ខាន់លឿងលើស្បែក និងភ្នែក អាចកើតមហារីកលំពែង

    ខាន់លឿងលើស្បែក និងភ្នែក អាចកើតមហារីកលំពែង

    ទាំង​បុរស​ទាំង​ស្រ្តី បើ​មានចេញ​ខាន់​លឿង​លើ​ស្បែក និង​ភ្នែក អាច​ជា​សញ្ញា​នៃ​ជំងឺ​មហារីក​លំពែង នេះ​បើ​តាម​ការ​បញ្ជាក់​របស់​ហ្វេសប៊ុក​ផេក​របស់​មន្ទីរពេទ្យ​កាល់ម៉ែត។ ក្រៅ​ពី​សញ្ញា​មួយ​នេះ មាន​សញ្ញា​អី​ផ្សេង​ទៀត​ដែល​បញ្ជាក់​ថា យើង​កើត​ជំងឺ​មហារីក​លំពែង ហើយ​ជំងឺ​នេះ​បណ្តាល​មក​ពី​អ្វី?

    ១. អ្វី​ទៅ​ជា​ជំងឺ​មហារីក​លំពែង

    មហារីក​លំពែង​ជា​ជំងឺ​កម្រ តែ​កាច​សាហាវ ហើយ​ភាគ​ច្រើន​កើត​លើ​មនុស្ស​ប្រុស​អាយុ​ចាប់​ពី ៤០ឆ្នាំ​ឡើង​ទៅ។ ៨០% នៃ​ជំងឺ​នេះ ភាគ​ច្រើន​កើត​នៅ​ក្បាល​លំពែង ឯខ្លួន និង​កន្ទុយ​លំពែង​មិន​សូវ​កើត​មាន​នោះ​ទេ។

    ២. កត្តា​នាំ​ឲ្យ​កើត​ជំងឺ​មហារីក​លំពែង

    គេ​នៅ​មិន​ទាន់​រក​ឃើញ​មូលហេតុ​ពិត​ប្រាកដ​នៃ​ជំងឺ​មហារីក​លំពែង​នេះ​នៅ​ឡើយ​ទេ ប៉ុន្តែ​មាន​កត្តា​រួម​ផ្សំ​មួយ​ចំនួន​ដែល​អាច​បង្ក​ឲ្យ​មាន​ជំងឺ​មហារីក​នេះ៖

    – មាន​ជំងឺ​ទឹកនោម​ផ្អែម

    – រលាក​លំពែង​រ៉ាំរ៉ៃ

    ផឹក​ស្រា និង​ជក់​បារី

    – ញ៉ាំ​អាហារ​សម្បូរ​ជាតិ​ខ្លាញ់

    – កត្តា​តំណ​ពូជ។

    ៣. រោគ​សញ្ញាជំងឺមហារីកលំពែង

    កើត​មហា​រីក​លំពែង មិន​មាន​រោគ​សញ្ញា​ជាក់​លាក់​ទេ ព្រោះ​វា​កើត​ឡើង​ដោយ​ស្ងៀមស្ងាត់ តែ​អ្នក​ជំងឺ​អាច​ឈឺ​នៅ​ចុងដង្ហើម ធ្វើ​ឲ្យ​មិន​សូវ​ឃ្លាន​អាហារ និង​មាន​រោគ​សញ្ញា​មួយ​ចំនួន​ខាង​ក្រោម។

    – រាក​មួល

    – មានជំងឺ​ទឹក​នោម​ផ្អែម

    – ឡើង​លឿង​លើ​ស្បែក និង​ភ្នែក

    – ស្រក​ទម្ងន់។

    ៤. ការ​ព្យាបាល​ជំងឺ​មហារីក​លំពែង

    តាម​ការ​បកស្រាយ​របស់​មន្ទីរ​ពេទ្យ​កាល់​ម៉ែត ការ​ព្យាបាល​ជំងឺ​មហារីក​លំពែង​អាស្រ័យ​ទៅ​លើ​ទីតាំង​របស់​ដុំ​មហារីក ដោយ​ពឹង​ផ្អែក​ទៅ​លើ​វិធី​វះកាត់។ គ្រូពេទ្យ​វះកាត់ នឹង​កាត់​យក​បំណែក​ណា​មួយ​នៃ​លំពែង​ដែល​មាន​ដុំ​មហារីក។ ក្រោយ​វះ​កាត់​រួច អ្នក​ជំងឺ​អាច​ត្រូវ​ព្យាបាល​បន្ថែម​ដោយ​ថ្នាំ​គីមី ឬ​បាញ់​កាំរស្មី។

    អត្ថបទពាក់ព័ន្ធ៖

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ ដេត ធន្នី · កែ 12/02/2020

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម