មានមតិមួយចំនួនលើកឡើងថា រវាងមនុស្សប្រុស និងមនុស្សស្រី មនុស្សប្រុសមានចំណង់ផ្លូវភេទខ្លាំងជាង តើពិតជាអ៊ីចឹងមែនឬ?
បើតាមការបកស្រាយរបស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ រវាងមនុស្សប្រុស និងមនុស្សស្រី មានចំណង់ផ្លូវភេទដូចគ្នា មិនមែនបុរសមានចំណង់ផ្លូវភេទខ្លាំងជាងនោះទេ ហើយចំណង់ផ្លូវភេទមានភាពខុសគ្នាពីមនុស្សម្នាក់ទៅមនុស្សម្នាក់ទៀត។
លោកស្រីវេជ្ជបណ្ឌិតបានបន្ថែមថា ចំណង់ផ្លូវភេទតិច ឬច្រើន អាស្រ័យលើកត្តាច្រើនយ៉ាង មិនមែនស្ថិតនៅភេទប្រុស ឬស្រីនោះទេ ជួនកាលមនុស្សប្រុសមានចំណង់ផ្លូវភេទច្រើនជាងគេមនុស្សស្រី ហើយក៏មានដែរមនុស្សស្រីមានចំណង់ផ្លូវភេទច្រើនជាងមនុស្សប្រុស។
អត្ថបទពាក់ព័ន្ធ៖
- ចង់ក្លាយជាប្រុសដ៏ពូកែរឿងលើគ្រែក្នុងកែវភ្នែកស្រីៗ ត្រូវចេះតិចនិកទាំងនេះ…
- អត់សូវចង់រួមភេទ អាចប្រើតិចនិកទាំងនេះ ដើម្បីដាស់អារម្មណ៍
កត្តាធ្វើឲ្យមនុស្សស្រី និងមនុស្សប្រុសមានចំណង់ផ្លូវភេទថយចុះ៖
– កត្តាអាយុ៖ មនុស្សវ័យកាន់តែចាស់ មិនថាបុរស ឬស្ត្រីនោះទេ ចំណង់ផ្លូវភេទធ្លាក់ចុះដូចគ្នា។
– កត្តាចិត្តសាស្ត្រ៖ មានបញ្ហាផ្លូវចិត្ត ដូចជាតានតឹងអារម្មណ៍ បាក់ទឹកចិត្ត និងជំងឺផ្លូវចិត្តមួយចំនួនទៀត មានសម្ពាធការងារ វិបត្តិគ្រួសារ សេដ្ឋកិច្ច សង្គមជាដើម ក៏ជាមូលហេតុធ្វើឲ្យចំណង់ផ្លូវភេទថយចុះដូចគ្នា។
– កត្តាសុខភាព៖ មានជំងឺរ៉ាំរ៉ៃ ដូចជា ជំងឺទឹកនោមផ្អែម ជំងឺលើសឈាម ជំងឺក្រពះ ពោះវៀន និងការប្រើប្រាស់ថ្នាំមួយចំនួន ក៏ធ្វើឲ្យចំណង់ផ្លូវភេទថយចុះដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
