ពិតណាស់ បញ្ហាមុនជាកង្វល់ដ៏ធំមួយរបស់ស្រីៗគ្នាយើង ហើយជាទូទៅ មុនតែងតែលេចឡើងនៅលើផ្ទៃមុខ ដែលធ្វើឲ្យយើងបាត់បង់ទំនុកចិត្តលើសម្រស់ខ្លួនឯង។ យ៉ាងណាមិញ មុនក៏អាចកើតលើបបូរទ្វារមាសផងដែរ។ តើមូលហេតុអ្វីខ្លះ ដែលបណ្ដាលឲ្យស្រីៗមួយចំនួន កើតមុននៅលើតំបន់ពិសេសដូចនេះ?
មូលហេតុនៃការកើតមុនលើបបូរទ្វារមាស
១. រលាកគល់រោម
ការកើតមុននៅបរិវេណទ្វារមាស អាចបណ្ដាលមកពីការឆ្លងមេរោគនៃគុលរោម ដោយសារបាក់តេរី។ ជាក់ស្ដែង ការកោររោមបរិវេណទ្វារមាសអាចបង្កជាបញ្ហារលាកគុលរោម។ ម្យ៉ាងវិញទៀត នៅពេលដែលរោមនៅបរិវេណនោះដុះចេញមក និងកោងចូលទៅក្នុងសាច់វិញ វាក៏អាចនាំឲ្យមានការរលាក និងកើតមុនដូចគ្នា។
២. ជំងឺរលាកស្បែក
កន្ទួល ឬមុនកើតឡើងនៅពេលដែលស្បែកប៉ះពាល់នឹងសារធាតុបង្កអាលែកហ្ស៊ី ឬរលាក ដូចជាសារធាតុគីមីធ្ងន់ធ្ងរ ដែលរួមមានសាប៊ូដុសខ្លួន ទឹកអប់ ម្សៅហ៊ុយ សំឡីអនាម័យ ស្រោមអនាម័យ ឬទឹករម្អិលជាដើម។
៣. ការបង្ករោគលើស្បែក
ជាមួយគ្នានេះដែរ ការបង្ករោគលើស្បែក បង្កឡើងដោយវីរុសPoxvirus។ ជាលទ្ធផល វានាំឲ្យកើតមុននៅលើទ្វារមាស ក៏ដូចជាផ្នែកផ្សេងទៀតនៃរាងកាយ។ ប៉ុន្តែ បញ្ហាស្បែកមួយនេះ ឆ្លងតាមរយៈការប៉ះពាល់នឹងអ្នកជំងឺ ឬវត្ថុដែលមានមេរោគប៉ុណ្ណោះ។
គន្លឹះកម្ចាត់បញ្ហាមុននៅលើបបូរទ្វារមាស
- ជៀសវាងពាក់ខោទ្រនាប់រឹបពេក និងគួរជ្រើសរើសខោទ្រនាប់ណាដែលមានខ្យល់ចេញចូល ដែលធ្វើពីកប្បាសជំនួសវិញ
- គួររក្សាបរិវេណនោះឲ្យស្ងួតល្អ
- ងូតទឹកនៅពេលដែលបែកញើសច្រើនជ្រុល
- ជៀសវាងប្រើប្រាស់ផលិតផលដែលមានសារធាតុគីមីនៅក្នុងទ្វារមាស ដូចជាម្សៅហ៊ុយ ទឹកអប់ ឬផលិតផលដែលជួយឲ្យមានក្លិនក្រអូប ពីព្រោះវាអាចបង្កឲ្យមានអាការៈរមាស់ និងកើតមុន
- ជៀសវាងកោររោមនៅជុំវិញទ្វារមាស។
អានបន្ថែម៖
- ពេលរួមភេទ ស្រីៗអាចនឹងឆ្លងកាត់បួនដំណាក់កាលនេះ
- ការរួមភេទផ្ដល់គុណប្រយោជន៍ ៥យ៉ាង ដល់ស្រីៗ
- ទ្វារមាសមិនមានទឹករម្អិលពេលរួមភេទ មកពីមូលហេតុទាំងនេះ
- នៅសុខៗថយចុះចំណង់ផ្លូវភេទ អាចមកពីមូលហេតុទាំងនេះ
[embed-health-tool-ovulation]
