ស្ត្រីមួយចំនួនមានភាពមមាញឹក និងពិបាករកពេលក្នុងញ៉ាំអាហារដែលជាហេតុទទួលបានសារធាតុចិញ្ចឹមមិនគ្រប់គ្រាន់។ ការញ៉ាំអាហារមិនគ្រប់គ្រាន់ធ្វើឲ្យស្រ្តីយើងទទួលបានជាតិប៉ូតាស្យូម ជាតិសរសៃ choline ម៉ាញ៉េស្យូម កាល់ស្យូម ជាតិដែក វីតាមីន A D E និង C មិនគ្រប់គ្រាន់។ ប៉ុន្តែយើងអាចជ្រើសរើសកំពូលអាហារប៉ុន្មានប្រភេទនេះដែលអាចជួយបំពេញសារធាតុចិញ្ចឹមដល់រាងកាយបានយ៉ាងងាយស្រួល។
១. ស៊ុត
ស៊ុតសំបូរដោយសារធាតុចិញ្ចឹម និងជាចំណែកមួយនៃរបបអាហារសម្រាប់សុខភាព។ ស៊ុតមួយគ្រាប់មានសារធាតុចិញ្ចឹមចាំបាច់ច្រើនជាង១០ប្រភេទក្នុងនោះរួមមានជាតិដែក វីតាមីន D ស័ង្កសី lutein zeaxanthin និងcholine រួមទាំងប្រូតេអ៊ីន និងសារធាតុប្រឆាំងអុកស៊ីតកម្ម។ វីតាមីន D គឺជួយការពារជំងឺមហារីក ជំងឺទឹកនោមផ្អែម ជំងឺប្រព័ន្ធភាពស៊ាំប្រឆាំងខ្លួនឯងនិងអាចជួយដល់ការរក្សាទម្ងន់ផងដែរ។ វីតាមីន D និងកាល់ស្យូមជួយដល់សុខភាពឆ្អឹង និងធ្វើឲ្យឆ្អឹងរឹងមាំ។ ស្ត្រីភាគច្រើនមានជំងឺពុកឆ្អឹង និងជំងឺខ្វះកំហាប់ឆ្អឹងជាងបុរសក្រោយពីអស់រដូវ។
[embed-health-tool-ovulation]
អត្ថបទពាក់ព័ន្ធ៖
- បើមានសញ្ញាទាំងនេះកើតឡើង បញ្ជាក់ថាគ្នាយើងខ្វះវីតាមីន A ហើយ
- ចង់ទទួលបានវីតាមីន D សម្រាប់រាងកាយគ្រប់គ្រាន់ អនុវត្តវិធីទាំងពីរនេះ
- វីតាមីន D មិនត្រឹមល្អចំពោះឆ្អឹងទេ អាចការពារជំងឺទឹកនោមផ្អែមទៀត!
២. ផ្លែព្រូន (Prunes)
ផ្លែព្រូន គឺផ្លែឈើដែលមានជាតិសរសៃខ្ពស់ និងជួយដល់សុខភាពពោះវៀន ជាពិសេសសម្រាប់ស្ត្រីដែលមានបញ្ហាទល់លាមក និងជំងឺក្រពះពោះវៀន។ ផ្លែនេះដែរក៏ជួយដល់សុខភាពឆ្អឹង។ ការញ៉ាំផ្លែព្រូន៥ ទៅ៦ផ្លែក្នុងមួយថ្ងៃអាចជួយឲ្យឆ្អឹងរឹងមាំក្រោយអស់រដូវ។ អ្នកជំនាញលើកឡើងថាសារធាតុចិញ្ចឹមនៃផ្លែព្រូនរួមមានវីតាមីន K boron ម៉ាញ៉េស្យូម ប៉ូតាស្យូម និងpolyphenols ដែលសុទ្ធតែមានប្រយោជន៍ដល់ឆ្អឹង។
៣. យ៉ាអួ Greek
យ៉ាអួ Greek មានជាតិកាល់ស្យូម និងប្រូតេអ៊ីន។ ការសិក្សាបានណែនាំថាការញ៉ាំប្រូតេអ៊ីនច្រើន (ប្រហែល៣០%នៃកម្រិតកាឡូរីប្រចាំថ្ងៃ) អាចជួយសម្រកទម្ងន់ និងរក្សាសាច់ដុំ។ បន្ថែមពីនេះទៀត កាល់ស្យូមដែលទទួលបានពីយ៉ាអួអាចជួយដល់សុខភាពឆ្អឹង។
៤. ត្រីសាល់ម៉ុន
ត្រីសាល់ម៉ុនគឺជាសាច់ត្រីដែលមានផលល្អសម្រាប់សុខភាព។ ត្រីសាល់ម៉ុនសំបូរដោយអាស៊ីតខ្លាញ់ អូមេហ្គា៣ ដែលជួយប្រឆាំងការរលាក និងការពារឆ្អឹង។ អ្នកជំនាញណែនាំថាការញ៉ាំសាច់ត្រីជំនួសឲ្យសាច់ក្រហមមានផលល្អសម្រាប់សុខភាព។ សម្រាប់ស្ត្រីមានផ្ទៃពោះ ត្រីសាល់ម៉ុនអាចជួយដល់ទារកច្រើន។ ការសិក្សាមួយបានឲ្យដឹងថាស្ត្រីដែលញ៉ាំសាច់ត្រីតិចអាចនឹងមានហានិភ័យក្នុងការសម្រាលកូនមុនគ្រប់ខែ និងទារកមិនគ្រប់គីឡូ។
៥. គ្រាប់ Pistachios
ការញ៉ាំគ្រាប់ Pistachios មួយអោន (៤៩គ្រាប់) ផ្តល់វីតាមីន ជាតិរ៉ែ និងសារធាតុចិញ្ចឹមជាច្រើន។ ការសិក្សាបានលើកឡើងថា ការញ៉ាំគ្រាប់ Pistachios ១,៥អោន ក្នុងមួយថ្ងៃ អាចជួយបន្ថយហានិភ័យជំងឺបេះដូងដោយសារមានជាតិខ្លាញ់ និងកូលេស្តេរ៉ូលទាប។ គ្រាប់នេះក៏ជួយរក្សាទម្ងន់ដែរ ដោយមានកាឡូរីត្រឹមតែ១៦០កាឡូរីក្នុងមួយអោន (៤៩គ្រាប់)។ ក្រៅពីនេះ គ្រាប់នេះក៏សំបូរប្រូតេអ៊ីន និងជាតិសរសៃដែរ។
អត្ថបទពាក់ព័ន្ធ៖
