ជំងឺទារកក្បាលតូច (microcephaly) ជាប្រភេទជំងឺប្រព័ន្ធប្រសាទ និងជាជំងឺកម្រមួយដែលធ្វើឲ្យក្បាលទារកមានទំហំតូច និងមិនមានការអភិវឌ្ឍពេញលេញនោះទេ ដោយសារខួរក្បាលរបស់ក្មេងគ្មានការលូតលាស់។ ជំងឺប្រភេទនេះអាចកើតមានឡើងចំពោះទារកក្នុងផ្ទៃ ឬនៅពេលកូនអាយុពីរ ឬបីឆ្នាំដំបូង។
ធ្លាប់ឆ្ងល់ទេ ហេតុអ្វីបានជាទារកខ្លះកើតមកក្បាលតូចខុសធម្មតា?
អត្ថបទពាក់ព័ន្ធ៖ មិនចង់គ្រោះថ្នាក់ដល់កូន ម៉ាក់ៗចៀសពីជំងឺ ៣ មុខនេះឲ្យបានអំឡុងពពោះ
១- មូលហេតុដែលបណ្តាលឲ្យមានជំងឺទារកក្បាលតូច
ចំពោះមូលហេតុពិតប្រាដកដែលបណ្ដាលឲ្យមានជំងឺនេះ មិនទាន់មានការបញ្ជាក់ឲ្យបានច្បាស់លាស់នៅឡើយទេ ប៉ុន្តែមានមូលហេតុពីរដែលគេគិតថាអាចបណ្ដាលឲ្យក្មេងមានជំងឺនេះ៖
– បញ្ហាហ្សែនពីកំណើត (Congenital microcephaly) និង
– កត្តាបរិស្ថាន (Acquired microcephaly )
អត្ថបទគួរអាន៖
- មកដឹងមូលហេតុសំខាន់ ម៉េចបានមានកូនមិននៅ ឬស្លាប់ក្នុងពោះ?
- ញ៉ាំអាហារកែច្នៃពេលពពោះ អាចធ្វើឲ្យកូនកើតអូទីស្សឹម
បញ្ហាហ្សែនពីកំណើតបានធ្វើឲ្យកោសិកាហ្សែនក្នុងខ្លួនទារកបង្កផលប៉ះពាល់ដល់ការវិវឌ្ឍផ្នែកខួរក្បាលរបស់ទារក។ ចំពោះក្មេងឬទារកដែលមានជំងឺDown syndrome និងជំងឺទាក់ទងនឹងហ្សែន ច្រើនកើតមានជំងឺក្បាលតូចនេះ។
ចំពោះកត្តាបរិស្ថានវិញក៏ជាកត្តាមួយធ្វើឲ្យទារកមានជំងឺក្បាលតូចនេះដែរ មានដូចជា៖
– ការបង្ករោគដោយវីរុស៖ ជំងឺស្អួត ជំងឺអុតស្វាយ ឬជំងឺហ្សីកា។
– ការបង្ករោគដោយពពួកប៉ារ៉ាស៊ីត៖ មេរោគ toxoplasmosis ឬមេរោគ cytomegalovirus
– សារធាតុគីមីដែលបណ្តាលឲ្យពុលដូចជាសំណ
– កង្វះសារធាតុចិញ្ចឹម
– គ្រឿងស្រវឹង និងគ្រឿងញៀន
មូលហេតុផ្សេងទៀតដែលបណ្តាលឲ្យមាន acquired microcephaly មាន៖
– ការហូរឈាម ឬដាច់សរសៃឈាមខួរក្បាលលើទារកទើបនឹងកើត
– មានរបួសដល់ខួរក្បាលក្រោយពេលកើត
– មានការប៉ះពាល់នៅក្នុងឆ្អឹងខ្នង ឬខួរក្បាល
អត្ថបទគួរអាន៖
- ស្រីៗពពោះ ផ្ដាសាយមិនងាយបាត់ អត់ចង់លេបថ្នាំខ្លាចប៉ះពាល់កូន ត្រូវធ្វើម៉េច?
