ស្រីៗយើងតែងជួបប្រទះការប្រែប្រួលជាលិកាសុដន់ អំឡុងពេលពពោះ បំបៅដោះកូន មករដូវ ឬចូលដល់វ័យអស់រដូវ។ ជាទូទៅ ជាលិកាសុដន់ធម្មតា មានដុំពក និងមានលក្ខណៈរឹងៗ ព្រមទាំងមានភាពខុសៗគ្នាអាស្រ័យទៅលើស្ត្រីម្នាក់ៗ។
មាតិកា
ចង់ដឹងថាសុដន់មានសុខភាពល្អ ឬអត់ អាចសង្កេតមើលសញ្ញាសំខាន់ៗទាំងនេះ
សុដន់មានសុខភាពល្អ មានសញ្ញាទាំងនេះ
- រូបរាងសុដន់មានលក្ខណៈដូចដើម
- ស្បែកនៅលើសុដន់មានសភាពស្អាតល្អ និងម៉ត់រលោង
- សីតុណ្ហភាពសុដន់ ដូចគ្នាទៅនឹងរាងកាយទាំងមូល
- ពុំមានហូរសារធាតុរាវចេញពីចុងសុដន់ (លើកលែងតែនៅពេលកំពុងបំបៅដោះកូន)
- ពុំមានអារម្មណ៍ឈឺចាប់ នៅពេលប៉ះសុដន់។
នៅពេលណាដែលយើងគួរបារម្ភ?
១. លេចចេញដុំពកភ្លាមៗ
ថ្វីត្បិតតែដុំពកក្នុងសុដន់ភាគច្រើន មិនមែនជាមហារីកក៏ពិតមែន ប៉ុន្តែសញ្ញាទូទៅនៃជំងឺមហារីក ក៏កើតចេញពីដុំពក ឬសុដន់ឡើងក្រាស់ នេះដែរ។
២. ហូរសារធាតុរាវចេញពីចុងសុដន់
ចំពោះករណីភាគច្រើន ការហូរសារធាតុរាវពីចុងសុដន់ ពុំបង្កជាបញ្ហាធ្ងន់ធ្ងរឡើយ។ ប៉ុន្តែ យើងគួរតែពិគ្រោះយោបល់ជាមួយគ្រូពេទ្យជំនាញ ក៏ដូចជាធ្វើរោគវិនិច្ឆ័យឲ្យបានច្បាស់លាស់ទើបជាការប្រសើរ។
៣. ការប្រែប្រួលទំហំនៃសុដន់
ទន្ទឹមនឹងនេះដែរ ប្រសិនបើយើងសង្កេតឃើញទំហំសុដន់ខុសពីធម្មតា ឬពណ៌សម្បុរនៃសុដន់ ប្រែប្រួល យើងគួរតែទៅជួបជាមួយនឹងគ្រូពេទ្យជំនាញ។
៤. សុដន់ឡើងពណ៌ក្រហម
សុដន់ប្រែទៅជាពណ៌ក្រហម ឬស្បែកមើលទៅដូចសំបកក្រូច ក៏អាចបង្ហាញថា សុដន់យើងកំពុងតែមានបញ្ហាផងដែរ ហេតុនេះហើយ ស្រីៗយើងគួរតែតាមដានឲ្យបានដិតដល់។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Breast Cancer Signs and Symptoms
https://www.cancer.org/cancer/breast-cancer/screening-tests-and-early-detection/breast-cancer-signs-and-symptoms.html
Breast self-exam for breast awareness
https://www.mayoclinic.org/tests-procedures/breast-exam/about/pac-20393237
Breast cancer symptoms
https://www.cancerresearchuk.org/about-cancer/breast-cancer/symptoms
កំណែប្រែបច្ចុប្បន្ន
30/09/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម