញខួរក្បាលអស់ថាមពលជាដើម។

ដូចទៅនឹងបណ្តាសាច់ដុំផ្សេងៗទៀតលើរាងកាយ ខួរក្បាលយើងក៏ត្រូវការធ្វើលំហាត់ប្រាណដូចគ្នា ដើម្បីរក្សាសុខភាពឲ្យរឹងមាំល្អ។ អ្វីដែលកាន់តែអស្ចារ្យដើម្បីអាចរំញោចផ្លូវចិត្តយើងបានល្អ គឺមានតែការអានសៀវភៅប៉ុណ្ណោះ ហេតុនេះនាំឲ្យការអានសៀវភៅ ធ្វើឲ្យខួរក្បាលមានសុខភាពល្អ។

២- កាត់បន្ថយស្ត្រេស

មិនថាយើងមានបញ្ហាស្ត្រេសខ្លាំងប៉ុណ្ណា ទាំងរឿងការងារ ទាំងទំនាក់ទំនងគ្រួសារ ឬបញ្ហាប្រឈមក្នុងជីវិតប្រចាំថ្ងៃក៏ដោយ បញ្ហានេះនឹងរសាត់ទៅឆ្ងាយសែនឆ្ងាយពីយើង នៅពេលនឹងស្លុងអារម្មណ៍ទៅក្នុងការអានសៀវភៅ ឬសៀវភៅរឿងដ៏អស្ចារ្យណាមួយ។ ពិតណាស់ អ្នកនិពន្ធពូកែបំផុត គឺអាចទាញអារម្មណ៍យើងឲ្យចូលតួជាមួយសាច់រឿង ខណៈអារម្មណ៍យើងកំពុងចូលតួ ទុក្ខលំបាកទាំងអម្បាលម៉ាន នឹងរសាត់ចេញពីគំនិតរបស់យើងដូចគ្នា។

អត្ថបទពាក់ព័ន្ធ៖

៣- ពង្រឹងចំណេះដឹង

គ្រប់យ៉ាងដែលយើងបានអាន និងយកទៅបំពេញនៅចន្លោះប្រហោងក្នុងខួរក្បាល ជាមួយព័ត៌មានថ្មី យើងមិនធ្លាប់ដឹងពីមុន ហើយយើងខ្លួនឯងនឹងកាន់តែដឹងច្បាស់ពីគុណប្រយោជន៍យើងទទួលបានពីការអាន។ នៅពេលចំណេះដឹងយើងកាន់តែទូលំទូលាយ យើងនឹងកាន់តែក្លាយជាមនុស្សពូកែ ក្នុងការដោះស្រាយគ្រប់បញ្ហាកើតឡើងចំពោះមុខ។

៤- ពង្រឹងវាក្យសព្ទ

ចំណុចនេះ ក៏ជាប់ទាក់ទងនឹងចំណុចខាងលើដូចគ្នា គឺអានច្រើន ក៏នឹងទទួលបានពាក្យថ្មីៗជាច្រើនដូចគ្នា ដែលជាវិធីសាស្ត្រពង្រឹងវាក្យសព្ទរបស់យើងកាន់តែត្រឹមត្រូវពីមួយថ្ងៃទៅមួយថ្ងៃ។

លើសពីនេះ អានសៀវភៅ អាចជួយយើងពង្រីកចំណេះដឹងខាងភាសា ទោះមិនមែនជាភាសាជាតិក្តី ជាមួយពាក្យបច្ចេកទេសល្អៗដែលអ្នកនិពន្ធប្រើ អាចជួយយើងពង្រឹងទាំងការនិយាយ និងការសរសេរជាមួយភាសាបរទេសទាំងនោះ។

អត្ថបទពាក់ព័ន្ធ៖

៥- ពង្រឹងការចងចាំ

នៅពេលគ្នាយើងអានសៀវភៅ យើងច្បាស់ណាស់ ត្រូវចងចាំតួអង្គដែលអ្នកនិពន្ធបានរៀបរាប់ មហិច្ឆិតារបស់ពួកគេ ប្រវត្តិសាស្ត្រ រួមទាំងអត្ថន័យផ្សេងៗទៀត ពិសេសគឺការប្រទាក់ក្រឡានៃសាច់រឿងពីមួយទៅមួយ។ នេះមានន័យថា អាចជួយយើងពង្រឹងការចងចាំបានល្អ។ ប៉ុន្តែត្រូវចាំដែរថា ខួរក្បាលជាសរីរាង្គដ៏អស្ចារ្យបំផុតក្នុងរាងកាយយើង ផ្តល់ភាពងាយឲ្យចងចាំគ្រប់អ្វីបានឃើញបានអាន។

៦- ពង្រឹងជំនាញគិត និងវិភាគ

ធ្លាប់សង្កេតឃើញអត់ នៅពេលយើងបានអានប្រលោមលោកបែបអាថ៌កំបាំង ឬស៊ើបអង្កេតណាមួយ យើងតែងតែវិភាគឃើញភាពអាថ៌កំបាំងទាំងនោះ មុននឹងអាចចប់សៀវភៅទៅទៀត។ មានធ្លាប់អ៊ីចឹងអត់? បើមាន គ្នាយើងច្បាស់ជាទទួលបានជំនាញកាន់តែខ្លាំងលើការវិភាគ ការគិតពីផែនការការងារ អាចកត់ចំណាំ និងបែងចែកពួកវាទៅឲ្យអ្នកដែលមិនអាចវិភាគបានដូចជាយើង។

សមត្ថភាពដូចជាការវិភាគបែបស៊ីជម្រៅ គឺមានប្រយោជន៍ខ្លាំងនេះ ពិសេសនៅពេលការងារយើងពាក់ព័ន្ធនឹងផែនការគម្រោងអ្វីមួយ ជួយយើងអាចកត់សម្គាល់ឃើញអ្វីដែលអាចកើតមាន ហើយតក់ត្រាទុកជាបំណែកៗ ហើយបើសិនជាគម្រោងមានការប្រែប្រួល យើងនឹងអាចអភិវឌ្ឍបានភ្លាម នាំឲ្យដំណើរការគម្រោងយើងរលូនទៅមុខយ៉ាងងាយ។

អត្ថបទពាក់ព័ន្ធ៖

៧- ពង្រឹងការប្រមូលអារម្មណ៍ និងផ្ចង់អារម្មណ៍បានល្អ

ក្នុងបរិបទនៃសម័យអ៊ីនធើណេតលើពិភពលោកបច្ចុប្បន្ននេះ នៅពេលយើងធ្វើការងារកានតែច្រើន ការយកចិត្តទុកដាក់លើរឿងផ្សេងៗក៏កាន់តែច្រើន។

នៅពេលយើងទុកពេលវេលាធម្យម ៥នាទី បែងចែកពេលសម្រាប់ការងារនីមួយៗ ដូចជាពិនិត្យមើលសារ ឆាតជាមួយដៃគូ មើល Twitter មើលទូរសព័្ទ ឬនិយាយលេងជាមួយមិត្តរួមការងារ វាជាកត្តាជំរុញឲ្យយើងកាន់តែស្ត្រេសខ្លាំងថែមមួយកម្រិត នាំឲ្យផលិតផលការងារធ្លាក់ចុះ។

នៅពេលយើងអានសៀវភៅឯណេះវិញ ការយកចិត្តទុកដាក់របស់យើងទាំងអម្បាលម៉ាន នឹងធ្លាក់ចូលទៅក្នុងសាច់រឿង អ្វីកំពុងកើតឡើងលើពិភពលោក ដូចជាត្រូវខ្យល់បកផាត់យកទៅបាត់មួយរំពេច ថែមទាំងជួយយើងងាយទទួលបានព័ត៌មានចំណេះដឹងល្អៗថែមទៀត។

អានសៀវភៅប្រមាណ ១៥-២០ នាទី មុនចាប់ផ្តើមធ្វើការ ពិសេសនៅពេលព្រឹក អំឡុងពេលលើឡានក្រុងជាដើម នឹងធ្វើឲ្យយើងភ្ញាក់ផ្អើលពីសមត្ថភាពផ្តោតលើការងាររបស់យើងពេលទៅដល់ការិយាល័យ។

អត្ថបទពាក់ព័ន្ធ៖

៨- ជំនាញតាក់តែងនិពន្ធកាន់តែល្អ

ដូចគ្នាទៅនឹងការពង្រឹងវាក្យសព្ទដែរ អានសៀវភៅ ក៏ជួយពង្រឹងជំនាញកាត់តែងនិពន្ធដូចគ្នា ទាំងឃ្លាឃ្លោង អត្ថន័យ អត្ថរូប និងអត្ថរស គឺកាន់តែរីកចម្រើន។ ការបោះពុម្ភផ្សាយអត្ថបទដែលយើងបានសរសេរ ត្រូវគេទទួលស្គាល់ថាល្អនោះ ក៏ជាផ្នែកមួយក្នុងការជំរុញចិត្ត និងប្រសិទ្ធភាពការងារកាន់តែខ្ពស់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

គុណ​ប្រយោជន៍​ទាំង​នេះ គ្រប់​គ្រាន់ឲ្យ​គ្នា​យើង​ងាក​មក​រក​ការ​អាន​សៀវ​ភៅ​វិញ

១- រំញោច​ផ្លូវចិត្ត ខួរក្បាល​មាន​សុខភាព​ល្អ

២- កាត់​បន្ថយ​ស្ត្រេស

៣- ពង្រឹង​ចំណេះ​ដឹង

៤- ពង្រឹង​​វាក្យសព្ទ

៥- ពង្រឹង​ការ​ចង​ចាំ

៦- ពង្រឹង​ជំនាញ​គិត និង​វិភាគ

៧- ពង្រឹង​ការ​ប្រមូល​អារម្មណ៍ និង​ផ្ចង់​អារម្មណ៍​បាន​ល្អ

៨- ជំនាញ​តាក់​តែង​និពន្ធ​កាន់​តែ​ល្អ

គុណប្រយោជន៍ទាំងនេះ គ្រប់គ្រាន់ឲ្យគ្នាយើងងាកមករកការអានសៀវភៅវិញ

១- រំញោចផ្លូវចិត្ត ខួរក្បាលមានសុខភាពល្អ

២- កាត់បន្ថយស្ត្រេស

៣- ពង្រឹងចំណេះដឹង

៤- ពង្រឹងវាក្យសព្ទ

៥- ពង្រឹងការចងចាំ

៦- ពង្រឹងជំនាញគិត និងវិភាគ

៧- ពង្រឹងការប្រមូលអារម្មណ៍ និងផ្ចង់អារម្មណ៍បានល្អ

៨- ជំនាញតាក់តែងនិពន្ធកាន់តែល្អ