វេជ្ជបណ្ឌិតម្នាក់ អាយុ ៩៨ឆ្នាំហើយ តែនៅព្យាបាលអ្នកជំងឺបានទៀត

ដោយ ត្រួតពិនិត្យដោយ ចាន់ ស៊ីណេត

បច្ចុប្បន្នមាន​មនុស្ស​កាន់តែ​តិចតួច អាច​រស់នៅ​រហូត​ដល់​អាយុ ជិត ១០០​ឆ្នាំ ហើយ​ពួកគាត់ ភាគច្រើនប្រឈម​នឹង​បញ្ហា​សុខភាព​រាងកាយ​ទ្រុឌទ្រោម ព្រម​ទាំង​ការ​ចងចាំ​ចុះខ្សោយ​ទៀត។ ប៉ុន្ដែ​វេជ្ជបណ្ឌិត​បារាំង​ម្នាក់ ឈាន​ដល់​អាយុ ៩៨​ឆ្នាំ​ហើយ តែ​គាត់​នៅតែ​ព្យាបាល​អ្នកជំងឺ​ដូចធម្មតា​ទៀត។

លោក​វេជ្ជបណ្ឌិត Christian Chenay កើតនៅ​ទីក្រុង Angers ភាគលិច​នៃប្រទេស​បារាំង ដោយ​ដំបូងឡើយ លោកជា​ជាងផ្សារដែក​ម្នាក់ មុន​ក្លាយជា​វេជ្ជបណ្ឌិត​ជំនាញ​ផ្នែក​វិទ្យុសកម្ម ហើយ​បន្ទាប់មក​ទៀត លោក​បាន​ប្ដូរទៅ​ផ្នែក​ជំងឺទូទៅ​វិញ។ បច្ចុប្បន្ន លោក​វេជ្ជបណ្ឌិត​បន្ដ​ធ្វើការ និង​វះកាត់ ២​ដង/សប្ដាហ៍ លើ​អ្នកជំងឺ នៅ​ជាយ​ក្រុង​ប៉ារីស។

លោក​វេជ្ជបណ្ឌិត Christian Chenay បញ្ជាក់​ថា “ប្រសិនបើ​អ្នក​មាន​អាយុ​លើស ៦០​ឆ្នាំ ពួកគេ​នឹង​ដាក់​អ្នក​ជាមួយ​មនុស្ស​ចាស់… អ្នកនឹង​ក្លាយជា​មនុស្ស​ល្ងីល្ងើ​យ៉ាងពិត​ប្រាកដ។ ខ្ញុំសុខចិត្តជ្រើសរើស​ធ្វើការ​ជា​វេជ្ជបណ្ឌិតវិញ“។

អត្ថបទពាក់ព័ន្ធ៖

នៅបារាំង អាយុ​ជាមធ្យម​សម្រាប់​វេជ្ជបណ្ឌិត ចូលនិវត្តន៍ គឺ ៦៧​ឆ្នាំ ហើយ​សម្បីតែ​កូនប្រុស​របស់​វេជ្ជបណ្ឌិត Christian Chenay ក៏បាន​ឈប់​ធ្វើការ​ក្នុង​វិស័យ​សុខាភិបាល​ផងដែរ។ ប៉ុន្ដែ​លោក​វេជ្ជបណ្ឌិត Christian Chenay មិន​ទាន់ឈប់​នោះទេ។ លោក​ថា “ប្រសិនបើ​អ្នក​អង្គុយ និង​មើល​ទូរទស្សន៍ រាល់​ថ្ងៃ អ្នក​បាត់បង់​ភាព​ល្អ​យ៉ាង​លឿន ខួរក្បាល​របស់​អ្នក​មិន​អាច​រក្សា​ការ​ចងចាំ​បាន​យូរ​ទេ“។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Share now :

ត្រួតពិនិត្យថ្ងៃទី ខែ​វិច្ឆិកា 25, 2019 | កែសម្រួលចុងក្រោយ ខែ​វិច្ឆិកា 25, 2019

អ្នកអាចចូលចិត្ត