តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ម៉ាក់ៗដោះស្រាយបញ្ហាពិបាកគេងពេលពពោះ តាមតិចនិកងាយប៉ុន្មាននេះ

    ម៉ាក់ៗដោះស្រាយបញ្ហាពិបាកគេងពេលពពោះ តាមតិចនិកងាយប៉ុន្មាននេះ

    គេង​មិន​លក់​ពេល​ពពោះ ឧស្សាហ៍​កើត​មាន​នៅ​ដំណាក់​កាល​ត្រីមាស​ដំបូង និង​ត្រី​មាស​ទី ៣ នៃ​ការ​ពពោះ ព្រោះ​ទំហំ​ពោះ​រីក​ធំ ទំហំ​កូន​ក៏​ធំ។ ទោះ​បញ្ហា​នេះ មិន​បង្ក​ផល​ប៉ះពាល់​ដល់​អា​អូន​ក្នុង​ផ្ទៃ តែ​វា​រំខាន​ដល់​អារម្មណ៍​របស់​ស្ត្រី​ពពោះ​មែន​ទែន។

    មូលហេតុ​អ្វី​ខ្លះ​នាំ​ឲ្យ​គេង​មិន​លក់​ពេល​ពពោះ?

    តាម​លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្ត្រី​នៃ​មន្ទីរពេទ្យ​មិត្តភាព​កម្ពុជា ចិន​សែន​សុខ​បាន​ឲ្យ​ដឹង​ថា អំឡុង​ពេល​ពពោះ មាន​បញ្ហា​ជា​ច្រើន​ដែល​បណ្ដាល​ស្ត្រី​ពិបាក​គេង​ដូច​ជា៖

    • ការនោមញឹកញាប់
    • ក្អួត ឬចង្អោរ
    • ឈឺខ្នង
    • បញ្ហាសុដន់
    • មិនស្រួលពោះ
    • រមួលក្រពើ
    • ដកដង្ហើមបានខ្លីៗ
    • យល់សប្តិរវើរវាយ។

    បញ្ហា​ផ្សេង​ទៀត​នាំ​ឲ្យ​គេង​មិន​លក់​ពេល​ពពោះ ក៏​អាច​មាន​ទំនាក់​ទំនង​ជាមួយ​ស្ត្រេស។ គ្នាយើង​អាច​នឹង​ព្រួយ​បារម្ភ​ខ្លាំង​ពី​ការ​សម្រាល ឬ​បារម្ភ​ពី​តួនាទី​ក្លាយ​ជា​ម៉ាក់​ៗ​គេ ដែល​ក្តី​បារម្ភ​ទាំង​នេះ​សុទ្ធ​តែ​អាច​ធ្វើ​ឲ្យ​យើង​បញ្ឈរ​ភ្នែក​អំឡុង​ពេល​យើង​ដាក់​ខ្លួន​គេង។

    តិចនិក​ជួយ​ដោះ​ស្រាយ​បញ្ហា​គេង​មិន​លក់​ពេល​ពពោះ

    ១. គួរ​គេង​លើ​ខ្នើយ​រាង​ខ្ពស់​បន្តិច ដើម្បី​សម្រួល​ដល់​ការ​ដក​ដង្ហើម
    ២. ចៀស​វាង​ភេសជ្ជៈ​មាន​ជាតិ​កាហ្វេអ៊ីន តែ ឬ​ទឹក​ផ្លែ​ឈើ​មាន​ជាតិ​ជូរ
    ៣. គេង​ផ្ងារ​បាន តែ​បើ​ងងឹត​មុខ ប្ដូរ​មក​គេង​ផ្អៀង​វិញ
    ៤. កល់​ខ្នើយ​ជើង
    ៥. ចៀស​វាង​អាហារ​ដែល​ពិបាក​រំលាយ
    ៦. ហាត់​ប្រាណ (ដើរ ឬ​ហាត់​យូហ្គា)
    ៧. ចៀសវាង​ញ៉ាំ​ទឹក​ច្រើន។

    គេង​មិន​លក់​ពេល​ពពោះ

    health-tool-icon

    ការឡើងទម្ងន់ស្ត្រីអំឡុងពពោះ

    រង្វាស់សុខភាពមួយនេះអាចប្រើប្រាស់ក្នុងករណីស្ត្រីពពោះថាតើស្ថិតក្នុងចន្លោះណាមានសុខភាពល្អទាំងខ្លួនឯងនិងកូនក្នុងផ្ទៃ ផ្អែកទៅលើទម្ងន់មុនពេលដឹងខ្លួនមានផ្ទៃពោះ។

    28

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 19/07/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: