ជំងឺមហារីក ទឹកនោមផ្អែម ជំងឺសួត ជំងឺបេះដូង និងដាច់សរសៃឈាមខួរក្បាល ទាំងនេះសុទ្ធតែជាប្រភេទជំងឺមិនឆ្លង តែជាជំងឺរាំរ៉ៃ។ ជំងឺទាំងនេះបានសម្លាប់មនុស្ស ៤១ លាននាក់ជារៀងរាល់ឆ្នាំ ដែលស្មើនឹង ៧១% នៃចំនួនអ្នកស្លាប់ទូទាំងពិភពលោក នេះបើយោងតាមរបាយការណ៍របស់អង្គការសុខភាពពិភពលោក (WHO)។
ទម្លាប់អាក្រក់ ៦ យ៉ាងនេះ សម្លាប់យើងដោយមិនដឹងខ្លួន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មូលហេតុដែលនាំកើតមានជំងឺរ៉ាំរ៉ៃទាំងប៉ុន្មានខាងលើនេះ អង្គការសុខភាពពិភពលោកអះអាងថា បណ្តាលមកកត្តាប្រឈមដែលអាចផ្លាស់ប្តូរបានទាក់ទងនឹងសកម្មភាពប្រចាំថ្ងៃរបស់យើង និងកត្តាប្រឈមមេតាប៉ូលីស។
១. ជក់បារី
បារីមានជាតិនីកូទីន អ្នកជក់បារី ចុកថ្នាំ ឬអ្នកស្រូបផ្សែងដោយប្រយោល សុទ្ធទទួលរងផលប៉ះពាល់ដូចគ្នា រួមមាន ជំងឺមហារីកសួត បេះដូង បំពង់ក មាត់ធ្មេញ។
២. ផឹកគ្រឿងស្រវឹង
បើនិយាយពីជំងឺវិញ អង្គការ WHO បញ្ជាក់ទៀតថា ការផឹកគ្រឿងស្រវឹង បង្កជំងឺក្រិនថ្លើម ៤៨% មហារីកមាត់ ២៦% ជំងឺមហារីកលំពែង ២៦% ជំងឺរបេង ២០% ជំងឺពោះវៀនធំ ១១% ជំងឺមហារីកសុដន់ ៥% និងជំងឺបេះដូង ៧%។
៣. ខ្យល់ពុល
ខ្យល់ពុលក៏ជាមូលហេតុនៃការកើតជំងឺផ្លូវដង្ហើម ឈានទៅកើតជំងឺមហារីកដែរ យកល្អយើងគួរមានបរិស្ថានរស់នៅស្អាត គ្មានខ្យល់ពុល ធូលី ឬផ្សែងពុល។
៤. ញ៉ាំប្រៃពេក ឬផ្អែមពេក
និយមចូលចិត្តញ៉ាំអាហារប្រៃក្នុងរបបអាហារប្រចាំថ្ងៃ ពិសេសពពួកសាច់ប្រឡាក់ ត្រីប្រឡាក់ អាហារផ្អាប់ និងពពួកជ្រក់ ងាយនឹងកើតជំងឺលើសឈាមផង ជំងឺមហារីកក្រពះ-ពោះវៀនផង ដោយសារតែវាបណ្តាលឲ្យមានការរលាក ដំបៅក្រពះដែលវិវត្តទៅជាមហារីកក្រពះ។ ចំែណកឯការញ៉ាំជាតិស្ករ ឬផ្អែមលើសកម្រិតវិញ ធ្វើឲ្យឡើងទម្ងន់ ងាយប្រឈមនឹងជំងឺលើសសម្ពាធឈាម វិវត្តទៅជាជំងឺទឹកនោមផ្អែម។
៥. ញ៉ាំខ្លាញ់សត្វ ឬអាហារសម្បូរជាតិខ្លាញ់
ខ្លាញ់ដែលបានមកពីសត្វគ្រប់ប្រភេទ ជាប្រភេទខ្លាញ់មិនល្អនោះ យើងគួរតែផ្លាស់ប្តូរមកញ៉ាំដែលចម្រាញ់ពីរុក្ខជាតិ ឬគ្រាប់ធញ្ញជាតិវិញ។ ញ៉ាំអាហារបំពង និងខ្លាញ់មិនល្អ (ខ្លាញ់សត្វ) លើសកម្រិតជាដើមហេតុនាំឲ្យមានជំងឺសរសៃឈាម បេះដូង ដាច់សរសៃឈាមខួរក្បាល ស្ទះសរសៃឈាម ធាត់ -ល-។
អត្ថបទពាក់ព័ន្ធ៖ ក្រៅពីទម្លាប់រស់នៅមិនល្អ ជំងឺទាំងនេះ សុទ្ធតែជាប់ទាក់ទងនឹងបញ្ហាលើសជាតិខ្លាញ់
៦. មិនហាត់ប្រាណ
ទម្លាប់មិនធ្វើសកម្មភាពរាងកាយដោយការហាត់ប្រាណ ឬលេងកីឡាផ្សេង ជាមូលហេតុធ្វើឲ្យរាងកាយស្ពឹកស្រពន់ ងាយប្រឈមនឹងជំងឺផ្សេងៗ។ យកល្អយើងគួរចំណាយពេលហាត់ប្រាណឲ្យបាន ៣០នាទី/ថ្ងៃ។
អត្ថបទពាក់ព័ន្ធ៖ ហាត់ប្រាណមុនញ៉ាំអាហារពេលព្រឹក ជួយរាងកាយប្រឆាំងជំងឺទឹកនោមផ្អែមបាន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម