ពិតណាស់ អាកាសធាតុក្ដៅអាចជះឥទ្ធិពលដល់ការដកដង្ហើម ដោយធ្វើឲ្យគ្នាយើងមួយចំនួនប្រឈមនឹងជំងឺផ្លូវដង្ហើម ដូចជាស្ទះផ្លូវដង្ហើមរ៉ាំរ៉ៃ (COPD) ឬជំងឺហឺតជាដើម ដោយសារតែកម្ដៅ ក៏ដូចជាសំណើមមានកម្រិតខ្ពស់។
មាតិកា
ដើរលេងអុំទូក ចំអាកាសធាតុក្ដៅអាចប៉ះពាល់ការដកដង្ហើម និងសួត
អាកាសធាតុក្ដៅប៉ះពាល់ដល់ការដកដង្ហើមយ៉ាងដូចម្ដេច?
ជាមួយនឹងខ្យល់ដែលនៅនឹងមួយកន្លែង ព្រមទាំងកម្រិតខ្យល់ពុលកើនឡើង វាអាចធ្វើឲ្យយើងពិបាកក្នុងការដកដង្ហើម នៅពេលដែលស្ថិតនៅក្នុងអាកាសធាតុក្ដៅជុំវិញខ្លួន។ ជាក់ស្ដែង រាងកាយត្រូវការអុកស៊ីសែនច្រើនដើម្បីរក្សាសីតុណ្ហភាពខាងក្នុង អំឡុងពេលអាកាសធាតុក្ដៅខ្លាំង ឬត្រជាក់ខ្លាំង ដែលអាចប៉ះពាល់ដល់មុខងារសួត ដែលជាលទ្ធផល ធ្វើឲ្យយើងដកដង្ហើមវែងៗ ឬដកដង្ហើមលឿនៗ។
តិចនិកថែទាំសួត អំឡុងពេលរដូវក្ដៅ
ដើម្បីថែទាំសួត នៅអំឡុងពេលរដូវក្ដៅនេះ គ្នាយើងអាចធ្វើការផ្លាស់ប្ដូរទម្លាប់ប្រចាំថ្ងៃមួយចំនួន ដូចខាងក្រោម៖
- ជៀសវាងចេញក្រៅ៖ យើងមិនគួរចេញទៅខាងក្រៅឡើយ ប្រសិនបើមិនចាំបាច់។ បន្ថែមពីនេះ ចូរបិទបង្អួច ឬទ្វារឲ្យជិត ដើម្បីឲ្យបរិយាកាសក្នុងផ្ទះមានភាពត្រជាក់។
- តាមដានអាកាសធាតុជាប្រចាំ៖ ចូរតាមដានអាកាសធាតុ លម្អងនៅក្នុងខ្យល់ ក៏ដូចជាគុណភាពខ្យល់ មុនពេលចេញទៅខាងក្រៅផ្ទះ។ នៅពេលដែលកម្រិតលម្អងខ្ពស់ និងគុណភាពខ្យល់មិនល្អ វាអាចបណ្ដាលឲ្យយើងក្អក ដកដង្ហើមលឺសំឡេង ជាពិសេស ព្រមទាំងអាចប្រឈមនឹងជំងឺផ្លូវដង្ហើមថែមទៀតផង។
- រៀបចំផែនការប្រចាំថ្ងៃ៖ ជៀសវាងចេញខាងក្រៅអំឡុងពេលក្ដៅខ្លាំង នៅចន្លោះពីម៉ោង១១ព្រឹក ដល់ម៉ោង៣រសៀល។
- បញ្ឈប់ការជក់បារី និងញ៉ាំគ្រឿងស្រវឹង
- ស្លៀកសំលៀកបំពាក់ស្ដើងៗ
- ជៀសវាងធ្វើលំហាត់ប្រាណខ្លាំងក្លា
- រក្សាជាតិទឹកនៅក្នុងរាងកាយ ដោយការញ៉ាំទឹកឲ្យបានគ្រប់គ្រាន់ ញ៉ាំផ្លែឈើដែលមានជាតិទឹកដូចជាឪឡឹក ស្វាយ និងត្រសក់។
- ងូតទឹកឲ្យញឹកញាប់ ប្រសិនបើយើងមានអារម្មណ៍ក្ដៅខ្លាំង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Does hot weather affect your breathing and lungs?
https://www.apollo247.com/blog/article/does-hot-weather-affect-your-breathing-and-lungs
Looking after your lungs in hot weather
https://www.blf.org.uk/support-for-you/hot-weather
How to protect your lungs on hot and humid days
https://www.lung.ca/lung-health/air-quality/outdoor-air-quality/heat-and-humidity
កំណែប្រែបច្ចុប្បន្ន
11/11/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម