តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ចង់ចាប់ផ្ដើមឲ្យកូនញ៉ាំអាហារមុន ៦ខែ គួរកត់សម្គាល់ចំណុចទាំងនេះ

    ចង់ចាប់ផ្ដើមឲ្យកូនញ៉ាំអាហារមុន ៦ខែ គួរកត់សម្គាល់ចំណុចទាំងនេះ

    រយៈពេល​៦ខែ​ដំបូង​អាហារ​ដ៏​ល្អ​បំផុត​សម្រាប់​ទារក គឺ​ទឹកដោះ​ម្ដាយ ប៉ុន្តែ​បើ​យើង​ចង់​ចាប់​ផ្ដើម បន្ថែម​របប​អាហារ​ពី​លើ​ទឹក​ដោះ គឺ​អាច​បន្ថែម​បាន​ក្នុង​អំឡុង​កូន​មាន​អាយុ ៤ ខែ​ឡើង​ទៅ។

    ប៉ុន្តែ​លោក​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ​បាន​ឲ្យ​ដឹង​ថា មុន​ពេល​ឲ្យ​កូន​ញ៉ាំ​អាហារ​បន្ថែម​ពី​ទឹកដោះ យើង​ជា​អាណាព្យាបាល​ត្រូវ​ចេះ​សង្កេត​មើល​កូន ៧ ចំណុច​នេះ​សិន មុន​នឹង​ឲ្យកូនញ៉ាំ។

    – កូន​ចង់​ញ៉ាំ​ដោយ​លិឍ​មាត់​លិឍ​ក នៅ​ពេល​ឃើញ​យើង​ញ៉ាំ​ដែរ​ទេ? បើ​មាន​ មាន​ន័យ​ថា​កូន​មាន​ចំណង់​ចង់​ញ៉ាំ​អាហារ​ហើយ
    – កូន​ចេះ​បៀម​ដៃ ឬ​ចេះ​ចាប់​យក​របស់​នៅ​ជុំវិញ​ខ្លួន​មក​ដាក់​ក្នុង​មាត់​ឬ​នៅ?
    – កូន​អាច​អង្គុយ ឬ​អាច​ទប់​ខ្លួន​ជាប់​ពេល​មាន​របស់​កល់​ឬ​នៅ?
    – កូន​រឹង​ក ឬ​នៅ?
    – កូន​ចេះ​តាម​សម្លឹង​ពេល​ឃើញ​នរណា​កាន់​របស់​ញ៉ាំទេ?
    – កូន​មាន​ប្រតិកម្ម​ហក់​លោត ពេល​ឃើញ​អាហារ​ពី​មុខ​ដែរ​អត់?

    ប្រសិនបើ​មាន​ចំណុច​ដូច​បាន​រៀបរាប់​ខាងលើ មាន​ន័យ​ថា​កូន​តូច​អាច​ចាប់ផ្ដើម​ញ៉ាំ​អាហារ​ដំបូងបន្ថែម​បាន​ហើយ។ ចំពោះ​បរិមាណ​វិញ​លោក​វេជ្ជបណ្ឌិត​រូប​នោះ​បាន​ឲ្យ​ដំបូន្មាន​ថា ត្រឹម ២-៣ ស្លាបព្រាបាយ និង​កិន​ឲ្យ​ម៉ដ្ត ហើយត្រូវបន្ត​បំបៅ​ទឹក​ដោះ​ជា​ធម្មតា។

    ចំណែក​ចំនួន​វិញ លោក​ណែនាំ​ឲ្យ​ត្រឹមតែ ១ ឬ ២ ដង​ក្នុង​មួយ​ថ្ងៃ​បាន​ហើយ ព្រោះ​ដើម្បី​ឲ្យ​ប្រព័ន្ធ​រំលាយ​ធ្វើការ​បាន​ល្អ។ ចំណែក​ប្រភេទ​អាហារ​វិញ អាច​យក​ផ្លែឈើ ឬ​បបរ​លាយ​ជាមួយ​បន្លែ ត្រី សាច់​ ស៊ុត យក​ទៅ​កិន និងចម្អិនឲ្យឆ្អិនល្អ។

    អត្ថបទពាក់ព័ន្ធ៖

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    health-tool-icon

    តារាងកាលវិភាគចាក់ថ្នាំបង្ការ(វ៉ាក់សាំង) ទារក

    សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

    កូនប្រុសឬស្រី?

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ Try Ravi កែសម្រួល​ចុងក្រោយ 20/05/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: