ការមករដូវមិនត្រឹមតែបង្កឲ្យមានភាពតានតឹងនៅក្នុងខួរក្បាលប៉ុណ្ណោះទេ វាក៏អាចប៉ះពាល់ដល់សាច់ដុំផងដែរ។ ការឈឺគូទអាចកើតឡើងដោយសារតែដំណើរកន្ត្រាក់សាច់ដុំឆ្អឹងអាងត្រគាក។ ជាមួយនឹងអាការៈឈឺគូទ ការចុកពោះ ហើមស្បូន និងហើមពោះកើតឡើងជាទូទៅអំឡុងពេលមករដូវ ដែលអាចដាក់សម្ពាធលើសាច់ដុំគូទ។ នៅពេលដែលសម្ពាធនេះកើតឡើង វាអាចបណ្ដាលឲ្យមានការឈឺចាប់នៅឆ្អឹងអាងត្រគាក ខ្នងផ្នែកខាងក្រោម និងគូទ។
មូលហេតុនៃការឈឺគូទអំឡុងពេលមករដូវ
ពិតណាស់ ការឈឺគូទអំឡុងពេលមករដូវកើតឡើងជាទូទៅ ចំពោះស្ត្រីដែលមានស្បូនទ្រេតទៅខាងក្រោយ។ ប្រសិនបើអាការៈនេះកើតឡើងជាបន្តបន្ទាប់ និងមានសភាពធ្ងន់ធ្ងរ វាអាចជារោគសញ្ញានៃស្ថានភាពសុខភាពផ្សេងទៀត។
បញ្ហាសុខភាពអាចបង្កឲ្យមានអាការៈឈឺគូទ អំឡុងពេលមករដូវ
អាការៈឈឺគូទមិនមែនសុទ្ធតែបណ្ដាលមកពីការមករដូវនោះទេ វាក៏អាចបង្កឡើងដោយសារលក្ខខណ្ឌសុខភាពដទៃទៀត ដែលរួមមាន៖
- កោសិកាស្បូនដុះនៅកន្លែងផ្សេង
- មានដុំស្បូនសាច់
- ទល់លាមក
វិធីសាស្ត្រកាត់បន្ថយអាការៈឈឺគូទអំឡុងពេលមករដូវ
ប្រសិនបើស្រីៗយើងជួបប្រទះអាការៈឈឺគូទអំឡុងពេលមករដូវ ចូរសាកល្បងតិចនិកបន្ថយការឈឺចាប់ទាំងនេះ៖
- ងូតទឹកក្ដៅឧណ្ហៗ
- ធ្វើលំហាត់ប្រាណ ដូចជាការដើរ
- ម៉ាស្សា
- ប្រើថ្នាំបំបាត់ការឈឺចាប់។
[embed-health-tool-ovulation]
