ទូរសព្ទជាផ្នែកមួយដ៏សំខាន់ក្នុងជីវិតប្រចាំថ្ងៃនាពេលបច្ចុប្បន្ននេះ គឺជួយសម្រួលកិច្ចការងារជាច្រើនសម្រាប់យើង។ ប៉ុន្តែទន្ទឹមនឹងគុណសម្បត្តិ ទូរសព្ទក៏មានគុណវិបត្តិច្រើនដូចគ្នា ពិសេសបើយើងប្រើប្រាស់វាច្រើននៅពេលយប់ នឹងធ្វើឲ្យគុណភាពដំណេកយើង កាន់តែចុះខ្សោយ។ ចង់ដឹងថា ចុះខ្សោយយ៉ាងម៉េចខ្លះ អត្ថបទខាងក្រោមនេះនឹងបញ្ជាក់ប្រាប់។

១- ធ្វើឲ្យយើងមិនងាយងងុយគេង

ការសិក្សាទៅលើអ្នកចូលរួមដែលនិយមលើការអានបែបអេឡិចត្រូនិកមុនពេលចូលគេង (ដែលឧបករណ៍ទាំងនេះ មានបញ្ចេញបន្លឺពណ៌ខៀវ ដូចគ្នាទៅនឹងអេក្រង់ទូរសព្ទ ថេបផ្លេត) គឺពន្យារពេលងងុយគេងរបស់យើងប្រមាណជាង ១០នាទី បើធៀបទៅនឹងគ្នាយើងដែលអានសៀវភៅធម្មតា។ នៅពេលយើងព្យាយាមមិនមើលទូរសពទ្ទ ទូរទស្សន៍មុនចូលគេ យើងនឹងសង្កេតឃើញថា មានអារម្មណ៍ងងុយគេង និងការគេងលក់មានសភាពល្អឡើងវិញ។

អត្ថបទពាក់ព័ន្ធ៖

២- ប៉ះពាល់មុខងារ REM នៃការគេង

មុខងារ REM នៃដំណេក គឺជាដំណាក់កាលនៃការគេងរបស់យើង ដែលរាងកាយ និងខួរក្បាលត្រូវការបង្កើនថាមពលឡើងវិញ។ មុខងារនេះ គឺជួយឲ្យការចងចាំយើងបានល្អ មានទំនាក់ទំនងជាមួយនឹងភាពច្នៃប្រឌិត ងាយដោះស្រាយបញ្ហាចំពោះមុខ។ បើសិនជាមុខងារនេះដំណើរការមិនបានល្អ អាចនឹងធ្វើឲ្យយើងងីងើនៅព្រឹកបន្ទាប់ និងពិបាកផ្ចង់អារម្មណ៍។

អត្ថបទពាក់ព័ន្ធ៖

៣- ធ្វើឲ្យងាយភ្ញាក់ពីដំណេក

ដេកអានអ្វីមួយលើទូរសព្ទពេលយប់ ធ្វើឲ្យយើងធូរស្រាលអារម្មណ៍មិនអ៊ីចឹង? ទស្សនៈនេះខុសទាំងស្រុង ដោយអ្នកស្រាវជ្រាវលើកឡើងថា ធ្វើបែបនេះ យើងនឹងមានអារម្មណ៍ប្រុងប្រយ័ត្នខ្ពស់ទៅវិញ ធ្វើឲ្យយើងងាយក្រោកពីដំណេក គេងបានតិច ហើយក៏អាចនាំឲ្យពន្យារពេលចូលគេងកាន់តែយូរ។

យើងប្រហែលជាមានអារម្មណ៍ល្អខ្លាំងនៅពេលអានសៀវភៅ អានយូរទៅទន់ភ្នែក និងបិទភ្លើងគេងលក់មិនខាន ប៉ុន្តបើមើលទូរសព្ទពេលយប់វិញ វានឹងធ្វើឲ្យកាន់តែក្រគេង ឆាប់ភ្ញាក់ ឬបង្ខំខ្លូនឲ្យភ្ញាក់ដើម្បីមើលបន្ត ទាំងពេលក្រោកមានអារម្មណ៍អស់កម្លាំងខ្លាំងក៏ដោយ។

អត្ថបទពាក់ព័ន្ធ៖

៤- មានអារម្មណ៍ល្វើយខ្លាំង និងមិនសូវស្វាហាប់ពេលក្រោក

យោងទៅការសិក្សារបស់សាកលវិទ្យាល័យ Harvard អានលើអេក្រង់ទូរសព្ទ ឬថេបផ្លេតមុនចូលគេង នឹងធ្វើឲ្យយើងកាន់តែមានអារម្មណ៍ងីងើ ហើយងងុយគេងខ្លាំងពេលក្រោកនៅពេលព្រឹក។ គ្នាយើងដែលអាចអ្វីមួយលើអេក្រង់ទូរសព្ទរយៈពេលយូរ នឹងធ្វើឲ្យគេងកាន់តែយូរនៅពេលព្រឹកដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ប្រើ​ទូរសព្ទ​ច្រើននៅពេល​យប់ អាចប៉ះពាល់​ដល់​គុណ​ភាព​ដំណេក​

១- ធ្វើ​ឲ្យ​យើង​មិន​ងាយ​ងងុយ​គេង

២- ប៉ះពាល់​មុខងារ REM នៃ​ការ​គេង

៣- ធ្វើ​ឲ្យ​ងាយ​ភ្ញាក់​ពី​ដំណេក

៤- មាន​អារម្មណ៍​​ល្វើយ​ខ្លាំង និង​មិន​សូវ​ស្វាហាប់​ពេល​ក្រោក

ប្រើទូរសព្ទច្រើននៅពេលយប់ អាចប៉ះពាល់ដល់គុណភាពដំណេក

១- ធ្វើឲ្យយើងមិនងាយងងុយគេង

២- ប៉ះពាល់មុខងារ REM នៃការគេង

៣- ធ្វើឲ្យងាយភ្ញាក់ពីដំណេក

៤- មានអារម្មណ៍ល្វើយខ្លាំង និងមិនសូវស្វាហាប់ពេលក្រោក