ស៊ុតជាអាហារមួយប្រភេទ ច្រើនតែបង្កឲ្យមានបញ្ហាអាលែកហ្ស៊ីអាហារលើក្មេងៗ។ ស៊ុតអាចធ្វើឲ្យមានប្រតិកម្មអាលែកហ្ស៊ី ពីប៉ុន្មាននាទី ទៅដល់ប៉ុន្មានម៉ោងក្រោយញ៉ាំស៊ុត ឬអាហារធ្វើពីស៊ុត។ តើគ្រោះថ្នាក់ដែរទេ? គួរធ្វើម៉េច បើអាលែកហ្ស៊ីនឹងស៊ុត?
ចេញសញ្ញាទាំងនេះ ក្មេងអាលែកហ្ស៊ីនឹងស៊ុតហើយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. បញ្ហាអាលែកហ្ស៊ីនឹងស៊ុត
អាលែកហ្ស៊ីនឹងស៊ុត អាចបង្កឲ្យមានរោគសញ្ញាពីកម្រិតស្រាល ទៅដល់ធ្ងន់ធ្ងរ រួមមានរមាស់ស្បែក កន្ទាលត្រអាក តឹងច្រមុះ និងក្អួត ឬអាចមានបញ្ហារំលាយអាហារ។ ករណីកម្រខ្លះ បញ្ហាអាលែកហ្ស៊ីនឹងស៊ុតអាចវិវត្តទៅជាអាលែកហ្ស៊ីធ្ងន់ធ្ងរ គំរាមកំហែងដល់អាយុជីវិតក៏មាន។
បញ្ហាអាលែកហ្ស៊ីនឹងស៊ុតអាចកើតឡើងលើកូនក្មេងតូច។ ក្មេងៗភាគច្រើន ប៉ុន្តែមិនទាំងអស់ទេ គឺអាចមានបញ្ហាអាលែកហ្ស៊ីនឹងស៊ុតនេះមុនឈានដល់វ័យជំទង់។
២. រោគសញ្ញា
ប្រតិកម្មអាលែកហ្ស៊ីនឹងស៊ុតអាចមានភាពខុសគ្នាពីមនុស្សទៅម្នាក់ទៀត តែជាទូទៅច្រើនលេចឡើងភា្លមៗបន្ទាប់ពីញ៉ាំស៊ុត ឬញ៉ាំអាហារផ្សំពីស៊ុត។ រោគសញ្ញាអាលែកហ្ស៊ីនឹងស៊ុតមានដូចជា៖
- លេចស្នាមរលាកលើស្បែក ឬឡើងកន្ទាលត្រអាក ដែលនេះជាប្រតិកម្មជាទូទៅមួយ
- តឹងច្រមុះ ហៀរសម្បោរ កណ្ដាស់
- មានបញ្ហាប្រព័ន្ធរំលាយអាហារ ដូចចុក ចង្អោរ និងក្អួត
- ចេញរោគសញ្ញាជំងឺហឺត និងរោគសញ្ញាដូចជាក្អក ដកដង្ហើមឮដូចហួច តឹងទ្រូង ឬហត់។
ករណីប្រតិកម្មអាលែកហ្ស៊ីធ្ងន់ធ្ងរ
ករណីប្រតិកម្មអាលែកហ្ស៊ីធ្ងន់ធ្ងរ ឈានដល់ថ្នាក់គំរាមកំហែងដល់អាយុជីវិត អ្នកទទួលប្រតិកម្មអាលែកហ្ស៊ីនឹងត្រូវគ្រូពេទ្យចាក់ថ្នាំ epinephrine បន្ទាន់ នឹងត្រូវបញ្ជូនទៅបន្ទប់សង្គ្រោះបន្ទាន់ដែរ។ រោគសញ្ញាប្រតិកម្មអាលែកហ្ស៊ីធ្ងន់ធ្ងររួមមាន៖
- ផ្លូវដង្ហើមរួមតូច ដោយសារហើមបំពង់ក ឬកូនកណ្ដុរ ដែលនាំឲ្យពិបាកដកដង្ហើម
- ឈឺចាប់ខុសធម្មតា និងឈឺរមួល
- ជីពចរលោតញាប់
- Shock រួមមកជាមួយសម្ពាធឈាមធ្លាក់ចុះ វិលមុខ ធេងធោង ឬអាចបាត់បង់ស្មារតី។
បើយើង ឬកូនយើងមានប្រតិកម្មអាលែកហ្ស៊ីនឹងស៊ុត គួរពិភាក្សាជាមួយគ្រូពេទ្យ។ ប្រតិកម្មអាលែកហ្ស៊ីនឹងស៊ុតអាចប្រែប្រួលធ្ងន់ស្រាលតាមពេលផ្សេងៗគ្នា ប្រសិនជាយើងពីមុនមានប្រតិកម្មកម្រិតស្រាល តែប្រតិកម្មលើកក្រោយអាចធ្ងន់ធ្ងរក៏មាន។
៣. ពេលណាត្រូវទៅជួបពេទ្យ?
យើង ឬកូនយើងត្រូវទៅពេទ្យបើមានចេញរោគសញ្ញាប្រតិកម្មអាលែកហ្ស៊ី ក្រោយញ៉ាំស៊ុត ឬអាហារផ្សំពីស៊ុត។ បើអាចគឺទៅជួបពេទ្យ ពេលកំពុងចេញរោគសញ្ញាតែម្ដដង ដែលនេះធ្វើឲ្យគ្រូពេទ្យងាយស្រួលធ្វើរោគវិនិច្ឆ័យ។ បើសិនជាកូនយើងមានប្រតិកម្មអាលែកហ្ស៊ីកម្រិតធ្ងន់ធ្ងរទៀត ត្រូវប្រញាប់ទៅជួបពេទ្យភ្លាមៗតែម្ដង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម