តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ស្រីៗ បើ​កាត់បន្ថយញ៉ាំ​ខ្លាញ់​បាន ដូច​កាត់​បន្ថយមហារីកសុដន់

ស្រីៗ បើ​កាត់បន្ថយញ៉ាំ​ខ្លាញ់​បាន ដូច​កាត់​បន្ថយមហារីកសុដន់

ជំងឺ​ខ្លះ​កើត​ដោយ​សារ​ការ​ញ៉ាំ មិន​តម មិន​រើស។ បើ​តម​ខ្លាញ់​បាន ក្រៅ​ពី​ឡើង​គីឡូ នៅ​អាច​កាត់​បន្ថយ អត្រា​កើត​មហារីក​ យ៉ាង​មាន​ប្រសិទ្ធភាព។ អ្វី​​គួរ​ធ្វើ គួរ​បន្ថែម​ការ​យក​ចិត្ត​ទុក​ដាក់ ហើយ​ចេះ​ខ្លាច ជំងឺ​សាហាវៗ ដែល​អាច​កើត និង​ពិបាកព្យាបាល ឬ​អស់​លុយ​ច្រើន។ ខ្លាញ់​ជា​កត្តា​ប្រឈម​មួយ​នៃ​មហារីក​សុដន់ ដូចនេះ​គ្រប់គ្រង​របបអាហារ​ដែល​​​ញ៉ាំ​ប្រចាំ​ថ្ងៃ​អាច​ជួយ​​​បាន ជា​ពិសេស​ស្រីៗ។

ខ្លាញ់​អាច​ឲ្យ​កើត​មហារីក​សុដន់​បាន​

ស្រ្តី​ដែល​ចូលចិត្ត​ញ៉ាំ​ខ្លាញ់​ភាគ​ច្រើន​កើត​មហារីក​សុដន់។​ ខ្លាញ់​នៅ​ក្នុង​អាហារ​ជាទូទៅ​មាន​ ៣ ​ប្រភេទ៖​

– Monounsaturated fats៖ មាន​ក្នុង​គ្រាប់​ធញ្ញជាតិ​ ឬ​ប្រេង​អូលីវ
Saturated fats (ខ្លាញ់ឆ្អែត)ខ្លាញ់​ប្រភេទ​នេះ​ច្រើន​មាន​នៅ​ក្នុង​សាច់​ ទឹក​ដោះគោ​ ប្រេង​ដូង​ ឬ​ប្រេង​ត្នោត​ និង​អាហារកំប៉ុង
– Polyunsaturated fats៖ មាន​ក្នុង​គ្រឿង​សមុទ្រ​ និង​ប្រេង​ពោត លើស​ពី​នេះ​ទៀត​ខ្លាញ់​ ក៏​អាច​បង្ក​បញ្ហា​សុខភាព​មួយ​ចំនួន​ ដូចជា​ បញ្ហា​បេះដូង ឬ​ឡើង​គីឡូ​លើស​ជាដើម។​

កម្ចាត់ខ្លាញ់អាក្រក់ដោយវិធីណា?

ញ៉ាំ​ទឹក​ឲ្យ​បាន​ច្រើន៖ គួរ​ផឹក​ទឹក​ឲ្យ​បាន​ ៨ កែវ​ក្នុង​មួយថ្ងៃ។​ អាច​ជួយ​ផ្តល់​សំណើម​ក្នុង​រាងកាយ​ យកល្អ ​​ផឹក​ទឹក​ក្តៅ​ឧណ្ហៗ ហើយ​កុំ​ផឹក​ទឹក​ត្រជាក់​ ពេល​មេឃ​ត្រជាក់។ ​

ប្រើផលិតផល​ទឹកដោះគោមាន​ជាតិ​ខ្លាញ់​ទាប៖ ជាតិ​កាល់ស្យូម​​ក្នុង​ផលិតផល​ទឹកដោះគោ​ អាច​ជួយ​រំលាយ​ខ្លាញ់​បាន។ គួរ​សាក​អាហារ​មួយ​ចំនួនសម្បូរជាតិ​កាល់ស្យូម ​ដូចជា​ ត្រី​សាឌីន​ (Sardines) ​បន្លែ​ស្លឹក​បែតង​ និងសណ្តែក ជាដើម។​

កុំ​ភ្លេច​ញ៉ាំ​អាហារ​ពេលព្រឹក៖ ​អត់​ញ៉ាំ​អាហារ​ពេល​ព្រឹក​ដើម្បី​ស្រក​គីឡូ​ គឺ​ខុស​ហើយ​ ព្រោះគ្នាយើង​ច្បាស់​ជាត្រូវ​​ញ៉ាំ​អាហារ​ពេល​ល្ងាច​ច្រើន​លើស​ដើម។ ​ដូចនេះ ខ្លាញ់​​បាន​មក​ពី​អាហារ​នឹង​បម្លែង​ទៅជា​ខ្លាញ់​ធ្វើ​ឲ្យ​​ធាត់។​

ញ៉ាំ​អាហារ​ឲ្យ​បាន​ច្រើន​ពេល៖ ញ៉ាំ​អាហារ​ ៥៦ ដង​ អាច​ជួយ​រាងកាយ​​ដុត​កាឡូរី​ និង​ជាតិ​ខ្លាញ់​បាន​ល្អ​ ជាង​ញ៉ាំ​ ៣​ ពេល​ក្នុង​មួយថ្ងៃ។​ យក​អាហារ​សម្រន់ ​ដូចជា ​ផ្លែឈើ​ ឬ​យ៉ាអួរ (ទឹកដោះគោជូរ) តាម​ខ្លួន។​

ផឹក​តែ​បៃតង​ ឬ​តែ​ខ្មៅ៖ តែ​បៃតង ​និង​តែ​ខ្មៅ​ មាន​ជាតិ​កាហ្វេ​អ៊ីន​ អាច​ជួយ​រាងកាយដុត​កាឡូរី។​ ជាតិ​កាហ្វេ​អ៊ីន​នេះ ​ផ្តល់​ថាមពល​ដល់​យើង នាំឲ្យយើង​ធ្វើ​សកម្មភាពបញ្ចេញ​កម្លាំង​ច្រើន​ជាង​ធម្មតា។​

ហាត់​ប្រាណ៖ អាច​ជួយ​រំលាយ​ខ្លាញ់​បាន។ គួរ​ហាត់​ងាយៗ ​​ដូចជា ​ហែល​ទឹក​ ជិះ​កង់​ ដើរ​ ជាដើម។​ កុំ​ភ្លេច​ផឹក​ទឹក​ឲ្យបាន​គ្រប់គ្រាន់​ពេល​ហាត់ប្រាណ។​

​ការ​ញ៉ាំអាហារ​ល្អ​ចំពោះ​សុខភាព ​និង​ធ្វើ​លំហាត់​ប្រាណ​បាន​ទៀងទាត់ ​អាច​ជួយ​បង្ការជំងឺ​មហារីក​បាន។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

High-Fat Diet May Boost Breast Cancer Risk. http://www.webmd.com/breast-cancer/news/20140409/high-fat-diet-may-boost-breast-cancer-risk#1. Accessed February 11, 2017.

Diet High in Saturated Fat Linked to Higher Risk of HER2-Negative, Hormone-Receptor-Positive Breast Cancer. http://www.breastcancer.org/research-news/high-fat-diet-linked-to-breast-cancer. Accessed February 11, 2017.

8 Ways to Burn Calories and Fight Fat. http://www.webmd.com/diet/obesity/features/8-ways-to-burn-calories-and-fight-fat#1. Accessed February 11, 2017.

Top 10 Calcium-Rich Foods. http://www.webmd.com/food-recipes/features/10-calcium-rich-foods. Accessed February 11, 2017.

Binukumar B, Mathew A. Dietary fat and risk of breast cancer. World Journal of Surgical Oncology. 2005;3:45. doi:10.1186/1477-7819-3-45.

Khodarahmi M, Azadbakht L. The Association Between Different Kinds of Fat Intake and Breast Cancer Risk in Women. International Journal of Preventive Medicine. 2014;5(1):6-15.

រូបថត​របស់​អ្នក​និពន្ធbadge
ដោយ Duk Panharat កែសម្រួល​ចុងក្រោយ 23/04/2021
ត្រួតពិនិត្យដោយ វេជ្ជ. ចាន់ ស៊ីណេត