home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

បន្លែ ផ្លែឈើ ចម្រុះពណ៌ ល្អចំពោះសុខភាព​ ប្រឆាំងជំងឺមហារីក

បន្លែ ផ្លែឈើ ចម្រុះពណ៌ ល្អចំពោះសុខភាព​ ប្រឆាំងជំងឺមហារីក

បន្លែ និង​ផ្លែឈើ គឺ​សម្បូរ​ទៅ​ដោយ​សារធាតុចិញ្ចឹម​ប្រឆាំង​នឹង​ជំងឺ​មហារីក ហើយ​ការ​ញ៉ាំ​បន្លែ ផ្លែឈើ​ចម្រុះ​ពណ៌ នឹង​ទទួល​បាន​​សារធាតុ​ចិញ្ចឹម​ផ្សេងៗ​គ្នា​ច្រើន​ដែរ​។ អាហារ​ចម្រុះ​ពណ៌​ទាំង​នេះ​ជួយ​ឲ្យ​យើង​មាន​សុខភាព​ល្អ និង​រក្សា​ទម្ងន់​បាន​ល្អ។

ការ​ឡើង​ទម្ងន់ ធ្វើ​ឲ្យ​យើង​ប្រឈម​មុខ​នឹង​ជំងឺ​មហារីក​ច្រើន​ប្រភេទ ដូច​ជា​មហារីក ពោះវៀនធំ មហារីក​បំពង់អាហារនិង​មហារីក​តម្រង​នោម​ជា​ដើម​។ បន្លែ​ ផ្លែឈើ មាន​ពណ៌​បៃតង​ចាស់ ក្រហម និង​ទឹកក្រូច​ជា​ដើម សុទ្ធ​តែ​សម្បូរ​សារធាតុ​ចិញ្ចឹម។

១. ពណ៌ក្រហម

បន្លែ​ផ្លែ​ឈើ​ពណ៌​ក្រហម​មាន​ដូច​ជា​ប៉េងប៉ោះ ឪឡឹក ទំពាំង​បាយ​ជូរ និង​ល្ហុង​ សុទ្ធ​តែ​ល្អ​ចំពោះ​សុខភាព​។ បន្លែ ផ្លែឈើ​ទាំង​នេះ មាន​ផ្ទុក​សារធាតុ Lycopeneនិង​សាធាតុ​ប្រឆាំង​អុកស៊ីតកម្ម ដែល​អាច​ជួយ​ការ​ពារ​យើង​ប្រឆាំង​នឹង​ជំងឺ​មហារីក​ក្រពេញ​ប្រូសា្តត ក្រពះ និង​សួត។ បន្លែ មាន​ជាតិ​Lycopene​ខ្ពស់​ដូច​ជា​ប៉េង​ប៉ោះ មាន​ទំនាក់​ទំនង​ក្នុង​ការ​ជួយ​កាត់​បន្ថយ​ហានិភ័យ​កើត​ជំងឺ​មហារីក និង​បញ្ហា​គាំង​បេះដូង​។

២. បន្លែ​ ផ្លែឈើ​ពណ៌​ទឹកក្រូច

បន្លែ​ ផ្លែឈើ ពណ៌​ទឹក​ក្រូច ដូច​ជា​ការ៉ុត ស្វាយ ដំឡូងជ្វា ក្រូច និង​ល្ពៅ ជា​ដើម សម្បូរ​សារធាតុចិញ្ចឹម​ល្អៗ​ចំពោះ​រាង​កាយ​ដែរ​។ អាហារ​មាន​ពណ៌​ទឹក​ក្រូច អាច​មាន​ផ្ទុក beta-cryptoxanthin, beta-carotene និងalpha-carotene ជា​សារធាតុ​ចិញ្ចឹម​​ដែល​អាច​បំប្លែង​ទៅ​ជា​វីតាមីនA​។ ​Beta-carotene មាន​នៅ​ក្នុង​ផ្លែ​ក្រូច និង​​បន្លែ​ផ្សេង​ទៀត ក៏​អាច​ដើរតួ​នាទី​សំខាន់​ក្នុង​ការ​ជួយ​កាត់​បន្ថយ​ហានិភ័យ​ជំងឺ​មហារីក​សួត មហារីក​បំពង់​អាហារ​ និង​ក្រពះ​ផង​ដែរ​។​​​​​​​​

អាហារចម្រុះពណ៌

៣. ពណ៌ត្នោត​

ពពួក​សណ្ដែក ក៏​បាន​ដើរ​តួ​សំខាន់​ក្នុង​ការ​ការពារ​យើង​ពី​ជំងឺ​បេះ​ដូង​ផង​ដែរ។ ពពួក​សណ្ដែក​សម្បូរ​ទៅ​ដោយ​ហ្វូឡេត វីតាមីនB ដែល​ប្រឆាំង​នឹង​ homocysteine និង​អាមីណូអាស៊ីដ ដែល​អាច​ធ្វើ​ឲ្យ​​មាន​ដុំ​កំណក​ឈាម​កើត​ឡើង​។

៤. ពណ៌បៃតង​

​​បន្លែ​ពណ៌​បៃ​តង​ដូច​ជា​ស្ពៃក្ដោប និង​ខាត់ណាខៀវ មាន​ផ្ទុក​សារធាតុពីរ​សំខាន់ គឺ isothiocyanates និង​indoles ដែល​អាច​មាន​សារធាតុ​ប្រឆាំង​នឹង​ជំងឺ​មហារីក​។ ចំពោះ​បន្លែ​ស្លឹក​បៃ​តង​វិញ ក៏​មាន​ប្រយោជន៍​ជួយ​បន្ថយ​ហានិភ័យ​ជំងឺ​បេះដូង​​ឲ្យ​នៅ​ទាប​ផង​ដែរ​។ បន្លែ​បៃ​តង​ទាំងនេះ​ ក៏​សម្បូរ​ទៅ​ដោយ​សារធាតុ​ចិញ្ចឹម​ដូច​ជា​អាស៊ីដហ្វូលិក វីតាមីនK អាស៊ីដ​ខ្លាញ់​អូមេហ្គា៣ និងarotenoids។

៥. ពណ៌ស្វាយ​

ប​ន្លែ ផ្លែឈើ ពណ៌ស្វាយ​ដូច​ជា​ប្លូបឺរី ប្លែកបឺរី ត្រប់វែង និង​ស្ពៃក្ដោប​ពណ៌ស្វាយ ជា​ដើម ក៏​មាន​សារ​ធាតុ​ចិញ្ចឹម​មិន​ចាញ់​បន្លែ​ ផ្លែ​ឈើ​ពណ៌​ផ្សេង​ដែរ​។​ បន្លែ​ទាំង​នេះ​មាន​សារធាតុ​ប្រឆាំង​អុកស៊ីតកម្ម និង សារធាតុ​ប្រឆាំង​ការ​រលាក ដែល​អាច​មាន​ប្រយោជន៍​ក្នុង​ការ​បន្ថយ​ហានិភ័យ​ឲ្យ​នៅ​ទាម​ក្នុង​ការ​កើត​ជំងឺ​មហារីក ជំងឺបេះដូង និង​ជួយ​បន្ថយ​ការ​ឈឺចាប់​ដោយ​សារ​ការ​រលាក​សន្លាក់​ផង​ដែរ​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.rogelcancercenter.org/living-with-cancer/mind-body-side-effects/nutrition/eating-rainbows

https://www.webmd.com/cancer/ss/slideshow-cancer-fighting-foods

https://www.healthline.com/health/cancer/cancer-causing-foods#foods-that-lower-risk

 

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ ទូច សុខា
កែ 3 weeks ago
x