- កូនតូចពុលចំណី ប្រើវិធីងាយៗនេះជួយសង្គ្រោះបាន
២- រោគសញ្ញានៃជំងឺទារកក្បាលតូច (microcephaly)
រោគសញ្ញាចម្បងបំផុតនៃ microcephaly គឺក្បាលមានទំហំតូច។ Microcephaly ក្នុងម្រិតស្រាលអាចបណ្តាលឲ្យក្បាលតូចប៉ុន្តែមិនមានបញ្ហាធ្ងន់ធ្ងរផ្សេងទៀតដល់ក្មេងឡើយ។ ក្បាលក្មេងនៅតែអាចមានការលូតលាស់បានពេលពួកគេធំឡើង ប៉ុន្តែមិនអាចមានទំហំធម្មតាដូចក្មេងដទៃទៀតបានឡើយ។
ក្មេងមានជំងឺ microcephaly ខ្លះមានបញ្ញាធម្មតាដូចក្មេងដទៃដែរ ប៉ុន្តែក្មេងខ្លះអាចមានការពិបាកបន្តិចក្នុងការរៀនសូត្រ ប៉ុន្តែជាទូទៅជំងឺនេះមិនធ្វើឲ្យកាន់តែធ្ងន់ធ្ងរនៅពេលក្មេងធំឡើងនោះទេ។
រោគសញ្ញាផ្សេងទៀតអាចមាន៖
– មានបញ្ហាលើការរក្សាលំនឹងខ្លួនពេលដើរ ឬឈរ
– ក្មេងក្រចេះអង្គុយ ឈរ ដើរ។ ល។
– ពិបាកលេបអាហារ និងមានបញ្ហាក្នុងការបៅ
– ស្ដាប់មិនសូវឮ
– រពឹសខុសធម្មតា នៅមិនស្ងៀម (ស្ថានភាពមួយដែលក្មេងមានការលំបាកក្នុងការផ្តោតអារម្មណ៍ ឬរក្សាភាពស្ងប់ស្ងាត់)
– មានអាការៈប្រកាច់
– មានកម្ពស់ទាប
– មានបញ្ហាក្នុងការនិយាយ និងមើល
អត្ថបទគួរអាន៖
- វិធីងាយៗនេះអាចជួយអូនតូចៗបាន ពេលរាកតិចតួច
- តិចច្រឡំថាជំងឺទាំងនេះកើតលើមនុស្សចាស់ តាមពិតក្មេងៗក៏មានដែរ
៣- ការព្យាបាល microcephaly
រហូតមកដល់បច្ចុប្បន្ននេះពុំទាន់មានវិធីព្យាបាលជំងឺ microcephaly ឡើយ។ ការព្យាបាលរបស់គ្រូពេទ្យគឺព្យាបាលទៅលើបញ្ហានៃការវិវត្ត អាកប្បកិរិយា និងការប្រកាច់របស់ក្មេង។ ចំពោះក្មេងកើត microcephaly កម្រិតស្រាលត្រូវពិនិត្យសុខភាពជាប្រចាំដើម្បីតាមដានការលូតលាស់ និងការវិវត្តរបស់ក្មេង។
ចំពោះក្មេងដែលមានជំងឺនេះកម្រិតធ្ងន់ធ្ងរចំបាច់ត្រូវការការព្យាបាលពេញមួយជីវិត។ រោគសញ្ញារបស់ក្មេងត្រូវស្ថិតនៅក្រោមការតាមដានរបស់គ្រូពេទ្យ ដោយសារតែរោគសញ្ញាមួយចំនួនអាចបណ្តាលឲ្យបាត់បង់ជីវិតបាន (ឧទាហរណ៍ ការប្រកាច់) ។ តាមរយៈការព្យាបាលពេញមួយជីវិតអាចបង្កើនគុណភាពនៃជីវិតរបស់ក្មេងបាន។
ការព្យាបាលមាន៖
– ការព្យាបាលគឺប្រើថ្នាំព្យាបាលបញ្ហាខួរក្បាលដូចជាការប្រកាច់ ឬការមានសកម្មភាពខ្លាំងពេក និងប្រើថ្នាំជួយជំរុញដល់មុខងារសរសៃប្រសាទ និងសាច់ដុំ។
– ការព្យាបាលលើការនិយាយស្ដី
– ការព្យាបាលដោយចលនា
៤- វិធីការពារជំងឺ microcephaly
ជំងឺMicrocephaly កើតពីកំណើតដោយហ្សែន គឺគ្មានវិធីការពារទេ តែបើជំងឺ microcephaly បណ្តាលមកពីកត្តាផ្សេងគឺមានវិធីការពារដោយឲ្យស្ត្រីមានផ្ទៃពោះអនុវត្តតាមជំហានដូចខាងក្រោមនេះ៖
– បរិភោគអាហារដែលមានសុខភាពល្អ និងមានវីតាមីនមុនពេលមានផ្ទៃពោះ។
– ជៀសវាងការប្រើប្រាស់គ្រឿងស្រវឹង
– នៅឲ្យឆ្ងាយពីសារជាតិគីមីពុល
– ត្រូវលាងដៃឲ្យបានទៀងទាត់
– ត្រូវទទួលការព្យាបាលឲ្យបានឆាប់ទៅលើជំងឺណាមួយដែលមាន
– ហាមប៉ះពាល់ឬទៅកន្លែងចិញ្ចឹមសត្វ ដោយសារតែទីនោះគឺជាជង្រុកនៃពពួកមេរោគ
– ត្រូវប្រើថ្នាំសំលាប់សត្វល្អិតដែលមានសុវត្ថិភាពលើស្រ្តីក្នុងកំឡុងពេលមានផ្ទៃពោះ។
អត្ថបទគួរអាន៖
- ចាស់ៗទម្លាប់ឲ្យកូនតូចពាក់ខ្សែសីមា នាំឲ្យជួបបញ្ហាធ្ងន់ធ្ងរទាំងនេះ
- យករបស់ទាំងនេះត្បារអាចម៍ត្រចៀក ប្រៀបបានយកមេរោគទៅដាក់ត្រចៀក
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម