home

បញ្ហាគេងមិនលក់

គេង​មិន​លក់ - មិន​រើស​អាយុ​ទេ​រឿង​គេង​មិន​លក់ គេង​មិន​ស្កប់ ព្រោះ​ដូច​បញ្ជាក់​ថា​វា​អាច​មក​ពី​កត្តា​ច្រើន​យ៉ាង ។ សូម​ស្វែងយល់​ពី​មូលហេតុ ពី​បញ្ហា និង​ដំណោះស្រាយ​ក្នុង​មាតិកា​នេះ

ចំណេះដឹងទូទៅ

បញ្ហាគេងមិនលក់

គេង​មិន​លក់ ជា​ស្ថានភាព​​ពិបាក​គេង បើ​ទោះ​ជា​​យើង​មាន​ពេល​សម្រាប់​គេង​គ្រប់​គ្រាន់​ក៏​ដោយ។ ការ​គេង​មិន​លក់ អាច​ជា​ការ​គេង​ក្រ​លក់ គេង​ភ្ញាក់​ច្រើន​ដង ឬ​ការ​ឆាប់​ភ្ញាក់ ហើយ​គេង​ទៅ​វិញ​មិន​លក់​ជាដើម ហើយ​ការ​គេង​មិន​លក់​បែបនេះ​ផ្ដល់​ផល​ប៉ះពាល់​ច្រើន​ដល់​សុខភាព និង​ខួរក្បាល​យើង​ដែរ។ មន្ទីរពេទ្យ កាល់ម៉ែត បាន​ឲ្យ​ដឹង​ថា ផល​ប៉ះពាល់​មួយ​ចំនួន​ដែល​យើង​ទទួល​បាន បើ​គេង​មិន​បាន​គ្រប់​គ្រាន់​មាន​ដូច​ជា ងងុយ​គេង​នៅ​ពេល​ថ្ងៃ អស់​កម្លាំង ការ​ចងចាំ​ថយ​ចុះ អន្ទះអន្ទែង ងាយ​មាន​គ្រោះ​ថ្នាក់ និង​ខួរក្បាល​ដំណើរ​ការ​មិន​សូវ​ល្អ​ជាដើម។ មូល​ហេតុ​បណ្ដាល​ឲ្យ​គេង​មិន​លក់​ញឹកញាប់ ការ​គេង​មិន​លក់​អាច​បណ្ដាល​មក​ពី​មូលហេតុ​ច្រើន​យ៉ាង​រួម​មាន៖ មូល​ហេតុ​ផ្លូវ​កាយ៖ ក្រពះ​មិន​រំលាយ​អាហារ ការ​ឈឺ​ចាប់​លើ​រាងកាយ ជំងឺ​បេះដូង ជំងឺ​ហឺត រលាក​ឆ្អឹង​ប្រហោង​មុខ​ជាដើម។ មូល​ហេតុ​ផ្លូវ​ចិត្ត៖ មាន​អារម្មណ៍​តានតឹង ព្រួយ​បារម្ភ​ច្រើន មាន​អារម្មណ៍​ជ្រួល​ច្របល់ ខឹង​សម្បារ មាន​អារម្មណ៍​សោកសៅ។ មូល​ហេតុ​ជុំ​វិញ​របៀប​រស់​នៅ៖ ផឹក​កាហ្វេ ឬ​តែ​ច្រើន​ពេក ផឹក​ស្រា​នៅ​ពេល​យប់រំខានដល់ដំណេក ញ៉ាំ​អាហារ​ច្រើន​ពេក​មុន​ចូល​គេង ជក់​បារី​ច្រើន ធ្វើ​ការ​ខ្លាំង​មុន​ចូល​គេង មិន​សូវ​បាន​ហាត់​ប្រាណ គេង​ថ្ងៃ​ច្រើន គេង​មិន​ទៀង​ពេល។ មូល​ហេតុ​ទាក់ទង​នឹង​បរិស្ថាន៖ កន្លែង​គេង​មាន​សំឡេង​រំខាន បរិយាកាស​អាប់​អួរ កន្លែង​គេង​មាន​ពន្លឺ​ខ្លាំង​ពេក។ គេង​មិន​លក់​ញឹក​ញាប់​គួរ​ដោះ​ស្រាយ​បែប​ណា? តាម​ពិត​ទៅ បញ្ហា​គេង​មិន​លក់​ស្ទើរ​តែ​កើត​ឡើង​លើ​គ្នា​យើង​គ្រប់​រូប​ទៅ​ហើយ បើ​វា​កើត​ឡើង​ម្ដង​ម្កាល វា​មិន​មែន​ជា​បញ្ហា​អ្វី​ដែល​គួរ​ឲ្យ​បារម្ភ​ពេក​ទេ។ ផ្ទុយ​ទៅ​វិញ ការ​គេង​មិន​លក់​ញឹកញាប់ និង​ក្នុង​រយៈ​ពេល​យូរ​ទាមទារ​ឲ្យ​មាន​ការ​ពិគ្រោះ​ជា​មួយ​គ្រូពេទ្យ​ឲ្យ​បាន​ដិត​ដល់ ដើម្បី​ស្វែង​រក​ដំណោះ​ស្រាយ​ត្រឹម​ត្រូវ។ ម៉្យាង​វិញ​ទៀត ការ​ប្រើ​ថ្នាំ​ងងុយ​គេង​ដោយ​ចិត្ត​ឯង ក៏​មិន​មែន​ជា​ជម្រើស​ល្អ​ដែរ។

ស្វែងរក​បន្ថែម​ទៀត បញ្ហាគេងមិនលក់ អត្ថបទ

បញ្ហាគេងមិនលក់

បញ្ហា​គេង​មិន​លក់ ជា​ធម្មតា វា​បណ្តាល​ឲ្យ​យើង​មាន​អារម្មណ៍​មិនល្អ ធីងធោង រសាប់រសល់​ពេញ​ខ្លួន ហើយ​បញ្ហា​នេះ មនុស្ស​សម័យ​ឥឡូវ​ឧស្សាហ៍កើត មិន​ថា ចាស់ ឬ​ក្មេង​ទេ។ លោក​វេជ្ជបណ្ឌិត ចាន់ ស៊ី​ណេត ឯក​ទេស​ជំងឺទូទៅ បាន​ឲ្យ​ដឹង​ថា ការ​គេង​មិន​លក់​រ៉ាំរ៉ៃ​អាច​បណ្តាល​ឲ្យ​មាន​​ផល​ប៉ះពាល់​ដល់​ខួរ​ក្បាល​របស់​យើង​។ លោក​វេជ្ជបណ្ឌិត បាន​បន្ត​ឲ្យ​ដឹង​ថា មិន​តែ​ប៉ុណ្ណោះ អ្នក​ដែល​​មាន​ជំងឺ​គេង​មិន​លក់​រ៉ាំរ៉ៃ អាច​ប្រឈម​នឹង​ការ​កើត​ជំងឺ​ជាច្រើន​រួម​មាន៖ - ជំងឺមហារីក ​​- ជំងឺបេះដូង - ជំងឺទឹកនោមផ្អែម - ជំងឺក្រពេញទីរ៉ូអ៊ីត - ច្រាលអាស៊ីដក្រពះ - ជំងឺទាក់ទង​​នឹង​ខួរក្បាល ដូចជា ស្រេ្តស និង បាក់​ទឹកចិត្ត។ ដូចនេះ ដើម្បី​ថែរក្សាសុខភាព និងសុខភាពខួរក្បាលឲ្យនៅដំណើរការបានល្អ យើងត្រូវរៀបពេលវេលាគេងឲ្យបានត្រឹមត្រូវ និងគេងឲ្យបានគ្រប់គ្រាន់។ ប្រសិនបើសង្កេតឃើញថា ខ្លួនមានជំងឺគេងមិនលក់រ៉ាំរ៉ៃ ត្រូវទៅ​ពិគ្រោះជាមួយគ្រូពេទ្យជំនាញ ដើម្បីទទួលបានការព្យាបាល​ទាន់ពេល មុនពេលវាបណ្តាលឲ្យកើតជំងឺខាងលើប៉ុន្មាននេះ។ អត្ថបទពាក់ព័ន្ធ​៖ គេង​មិនគ្រប់គ្រាន់ធ្វើឲ្យ​មាន​បញ្ហាទាំងនេះ​ដល់​ខួរក្បាល​ លេប​ថ្នាំ​ងងុយគេង​​ជួយ​បញ្ហា​ដំណេក​បាន តែ​មាន​ផល​រំខាន​ច្រើន ទម្លាប់​ញ៉ាំឆ្អែត​ភ្លាម ទម្រេតខ្លួន​គេង​ភ្លាម គ្រោះ​ថ្នាក់បំផុត កើត​មហារីក ពិបាក​គេង ​​សាក​វិធី​ទាំង​នេះ​មើល៍! ទើប​សម្រាល​ថ្មីៗ ម៉ាក់ៗ​គេង​អត់​សូវ​ស្កប់ អាច​សាក​វិធី​នេះ​បាន ចូល​គេង​មិន​ទៀង​ទាត់ ប្រយ័ត្នកើត​ជំងឺ​បេះដូង មុនពេលចូលគេង គួរចៀសវាងអាហារប៉ុន្មានប្រភេទនេះ […]

បញ្ហាគេងមិនលក់

កត្តាមួយចំនួន​​ដូចជា​ភាពតានតឹង​ពី​ការងារ ទំនួល​ខុសត្រូវ​ក្នុង​គ្រួសារ និង​មានជំងឺ​ជាដើម អាច​រំខាន​ដល់ដំណេក​របស់​យើង​បាន​។ ពេល​ខ្លះ​យើង​អាច​នឹង​មិន​អាច​គ្រប់គ្រង​កត្តា​ទាំងនេះ ប៉ុន្តែ​យើង​អាច​បង្កើត​ទម្លាប់​​​ដែល​ជួយ​ឲ្យ​គេង​លក់ស្រួល​តាម​វិធី​ងាយៗ​មួយ​ចំនួន។ ១. កាលវិភាគ​ក្នុង​ការ​គេង យើង​​គួរ​កំណត់​ការ​គេង​មិន​ឲ្យ​លើស​ពី​៨ម៉ោង។ សម្រាប់​មនុស្ស​ពេញ​វ័យ​គួរ​គេង​យ៉ាងតិច​៧ម៉ោង។ យក​ល្អ​​យើង​គួរ​ចូលគេង និង​ក្រោក​ពី​គេង​នៅ​ម៉ោង​ដដែល​ជា​រៀងរាល់ថ្ងៃ និង​ចៀស​វាង​កុំ​ឲ្យ​ម៉ោង​ចូល​គេង​នៅ​ថ្ងៃ​ធ្វើ​ការ​ និង​ថ្ងៃ​ចុងសប្តាហ៍​ខុស​គ្នា​ច្រើន​ជាង​មួយ​ម៉ោង​។ ប្រសិនជា​យើង​មិន​អាច​គេង​លក់​ក្នុង​រយៈពេល​២០នាទី​ទេ យើង​អាច​សាក​ចេញ​ពី​បន្ទប់គេង និង​បន្ធូរ​អារម្មណ៍​ដោយ​អាន​សៀវភៅ ឬ​ស្តាប់​ចម្រៀង។ ​រួចយើង​អាច​ត្រលប់​ទៅ​គេង​វិញ​នៅ​ពេល​បន្តិចក្រោយពីនោះ​។ ២. របបអាហារ យើង​មិន​គួរ​ចូល​គេង​ទាំង​ឃ្លាន ឬ​ឆ្អែត​ពេក​ទេ។ មុន​ចូល​គេង​២ម៉ោង យើង​គួរ​ចៀសវាង​​ញ៉ាំ​អាហារ​ច្រើន ឬ​​អាហារ​ដែល​ពិបាក​រំលាយ ព្រោះ​ថា​អាច​នឹង​មាន​អារម្មណ៍​មិន​ស្រួល​ក្នុង​ខ្លួន​ដែល​រំខាន​ដល់​ការ​គេង។ ជាតិ​នីកូទីន កាហ្វេអ៊ីន និង​គ្រឿងស្រវឹង​ក៏​គួរ​តែ​ប្រយ័ត្ន​ដែរ។ ​នីកូទីន និង​កាហ្វេអ៊ីន​ត្រូវ​ការ​រយៈពេល​ច្រើន​ម៉ោង​ក្នុង​ការអស់​ឥទ្ធិពលពីរាងកាយ និង​អាច​រំខាន​ដល់​ដំណេកបាន។ គ្រឿងស្រវឹង​អាច​ធ្វើ​ឲ្យ​ងងុយ​គេង​ តែ​ក៏​អាច​រំខាន​ដំណេក​នៅ​ពេល​យប់​។ អត្ថបទ​ពាក់ព័ន្ធ៖ ទាំងនេះជាមូលហេតុខ្លះៗ មិនគួរទ្រាំគេងទាំងឃ្លាន​នៅពេលយប់ យប់ឡើងឃ្លាន តែខ្លាចធាត់ សាកអាហារសម្រន់នេះជួយដោះស្រាយបាន ទម្លាប់​ញ៉ាំឆ្អែត​ភ្លាម ទម្រេតខ្លួន​គេង​ភ្លាម គ្រោះ​ថ្នាក់បំផុត ៣. បរិយាកាស បន្ទប់គេងយើង​​គួរ​រៀប​ចំ​ឲ្យ​ត្រជាក់ ងងឹត និង​ស្ងប់ស្ងាត់។ នៅ​ពេល​បន្ទប់គេង​មាន​ពន្លឺ​ខ្លាំង​ពេក​អាច​ធ្វើ​ឲ្យ​ពិបាក​ក្នុង​ការ​គេង។ បន្ថែម​ពី​នេះ​ទៀត យើង​គួរ​ចៀស​វាស​ប្រើប្រាស់​គ្រឿងអេឡិចត្រូនិច​ដូចជា​ទូរស័ព្ទ​មុន​ចូល​គេង។ សកម្មភាព​បន្ធូរ​អារម្មណ៍​មួយ​ចំនួន​ដែលយើង​អាច​ធ្វើ​មុន​ចូលគេងមាន​​​ដូចជា ការ​ងូតទឹក សមាធិ ឬ​ស្តាប់​ចម្រៀង​ កឺ​ជា​រឿង​ល្អ។ ៤. ការគេងថ្ងៃ ការគេងថ្ងៃ​យូរ​អាច​រំខាន​ដំណេក​ពេលយប់​បាន។ ប្រសិនជាយើង​​គេង​ថ្ងៃ […]

បញ្ហាគេងមិនលក់

បច្ចុប្បន្នបញ្ហា​គេង​មិន​លក់​បាន​កើត​ឡើង​ចំពោះ​មនុស្ស​ជាច្រើន ដែល​វា​ជះឥទ្ធិពល​អវិជ្ជមាន​ដល់​សុខភាព​យើង​ថែម​ទៀត​ផង។ វេជ្ជបណ្ឌិត​ជំងឺ​ទូទៅ​ លី ឬទ្ធី​គុណ បាន​ឲ្យ​ដឹង​ថា ប្រសិនបើ​យើង​គេង​មិន​លក់​រ៉ាំរ៉ៃ អាច​ធ្វើឲ្យ​មាន​ជំងឺ​ទាំងនេះ។ ១- ​អាស៊ីដ​ក្រពះច្រាល​ឡើង ពេល​គេង​មិន​លក់ ធ្វើឲ្យ​អាស៊ីដ​ក្នុង​ក្រពះ​ច្រាល​ឡើង​លើ និង​ឈឺចាប់ ឬ​ក្រហាយ​ទ្រូង ដែល​ចន្លោះ​ ម៉ោង​គេង​មិន​លក់​ចាប់ពី ១០ យប់ ដល់ ម៉ោង ២ ព្រឹក។ ដូចនេះ​ហើយ​មុន​ពេល​គេង កុំ​ញ៉ាំ ផឹក និង​មើល​គ្រឿង​អេឡិចត្រូនិក​មុន​ម៉ោង ៨ យប់ ប្រសិនបើ​យើង​ញ៉ាំ​អាហារ​កៀក​ពេល​ចូល​គេង​ពេក នឹង​ជួប​ប្រទះ​បញ្ហា​នេះ ដោយសារ​ប្រព័ន្ធ​រំលាយ​អាហារ​កិន​មិន​បាន​ល្អ។ ២- ស្រ្តេស នៅ​ពេល​យើង​មាន​បញ្ហា​ស្រ្តេស នាំឲ្យ​មាន​ការ​គិត​ច្រើន​រហូត​គេង​មិន​លក់ ហើយ​ការ​ថប់​បារម្ភ និង​បាក់​ទឹកចិត្ត ក៏​ជា​អាការៈ​ចម្បង​បំផុត​ដែរ។ ក្នុង​នោះ​ដែរ បញ្ហា​ការងារ ការ​សិក្សា ស្នេហា រឿង​រកស៊ី ពិតជា​ជះ​ឥទ្ធិពល​ចំពោះ​ដល់​ការ​គេង​មិន​លក់​ដូចគ្នាដែរ។ ៣- ស្បែក​ជ្រីវជ្រួញ គេង​មិន​លក់​នាំឲ្យ​ប៉ះពាល់​ដល់​ស្បែក ធ្វើឲ្យ​ឡើង​លឿង ហើម​ក្រើម និង​មាន​ស្នាម​រង្វង់​ខ្មៅ ជុំវិញ​ភ្នែក។ មកពី​រាងកាយ​របស់​យើង​ទទួល​អារម្មណ៍​អ័រម៉ូន និង​ការ​បញ្ចេញ​ពី​ខួរក្បាល​នូវ ភាព​តានតឹង ដូចនេះ​ហើយ​ទើប​រាងកាយ​មិន​អាច​ផ្ដល់​សារធាតុ​ចិញ្ចឹម​ដល់​ស្បែក​ឲ្យ ភ្លឺ ស្រស់​ស្អាត និងស​រលោង​បាន។ អត្ថបទពាក់ព័ន្ធ៖ បើ​កំពុងលេប​ថ្នាំកុំ​ចេះតែហ៊ាន​ផឹក​ស្រា ប្រយ័ត្នគ្រោះថ្នាក់​ដល់ជីវិត​ កំហុស […]

x