home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ឆ្លង​រោគ​ផ្សិត​​​​ក្រោយ​​​មក​​រដូវ​រួច​ ​បណ្ដាល​មក​ពី​អ្វី​?

ឆ្លង​រោគ​ផ្សិត​​​​ក្រោយ​​​មក​​រដូវ​រួច​ ​បណ្ដាល​មក​ពី​អ្វី​?

ការ​ឆ្លង​មេរោគ​ផ្សិត​បន្ទាប់​ពី​មក​រដូវ​រួច អាច​បណ្ដាល​មក​ពី​ការ​ប្រែប្រួល​អ័រម៉ូន​ និង​​កត្តា​ជាក់លាក់​មួយ​ចំនួន​ទៀត​។ ពិត​ណាស់​ ការ​ឆ្លង​មេរោគ​ផ្សិត​នេះ​ ជា​ជំងឺ​ទូទៅ​មួយ​ដែល​បណ្ដាល​មក​ពី​ការ​រីក​ធំធាត់​នៃ​មេរោគ​Candida ​ជា​ផ្សិត​ដែល​មាន​នៅ​ក្នុង​ទ្វារ​មាស។

មូលហេតុ​នៃ​ការ​ឆ្លង​មេរោគ​ផ្សិត​ បន្ទាប់​ពី​មក​រដូវ​?

ការ​ឆ្លង​មេរោគ​ផ្សិត​បន្ទាប់​ពី​មក​រដូវ អាច​កើត​ឡើង​ដោយ​សារ​តែ​ការ​ប្រែប្រួល​អ័រម៉ូន​​ដែល​ប៉ះពាល់​ដល់​តុល្យភាព​នៃ​ផ្សិត​ និង​បាក់តេរី​នៅ​ក្នុង​ទ្វារ​មាស​។ នៅ​ពេល​អ័រម៉ូន​ចាប់ផ្ដើម​​កើន​ឡើង​ និង​ធ្លាក់​ចុះ ជា​ពិសេស​គឺ​អ័រម៉ូន​estrogen វា​អាច​សម្លាប់​បាក់តេរី​ដែល​រស់នៅ​ក្នុង​ទ្វារ​មាស ហើយ​ប្រសិនបើ​មិន​មាន​បាក់តេរី​ប្រឆាំង​នឹង​ការ​លូតលាស់​នៃ​ផ្សិត​ទេ​នោះ ​យើង​អាច​ប្រឈម​នឹង​ការ​ឆ្លង​មេរោគ​ផ្សិត​ក្នុង​​ទ្វារ​មាស​​។

​​​​​កត្តា​ហានិភ័យ​

ស្រី​ៗ​មួយ​ចំនួន​ងាយ​នឹង​ឆ្លង​មេរោគ​ផ្សិត​ បន្ទាប់​ពី​មក​រដូវ​រួច ប្រសិនបើ​៖

  • ការប្រើប្រាស់​ថ្នាំ​ផ្សះ៖ ថ្នាំ​ផ្សះ​ត្រូវ​បាន​ប្រើប្រាស់​សម្រាប់​កម្ចាត់​បាក់តេរី ​ដែល​បណ្ដាល​ឲ្យ​យើង​ឈឺ​។ ប៉ុន្តែ​ វា​ក៏​សម្លាប់​បាក់តេរី​ល្អ​ដូច​គ្នា ដែល​កត្តា​នេះ​​នាំ​​ឲ្យ​មេរោគ​ផ្សិត​​Candida​លូតលាស់​ និង​បង្ក​ជា​ការ​ឆ្លង​មេរោគ​ផ្សិត​។
  • ប្រព័ន្ធ​ភាព​ស៊ាំ​ចុះ​ខ្សោយ​៖ ប្រព័ន្ធ​ភាព​ស៊ាំ​ចុះ​ខ្សោយ​ធ្វើ​ឲ្យ​រាងកាយ​ពិបាក​ក្នុង​ការ​ប្រឆាំង​នឹង​ការ​ឆ្លង​មេរោគ​ណា​មួយ​។ អ្នក​ដែល​មាន​ប្រព័ន្ធ​ភាព​ស៊ាំ​ចុះ​ខ្សោយ​ តែងតែ​ត្រូវ​ប្រើប្រាស់​ថ្នាំ​ដែល​អាច​បណ្ដាល​ឲ្យ​អតុល្យភាព​នៃ​បាក់តេរី និង​បង្កើន​ហានិភ័យ​នៃ​ការ​ឆ្លង​មេរោគ​ផ្សិត​។
  • ជំងឺ​ទឹក​នោម​ផ្អែម​៖ ប្រសិនបើ​យើង​មាន​ជំងឺ​ទឹក​នោម​ផ្អែម​ ហើយ​មិន​អាច​គ្រប់គ្រង​ស្ថានភាព​ជំងឺ​បាន​ល្អ​ទេ​នោះ វា​អាច​បណ្ដាល​ឲ្យ​កើន​ឡើង​កម្រិត​ជាតិ​ស្ករ​ក្នុង​ឈាម​។ នៅ​ពេល​ដែល​​ជាតិ​​គ្លុយកូស​ក្នុង​ឈាម​ខ្ពស់ ផ្សិត​ក៏​អាច​លូតលាស់​បាន​ ពីព្រោះ​វា​បឺត​ជាតិ​ស្ករ​ ដែល​អាច​បង្កើន​ឱកាស​នៃ​ការ​ឆ្លង​មេរោគ​ផ្សិត​ខ្ពស់​​។
  • កម្រិត​ស្រ្តេស​ខ្ពស់​៖ កម្រិត​ស្រ្តេស​ខ្ពស់​ក៏​អាច​ជះ​ឥទ្ធិពល​អវិជ្ជមាន​ដល់​សុខភាព​ទាំងមូល​របស់​យើង​ដូច​គ្នា ជា​ពិសេស​មុខងារ​ភាព​ស៊ាំ​។ នៅ​ពេល​ដែល​ប្រព័ន្ធ​ភាព​ស៊ាំ​ចុះ​ខ្សោយ​ដោយ​ស្រ្តេស ហានិភ័យ​នៃ​ការ​លូតលាស់​នៃ​មេរោគ​ផ្សិត​​Candida​នឹង​កើន​ឡើង​។
  • ការ​ឆ្លង​មេរោគ​ផ្សិត​ម្ដង​ទៀត​៖ ​អ្នក​ដែល​ធ្លាប់​​ឆ្លង​មេរោគ​ផ្សិត​​ អាច​នឹង​ប្រឈម​នឹង​ការ​កើត​ជំងឺ​នេះ​ម្ដង​ទៀត​ បន្ទាប់​ពី​មក​រដូវ​។ នេះ​អាច​បណ្ដាល​មក​ពី​ការ​ធ្វើ​អនាម័យ​មិន​បាន​ល្អ ឬ​ប្រព័ន្ធ​ភាព​ស៊ាំ​ចុះ​ខ្សោយ​។

ឆ្លងមេរោគផ្សិត

រោគសញ្ញា​

​​​​​​​មិន​មែន​អ្នក​ដែល​ឆ្លង​មេរោគ​ផ្សិត​សុទ្ធ​តែ​មាន​រោគសញ្ញា​ឡើយ​។ យ៉ាង​ណា​មិញ រោគសញ្ញា​ទូទៅ​នៃ​ការ​ឆ្លង​មេរោគ​ផ្សិត​រួម​មាន​៖

  • រមាស់​ក្នុង​ទ្វារ​មាស
  • ទឹក​រម្អិល​ពណ៌​ស​ខាប់​
  • ហើម​ និង​ក្រហម​ទ្វារ​មាស​
  • នោម​ក្រហាយ​
  • ស្នាម​រលាត់​ ឬ​ប្រេះ​នៅ​ស្បែក​ស្ដើង​​នៃ​ទ្វារ​មាស​

រោគសញ្ញា​ដទៃ​ទៀត​នៃ​ការ​ឆ្លង​មេរោគ​ផ្សិត​ គឺ​​ធ្លាក់​ឈាម​តិចតួច​ ហើយ​វា​មាន​ការ​ពិបាក​ក្នុង​ការ​កំណត់​ថា​តើ​ជា​ការ​ធ្លាក់​ឈាម​នៅ​​ពេល​​អស់​រដូវ ឬ​បណ្ដាល​មក​ពី​ការ​ឆ្លង​មេរោគ​ផ្សិត​។ ហេតុ​នេះ​ហើយ​ ប្រសិនបើ​ស្រី​ៗ​យើង​មាន​ធ្លាក់​ឈាម​តិចតួច​ និង​មាន​រោគ​សញ្ញា​ដទៃ​ទៀត​នៃ​ការ​ឆ្លង​មេរោគ​ផ្សិត​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ជំនាញ ទើប​ជា​ការ​ប្រសើរ​។

តិចនិក​បង្ការ​ការ​ឆ្លង​មេរោគ​ផ្សិត​

  • ផ្លាស់ប្ដូរ​សំឡី​អនាម័យ​​ឲ្យ​បាន​ញឹកញាប់​
  • ប្រើប្រាស់​ខោ​ក្នុង​​ដែល​​មាន​ខ្យល់​ចេញ​ចូល​​ល្អ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

What Causes a Yeast Infection After Your Period and How to Treat It

https://www.verywellhealth.com/yeast-infection-after-period-5181153

But Really, Why Do Yeast Infections Happen After Periods?

https://greatist.com/health/yeast-infection-after-period#remedies

What to Do About a Yeast Infection and Period Double Whammy

https://www.self.com/story/period-and-yeast-infection

រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 3 សប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត
x