សុខភាពកុមារ Archives - Page 67 of 74

ការពារកូនតូចពីជំងឺផ្សេងៗ នៅរដូវភ្លៀង ប៉ាម៉ាក់អាចអនុវត្តន៍វិធានទាំងនេះ

រដូវភ្លៀង កុមារតូចៗងាយប្រឈមនឹងជំងឺផ្សេងៗណាស់ អ៊ឹចឹងហើយ ប៉ាម៉ាក់គួរអនុវត្តន៍គន្លឹះបែបណាខ្លះ ដើម្បីជួយកូនឲ្យជៀសផុតពីបញ្ហាមួយនេះ? ពិតណាស់ នៅរដូវភ្លៀង ជាមួយនឹងសំណើមខ្ពស់ អាចបណ្តាលឲ្យក្មេងៗដែលមិនទាន់មានប្រព័ន្ធភាពស៊ាំរឹងមាំនៅឡើយ ងាយនឹងឆ្លងជំងឺផ្សេងៗតាមរដូវកាល ដូចនេះ យកល្អ ប៉ាម៉ាក់ត្រូវត្រៀមវិធានការការពារទុកជាមុនដូចខាងក្រោម៖ ១. រក្សាអនាម័យ ការរក្សាអនាម័យឲ្យបានខ្ជាប់ខ្ជួន អាចបញ្ចៀសការរីករាលដាលនៃជំងឺឆ្លងបាន។ ហេតុនេះហើយ ប៉ាម៉ាក់គួរបង្រៀនកូនឲ្យយល់ដឹងពីសារៈសំខាន់នៃការលាងសម្អាតដៃឲ្យបានត្រឹមត្រូវ ជាពិសេស មុនពេលញ៉ាំអាហារ និងក្រោយពីការបន្ទោរបង់រួច។ ការលាងសម្អាតដៃទៀតសោត គួរឲ្យកូនលាងជាមួយនឹងសាប៊ូ និងទឹកយ៉ាងហោចណាស់២០វិនាទី។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២. ពង្រឹងប្រព័ន្ធភាពស៊ាំជាមួយនឹងរបបអាហារ របបអាហារតុល្យភាព ត្រូវរួមបញ្ចូលនូវវីតាមីន និងសារធាតុរ៉ែ ដើម្បីជួយពង្រឹងប្រព័ន្ធភាពស៊ាំ។ ប៉ាម៉ាក់គប្បីឲ្យកូនញ៉ាំបន្លែ ផ្លែឈើ និងប្រូតេអ៊ីនគ្មានខ្លាញ់។ អាហារដែលសម្បូរទៅដោយវីតាមីនC ដូចជាផ្លែក្រូច ស្រ្តប៊ឺរី និងម្ទេសប្លោក ក៏អាចជួយការពារកូនប៉ាម៉ាក់ពីជំងឺផ្សេងៗបានផងដែរ។ មួយវិញទៀត គួរកាត់បន្ថយការញ៉ាំអាហារដែលមានជាតិស្ករខ្ពស់ និងអាហារកែច្នៃ។ ៣. កុំភ្លេចបន្ថែមជាតិទឹក ម្យ៉ាងវិញទៀត ប៉ាម៉ាក់ចាំបាច់ណែនាំឲ្យកូនញ៉ាំទឹកឲ្យបានច្រើនក្នុងអំឡុងរដូវភ្លៀង នៅពេលដែលកម្រិតសំណើមឡើងខ្ពស់ ដើម្បីបញ្ចៀសបញ្ហាកង្វះជាតិទឹក។ យើងក៏អាចបន្ថែមជាប្រភេទផ្លែឈើដែលសម្បូរជាតិទឹក ដូចជាផ្លែឪឡឹក និងត្រសក់ជាដើម។ ៤. ស្លៀកពាក់ឲ្យកូនឲ្យបានត្រឹមត្រូវ ជាមួយគ្នានេះ ប៉ាម៉ាក់គួរឲ្យកូនស្លៀកពាក់សំលៀកបំពាក់ណាដែលមានខ្យល់ចេញចូល ហើយងាយស្ងួត ដើម្បីការពារកូនពីការកើតជំងឹផ្តាសាយ ឬបញ្ហាស្បែក។ ក្នុងអំឡុងរដូវភ្លៀង ចាំបាច់ត្រូវឲ្យកូនមានអាវភ្លៀវ […]

រោគសញ្ញាទូទៅ

តិចច្រឡំថាជំងឺទាំងនេះកើតលើមនុស្សចាស់ តាមពិតក្មេងៗក៏មានដែរ

មនុស្សពេញវ័យងាយកើតជំងឺរលាកក្រពះ-ពោះវៀន ដោយសារការច្រាលទឹកក្រពះឡើងមកលើ ការញ៉ាំថ្នាំបំបាត់ការឈឺចាប់ ចំណីអាហារ ឆ្លងមេរោគ និងដោយសារពពួកវីរុសអ្វីមួយ ក្រោយប្រព័ន្ធភាពស៊ាំចុះខ្សោយ។ រោគសញ្ញាវិញមានដូចជាចុក ឆ្អល់ នៅក្នុងពោះជិតចុងដង្ហើម ញ៉ាំឆាប់ឆ្អែត តឹងឆ្អល់ក្នុងពោះពិបាកទ្រាំ។ លោកវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ បានឲ្យដឹងថា សព្វថ្ងៃនេះកុមារតូចៗមួយចំនួនក៏មានជំងឺបែបនេះដែរ។ លោកបន្តថា កាលពីសម័យមុនយើងគិតថា ក្មេងៗគ្មានជំងឺដំបៅក្រពះ ឬពោះវៀន ដុះសាច់ក្រពះពោះវៀនអ្វីទេ ប៉ុន្តែឥឡូវនេះយើងមានម៉ាស៊ីនអង់ត្រូស្កូប ដែលអាចឆ្លុះមើលឃើញបានយ៉ាងច្បាស់។ ចំពោះមតិដែលលើកឡើងថា កាលពីមុនម្ដេចក៏គ្មានជំងឺបែបនេះ? វេជ្ជបណ្ឌិតរូបនេះបានសន្និដ្ឋានថា អាចថាពេលនោះមិនទាន់មានប្រភេទគ្រឿងម៉ាស៊ីនបែបវេជ្ជសាស្រ្តទាំងនេះប្រើប្រាស់រករោគវិនិច្ឆ័យក៏ថាបាន។ នាយកមន្ទីរពេទ្យកុមារជាតិខាងលើបានបន្តទៀតថា មូលហេតុដែលបណ្ដាលឲ្យកូនតូចកើតជំងឺនេះ លោកក៏មិនទាន់ហ៊ានបកស្រាយច្រើនឡើយ ព្រោះម៉ាស៊ីនទំនើបសម្រាប់ឆ្លុះនោះខាងមន្ទីរពេទ្យទើបទទួលបាន គ្រាន់តែថាអាចលើកយកប៉ុន្មានចំណុចខាងក្រោមនេះ៖ ការដុះសាច់ក្រពះមកពីកំណើត អាហារដែលក្មេងៗញ៉ាំគ្មានអនាម័យ មានមេរោគដូចមនុស្សចាស់ ញ៉ាំរបស់មានជាតិអាកុល ឬហ្គាស ញុំាហឹរ ឬជូរ។ ប៉ុន្តែប្រធានមន្ទីរពេទ្យកុមារជាតិរូបនេះមិនទាន់ហ៊ានសន្និដ្ឋានថា វាកើតឡើងដោយសារអ្វីមួយឲ្យពិតប្រាកដឡើយ រង់ចាំការតាមដានមួយរយៈពេលទៀតសិន។ មួយវិញទៀត ដើម្បីចៀសវាងពីជំងឺអស់ទាំងនេះ លោកបានណែនាំឲ្យយើងម្នាក់ៗត្រូវថែទាំកូនឲ្យមានអនាម័យជានិច្ច ផឹកទឹកស្អាត ព្រោះកូនក្មេងបាក់តេរីងាយជ្រៀតចូល និងមិនគួរឲ្យកូនតូចផឹកភេសជ្ជៈកំប៉ុងមានជាតិគីមី។ អត្ថបទពាក់ព័ន្ធ៖គ្រោះថ្នាក់ខ្លាំង បើកូនកើតស្អូច ឬអុតស្វាយ ត្រាំទឹករុក្ខជាតិ និងខ្ចៅខ្យងឲ្យងូត ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ […]