ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទោះជាយើងជួបប្រទះអាការៈឈឺក្រពះពីពេលមួយទៅពេលមួយក៏ដោយ ក៏មិនអាចបញ្ជាក់ពីរោគសញ្ញាដំបូងនៃជំងឺមហារីកក្រពះដែរ។ ហេតុនេះហើយ ដើម្បីដឹងថាយើងអាចប្រឈមនឹងជំងឺមហារីកមួយប្រភេទនេះឬអត់ គ្នាយើងគួរតែសង្កេតមើលរោគសញ្ញាមួយចំនួនខាងក្រោម។
ជំងឺមហារីកក្រពះ កើតឡើងនៅពេលដែលមានការលូតលាស់កោសិកាមិនប្រក្រតីនៅក្នុងក្រពះរបស់យើង។ ជាទូទៅ រោគសញ្ញាដំបូងនៃជំងឺមហារីកក្រពះ ពិបាកក្នុងការកត់សម្គាល់ណាស់ ពីព្រោះថារោគសញ្ញាទាំងនោះ អាចភ័ន្តច្រឡំជាមួយនឹងជំងឺក្រពះពោះវៀនធម្មតា។ ហេតុនេះហើយ ទើបយើងបានដឹងពីវត្តមាននៃជំងឺមហារីកនេះ នៅពេលដែលជំងឺវិវត្តដល់ដំណាក់កាលធ្ងន់ធ្ងរទៅហើយ។ យ៉ាងណាមិញ យើងក៏អាចសង្កេតមើលសញ្ញាព្រមានដំបូងមួយចំនួនដូចខាងក្រោមនេះ។
យើងអាចនឹងមានអារម្មណ៍ថាពោះឆ្អែត និងតឹង។ ពិតណាស់ ជំងឺមហារីកក្រពះ អាចធ្វើឲ្យជញ្ជាំងក្រពះរឹង និងកាត់បន្ថយសមត្ថភាពក្នុងការផ្ទុកអាហារ។ ក្នុងករណីដែលមហារីកក្រពះរាលដាលដល់ស្រទាប់ខាងក្នុងនៃពោះ វាអាចបង្កជាការប្រមូលផ្ដុំសារធាតុរាវនៅក្នុងពោះរបស់យើង ព្រមទាំងធ្វើឲ្យយើងហើមពោះដូចទៅនឹងស្ត្រីដែលជិតគ្រប់ខែ។
ក្រហាយទ្រូង ដែលជាការឈឺចុកចាប់នៅដើមទ្រូង និងបំពង់ក ជារឿងធម្មតាប៉ុណ្ណោះ ហើយជាទូទៅ អាការៈនេះមិនមានអ្វីគួរឲ្យបារម្ភឡើយ។ ប៉ុន្តែ ប្រសិនបើយើងកើតមានអាការៈក្រហាយទ្រូងដែលមិនបាត់ទៅវិញ ក្រោយប្រើថ្នាំបន្សាបជាតិអាស៊ីដ (Antacids) ឬថ្នាំផ្សេងទៀត នោះអាចជារោគសញ្ញាព្រមានមួយ។ ប្រសិនបើមានការលូតលាស់កោសិកាមហារីកដ៏ធំនៅក្នុងចំណុចចេញនៃក្រពះ សារធាតុរាវអាចកកកុញ ហើយអាហារអាចនឹងត្រលប់មកកាន់បំពង់អាហារវិញ ជាហេតុនាំឲ្យកើតមានអាការៈក្រហាយទ្រូង។
ទន្ទឹមនឹងនេះដែរ រោគសញ្ញាមួយទៀតនៃការលូតលាស់កោសិកាមហារីក គឺជាការរារាំងច្រកចេញរបស់ក្រពះ (Exit of stomach) ។ ប្រសិនបើ អាហារ និងភេសជ្ជៈដែលយើងញ៉ាំ មិនអាចធ្វើដំណើរទៅផ្នែកដំបូងនៃពោះវៀនរបស់យើងបានទេនោះ វានឹងបញ្ជូនសញ្ញាទៅខួរក្បាលដែលធ្វើឲ្យយើងមានអារម្មណ៍ចង់ក្អួត។
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យជំងឺមហារីកក្រពេញអូវែ ចុចទីនេះ!
ចង់ពិនិត្យជំងឺមហារីកសួត ចុចទីនេះ!
ជាទូទៅ អារម្មណ៍មិនស្រួលខ្លួននេះ អាចបណ្ដាលមកពីជំងឺមហារីកក្រពះរាលដាលដល់ស្រទាប់ពោះ ព្រមទាំងធ្វើឲ្យយើងមានអារម្មណ៍ហើមពោះ និងធ្ងន់ពោះ។
ដោយសារតែយើងប្រឈមនឹងរោគសញ្ញាដទៃទៀតដូចជាចង្អោរ ក្អួត និងហើមពោះ យើងអាចនឹងមិនសូវញ៉ាំញឹកញាប់ដូចមុន ព្រមទាំងស្រកទម្ងន់ដោយមិនចាំបាច់ខំប្រឹង។ រោគសញ្ញាមួយនេះ ជារោគសញ្ញាដ៏គួរឲ្យបារម្ភបំផុត។
រោគសញ្ញានេះ មិនសូវកើតឡើងញឹកញាប់ប៉ុន្មានទេ ប៉ុន្តែវាអាចនឹងកើតឡើងនៅពេលដែលយើងបាត់បង់ឈាមច្រើន។ យើងអាចសង្កេតឃើញការប្រែប្រួលនៅក្នុងលាមក ក៏ដូចជាលាមកប្រែទៅជាពណ៌ខ្មៅ។ ប៉ុន្តែ ក្នុងករណីដែលចេញឈាមយឺត គ្នាយើងអាចនឹងពិបាកកត់សម្គាល់ឃើញពីការប្រែប្រួលណាមួយនៅក្នុងលាមក។
អត្ថបទគួរអាន៖
យើងនឹងមានអារម្មណ៍ថាឆ្អែត បើទោះបីជាយើងញ៉ាំអាហារតិចតួចក៏ដោយ។ មួយវិញទៀត យើងប្រហែលជាអាចញ៉ាំត្រឹមតែ២០%នៃបរិមាណអាហារដែលយើងធ្លាប់ញ៉ាំប៉ុណ្ណោះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
