ពិតណាស់ ការរួមភេទ ផ្ដល់អត្ថប្រយោជន៍យ៉ាងច្រើនដល់សុខភាព។ យ៉ាងណាមិញ ប្រសិនបើនៅសុខៗ យើងស្រាប់តែមិនទទួលបានអារម្មណ៍សុខស្រួល ឬមិនចង់រួមភេទញឹកញាប់ដូចមុន នេះអាចមកពីចំណង់ផ្លូវភេទរបស់យើងធ្លាក់ចុះ ដែលចំណុចនេះ អាចប៉ះពាល់ដល់ទំនាក់ទំនងរវាងដៃគូ ក៏ដូចជាធ្វើឲ្យយើងបាក់ទឹកចិត្ត និងបាត់បង់ទំនុកចិត្តចំពោះខ្លួនឯង។
១. ហត់នឿយខ្លាំង
ពិតណាស់ នៅពេលដែលយើងហត់នឿយខ្លាំង យើងច្បាស់ជាគ្មានអារម្មណ៍ផ្លូវភេទនោះទេ។ ម្យ៉ាងវិញទៀត យោងតាមការសិក្សាមួយបានបង្ហាញថា ការគេងមិនគ្រប់គ្រាន់ក៏ជះឥទ្ធិពលអវិជ្ជមានលើចំណង់ផ្លូវភេទរបស់យើងដូចគ្នា។
២. ស្ត្រេស
ទន្ទឹមនឹងនេះដែរ សម្ពាធការងារ ឬបញ្ហានៅក្នុងគ្រួសារ អាចធ្វើឲ្យកម្រិតអ័រម៉ូនCortisol កើនឡើង ដែលបណ្ដាលមកពីបញ្ហាស្ត្រេស។ ជាក់ស្ដែង អ័រម៉ូនCortisolនេះ អាចធ្វើឲ្យយើងអស់អារម្មណ៍ និងរារាំងដល់ការផលិតអ័រម៉ូន Testosterone (អ័រម៉ូនផ្លូវភេទរបស់បុរស) និងការផលិតអ័រម៉ូនដទៃទៀត។
៣. កង្វះជាតិទឹក
បញ្ហាកង្វះជាតិទឹកក៏អាចបំផ្លាញចំណង់ផ្លូវភេទរបស់យើងដែរ ពីព្រោះកង្វះជាតិទឹកអាចបង្កជាអាការៈឈឺក្បាល ឬបញ្ហាស្ងួតទ្វារមាសជាដើម។ ដូចនេះ គ្នាយើងគប្បីញ៉ាំទឹកឲ្យបានគ្រប់គ្រាន់ពេញមួយថ្ងៃ ទើបជាការប្រសើរ។
៤. បាក់ទឹកចិត្ត
នៅពេលដែលសុខភាពផ្លូវចិត្តរបស់យើងមានបញ្ហា យើងច្បាស់ជាមិនចង់ធ្វើអ្វីទាំងអស់ រួមទាំងរឿងប្រតិបត្តិការលើគ្រែជាមួយដៃគូ។ ប្រសិនបើយើងមានរោគសញ្ញានៃការបាក់ទឹកចិត្ត ឬបញ្ហាផ្លូវចិត្តដទៃទៀត ចូរពិគ្រោះយោបល់ជាមួយនឹងគ្រូពេទ្យជំនាញ។
[embed-health-tool-bmr]
៥. កង្វះលំហាត់ប្រាណ
កង្វះការធ្វើលំហាត់ប្រាណក៏អាចធ្វើឲ្យចំណង់ផ្លូវភេទរបស់យើងថយចុះយ៉ាងខ្លាំង ពីព្រោះកត្តានេះប៉ះពាល់ដល់អ័រម៉ូន។ តួយ៉ាង នៅពេលដែលយើងអសកម្ម ទម្ងន់នឹងកើនឡើង ប្រឈមនឹងស្រ្តេស បញ្ហាផ្លូវចិត្ត ដែលអាចនាំឲ្យប្រែប្រួលការផលិតអ័រម៉ូន ជាពិសេសគឺអ័រម៉ូនបង្កើនអារម្មណ៍ផ្លូវភេទតែម្ដង។
អត្ថបទគួរអាន៖
- អាថ៌កំបាំងកន្លែងសម្ងាត់ ស្រីៗខ្លួនឯងភាគច្រើនអត់ដឹង
- ស្ត្រីចៀសមិនផុតពីការផ្លាស់ប្ដូរទ្វារមាស ៤ យ៉ាងនេះ ក្រោយសម្រាលកូនរួច
- ស្រីៗសម្អាតកន្លែងសម្ងាត់ជារឿងសំខាន់ តែបើសម្អាតដោយវិធីនេះនឹងគ្រោះធំមិនខាន
- ស្រីៗគួរដឹង នេះជាមូលហេតុនិងរោគសញ្ញារលាកទ្វារមាសដោយបាក់តេរី
- ស្រីៗបាត់បង់បាត់តេរីល្អក្នុងទ្វារមាស ងាយឆ្លងរោគ ធ្លាក់ស មកមូលហេតុទាំងនេះ
- ស្រុតស្បូនមកពីមូលហេតុអី? មានសញ្ញាម៉េចខ្លះ?
- ម៉េចបានស្រីៗមានបញ្ហារលុងប្រដាប់ភេទ?
