ជំងឺមហារីកទ្វារមាស គឺជាមហារីកដែលប៉ះពាល់ដល់ផ្នែកខាងក្រៅនៃតំបន់ប្រដាប់ភេទរបស់ស្ត្រី។ ជំងឺមហារីកនេះមិនសូវកើតមានទេ បើប្រៀបទៅនឹងមហារីកដទៃទៀតនៃប្រដាប់បន្តពូជដូចជា មហារីកអូវែ ឬមហារីកស្បូន។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជំងឺមហារីកទ្វារមាស គឺជាមហារីកដែលប៉ះពាល់ដល់ផ្នែកខាងក្រៅនៃតំបន់ប្រដាប់ភេទរបស់ស្ត្រី។ ជំងឺមហារីកនេះមិនសូវកើតមានទេ បើប្រៀបទៅនឹងមហារីកដទៃទៀតនៃប្រដាប់បន្តពូជដូចជា មហារីកអូវែ ឬមហារីកស្បូន។
ចំពោះជំងឺមហារីកទ្វារមាសនេះ គ្រូពេទ្យមិនទាន់រកឃើញមូលហេតុនៅឡើយ។ ជាទូទៅមហារីកកើតឡើងដោយសារការមានបម្រែបម្រួលហ្សែនដែលកោសិកាធម្មតាវិវត្តទៅជាកោសិកាមហារីកដោយលូតលាស់ និងបំបែកកូនចៅយ៉ាងឆាប់រហ័ស។ ក្រៅពីនេះកោសិកាទាំងនេះបំផ្លាញកោសិកាដែលនៅជុំវិញ ហើយរាលដាលទៅសរីរាង្គផ្សេងទៀត។ តែកត្តាហានិភ័យនៃការវិវត្តជាជំងឺមហារីកកើនឡើងដោយលក្ខខណ្ឌដូចជា អាយុច្រើន ដំបៅជាលិកាទ្វារមាស ដែលបណ្ដាលឲ្យរមាស់ និងរលាកទ្វារមាសជាប់រហូត ការឆ្លងមេរោគវីរុស ជក់បារីខ្លាំង។ល។ នេះបើតាមការឲ្យដឹងពីលោកវេជ្ជបណ្ឌិត ច័ន្ទ រស្មី ឯកទេសផ្នែកសម្ភព និងរោគស្ត្រី។
វេជ្ជបណ្ឌិតរូបនេះបន្តថា ក្រុមគ្រូពេទ្យកំណត់ដំណាក់កាលនៃជំងឺមហារីកទ្វារមាស ដោយផ្អែកលើទំហំទីតាំង និងថាយើងវាបានរាលដាលដល់កូនកណ្ដុរ នៅក្បែរនោះដែលត្រូវបានកំណត់ក្នុងពេលវះកាត់យកដុំសាច់ចេញ។ ដំណាក់កាលចាប់ពីទី១ (ដំបូងបំផុត) ដល់ដំណាក់កាលទី៤ (ដំណាក់កាលចុងក្រោយ)។
ដំណាក់កាលទី១៖ មហារីកត្រូវបានកំណត់ចំពោះបបូរទ្វារមាស ឬរន្ធគូថ (តំបន់ចន្លោះទ្វារមាស និងរន្ធគូថ)
ដំណាក់កាលទី២៖ មហារីកបានរាលដាលដល់ជាលិកាដែលនៅជាប់គ្នា (ផ្នែកខាងក្រោមនៃបង្ហួរនោម ឬទ្វារមាស ឬរន្ធគូថ) ប៉ុន្តែ មិនមែនដល់កូនកណ្ដុរទេ
ដំណាក់កាលទី៣៖ មហារីកបានរាលដាលដល់កូនកណ្ដុរប៉ុន្ដែមិនចាំបាច់ដល់ជាលិកាដែលនៅជាប់នោះទេ
ដំណាក់កាលទី៤៖ មហារីកបានរីករាលបន្ថែមទៀតឧទាហរណ៍ទៅប្លោកនោមផ្នែកខាងលើនៃទ្វារមាស ឬបង្ហួរនោម រន្ធគូថ កូនកណ្ដុរនៅឆ្ងាយ ឬនៅខាងក្រៅអាងត្រគាក។
សម្រាប់ការព្យាបាលជំងឺមហារីកទ្វារមាសអាចធ្វើឡើងដោយមានការវះកាត់ ការប្រើថ្នាំគីមី ឬការព្យាបាលដោយកាំរស្មី។ ហើយភាគរយព្យាបាលជំងឺមហារីកនេះនៅដំណាក់កាលដំបូងអាចជាះសះស្បើយខ្ពស់ (៩០%) តែបើទុកដល់ដំណាក់កាលចុងក្រោយហើយនោះភាគរយជោគជ័យក្នុងការព្យាបាលមានតែ ១៥%ប៉ុណ្ណោះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