ធ្មេញ ជាផ្នែមួយជួយសម្រស់កាន់តែទាក់ទាញ ពិសេសពេលយើងសើច បើសើចមកធ្មេញលឿងផ្អេះ ឬខ្មៅអែ ទោះមុខស្អាតប៉ុណ្ណា ស្បែករលោងយ៉ាងណា ក៏បាត់បង់ភាពទាក់ទាញមួយភាគធំដែរ។ មានដឹងអ្វីខ្លះមូលហេតុនាំឲ្យធ្មេញខ្មៅ ធ្មេញលឿងអត់? ហើយចង់ដឹងវិធីដោះស្រាយដែរទេ? បើចង់ដឹង អត្ថបទ “Hello គ្រូពេទ្យ’ មួយនេះ មានបញ្ជាក់ទាំងអស់តែម្តង។

១- មូលហេតុធ្មេញមានខ្មៅ ឬលឿង

មានហេតុផលជាច្រើនធ្វើឲ្យធ្មេញប្រែពណ៌ជាខ្មៅ ឬលឿង ដោយសារជាតិស្អិតមានក្នុងអាហារ និងវត្ថុមួយចំនួន បានទៅជាប់លើធ្មេញ គួបផ្សំជាមួយកង្វះអនាម័យមាត់ធ្មេញទៀតនោះ ធ្វើឲ្យធ្វើយើងឡើងលឿង និងខ្មៅតែម្តង ហើយមូលហេតុចម្បងមានដូចជា៖

– ជក់បារី៖ គ្រប់គ្នាសុទ្ធតែដឹងថាហើយ ផ្សែងបារី ធ្វើឲ្យកើត មហារីកសួត មហារីកបំពង់ក ក្លិនមាត់ និងដង្ហើមមិនល្អ ព្រមទាំងមានជ័រស្អិតជាប់ធ្មេញ ធ្វើឲ្យធ្មេញប្រែជាលឿង។

– ខ្វះអនាម័យមាត់ធ្មេញ៖ ក្រោយញ៉ាំអាហារ យើងត្រូវដុះធ្មេញ ខ្ពុរមាត់ដើម្បីបញ្ចេញមេរោគ និងទឹកជ្រលក់ដែលបានញ៉ាំ កុំឲ្យនៅជាប់នឹងធ្មេញ។ បើមិនអញ្ចឹងទេ អាហារទាំងនោះ នឹងស្អិតជាប់ធ្មេញ ធ្វើធ្មេញប្រែទៅជាពណ៌លឿង។

– ស្ថានភាពសុខភាព៖ ការព្យាបាលជំងឺដោយប្រើគីមី ឬវិទ្យុសកម្ម ពិសេសព្យាបាលជំងឺមហារីក អាចជាមូលហេតុចម្បងមួយ ធ្វើឲ្យធ្មេញយើងប្រែពណ៌។

– អាហារ៖ ញាំអាហារមួយចំនួន ដូចជា ប៉េងប៉ោះ គ្រឿងការី និងផ្លែប៊ើរី សុទ្ធតែអាចធ្វើឲ្យធ្មេញមានស្នាមប្រឡាក់ស្អិតជាប់ ជាហេតុធ្មេញប្រែពណ៌ដូចគ្នា។

– ភេសជ្ជ៖ កាហ្វេ តែ និងស្រា ជាភេសជ្ជៈ អាចបណ្ដាលឲ្យមានបញ្ហាប្រែពណ៌ធ្មេញ។

– កត្តាខាងក្រៅផ្សេងទៀត៖ បញ្ហាប្រែពណ៌ធ្មេញ អាចបណ្ដាលមកពីកម្រិតជាតិភ្លុយអរខ្ពស់ក្នុងទឹក។ ប្រើប្រាស់ភ្លុយអរ (Fluoride) លាងសម្អាតធ្មេញប្រើថ្នាំដុសធ្មេញមានជាតិភ្លុយអរ សុទ្ធតែអាចបណ្ដាលឲ្យធ្មេញប្រែពណ៌។

អត្ថបទពាក់ព័ន្ធ៖

រលាកអញ្ចាញធ្មេញ កើតឡើងដោយសារអ្វី? គួរដោះស្រាយម៉េចវិញ?
ឧស្សាហ៍ស្រៀវធ្មេញ សាកតិចនិកទាំងនេះលមើល៍

២- តិចនិកបំបាត់ជាតិស្អិតដែលធ្វើឲ្យធ្មេញប្រែពណ៌

– ដុសសម្អាតធ្មេញ និងឆ្កឹះធ្មេញដោយប្រើអំបោះ។

– ចៀសវាងញ៉ាំអាហារ និងភេសជ្ជៈណា បណ្ដាលឲ្យជាតិស្អិតជាប់ធ្មេញ។

– កម្រិត ឬផ្តាច់បារី និងដោយប្រើ Over-the-counter whitening agents ជួយឲ្យធ្មេញសវិញ។

៣- របស់ជួយឲ្យធ្មេញស អាចរកបានក្នុងផ្ទះ

– ម្សៅសូដា និងទឹកក្រូចឆ្មារ៖

លាយម្សៅសូដា ២ ស្លាបព្រាកាហ្វេ ជាមួយទឹកក្រូចឆ្មារ ដើម្បីបានជាម្សៅស្អិតៗ។
ប្រើច្រាស់ដុសធ្មេញ មកបៀកយកថ្នាំដុសធ្មេញថ្នមៗ។
ទុកចោលលើធ្មេញរយៈពេល ១-២ នាទី ហើយខ្ពុរមាត់ដោយប្រុងប្រយ័ត្ន។ កុំទុកយូរពេកអាចបណ្ដាលអោយរលាកមាត់។

– លាងជម្រះដោយប្រេងដូង៖

មុនដុសធ្មេញនៅពេលព្រឹក យកប្រេងដូងមកដុះនៅមាត់។
ដុសប្រេងដូងតាមចន្លោះធ្មេញ និងមាត់ រយៈពេល ១០-១៥ នាទី។
លាងជម្រះមាត់ជាមួយទឹក បន្ទាប់មកដុសធ្មេញដូចធម្មតា។

ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ធ្មេញលឿង ធ្មេញខ្មៅ មកស្វែងយល់ពីមូលហេតុ និងដំណោះស្រាយទាំងអស់គ្នា!