របបអាហារប្រចាំថ្ងៃមានសារៈសំខាន់ណាស់ ចំពោះសុខភាពទូទៅ ជាពិសេសសម្រាប់អ្នកដែលចង់គ្រប់គ្រងកម្រិតជាតិស្ករក្នុងឈាមបានល្អ ក៏ដូចជាទទួលបានថាមពលស្វាហាប់ក្នុងពេលតែមួយ។ ខាងក្រោមនេះ ជាសារធាតុចិញ្ចឹមសំខាន់ៗទាំង៣មុខ ដែលអ្នកជំងឺទឹកនោមផ្អែមមិនគួរមើលរំលង!

សារធាតុចិញ្ចឹមសំខាន់ៗទាំង៣សម្រាប់អ្នកជំងឺទឹកនោមផ្អែម

១. ជាតិសរសៃ

ជាតិសរសៃអាចជួយគ្រប់គ្រងកម្រិតជាតិគ្លុយកូសក្នុងឈាម និងកាត់បន្ថយការស្រូបយកជាតិស្ករបានយ៉ាងមានប្រសិទ្ធភាព នេះបើយោងតាមការសិក្សាដែលចេញផ្សាយដោយបណ្ណាល័យវិទ្យាសាស្ត្រវេជ្ជសាស្ត្រសាធារណៈ។ ជាក់ស្តែង ជាតិសរសៃមាន២ប្រភេទ គឺជាតិសរសៃរលាយ និងមិនរលាយ។ ចំពោះជាតិសរសៃរលាយមាននៅក្នុងផ្លែឈើ សណ្តែក និងអាវ័ន (Oats) និងជួយគ្រប់គ្រងកម្រិតជាតិស្ករក្នុងឈាម ដោយកាត់បន្ថយកម្រិតជាតិស្ករក្នុងចរន្តឈាម។ រីឯជាតិសរសៃមិនរលាយ មាននៅក្នុងគ្រាប់ធញ្ញជាតិ ដែលជួយដល់ការរំលាយអាហារ ព្រមទាំងជួយគ្រប់គ្រងទម្ងន់បានយ៉ាងល្អ។

ចង់គណនារង្វាស់ចង្វាក់បេះដូង ចុចទីនេះ !

ចងពិនិត្យជំងឺសរសៃឈាមបេះដូង ចុចទីនេះ !

២. ម៉ាញ៉េស្យូម

ម៉ាញ៉េស្យូមដើរតួនាទីយ៉ាងសំខាន់ក្នុងការរំញោចអាំងស៊ុយលីន និងការបំប្លែងជាតិស្ករ។ យោងតាមការស្រាវជ្រាវដែលចេញផ្សាយដោយ World Journal of Diabetes បង្ហាញថាអ្នកជំងឺទឹកនោមផ្អែមច្រើនតែមានកម្រិតម៉ាញ៉េស្យូមទាប ហើយកង្វះម៉ាញេស្យូមអាចបង្កើនហានិភ័យនៃការគ្រប់គ្រងជាតិស្ករមិនល្អ។ បន្លែស្លឹកបៃតង និងគ្រាប់ធញ្ញជាតិផ្ទុកទៅដោយម៉ាញេស្យូម និងអាចជួយរក្សាការគ្រប់គ្រងជាតិស្ករក្នុងឈាមបានល្អប្រសើរ។

៣. វីតាមីន D

ក្រៅពីល្អសម្រាប់ប្រព័ន្ធភាពស៊ាំ និងសុខភាពឆ្អឹងហើយ វីតាមីន D ក៏អាចជួយសម្រួលដល់ការធ្វើមេតាប៉ូលីសជាតិគ្លុយកូស និងអាំងស៊ុយលីនផងដែរ។ កម្រិតវីតាមីន D ទាបជាប់ពាក់ព័ន្ធនឹងការកើនឡើងហានិភ័យនៃជំងឺទឹកនោមផ្អែមប្រភេទទី 2 ។ ដូច្នេះហើយ ដើម្បីគ្រប់គ្រងជំងឺទឹកនោមផ្អែម គ្នាយើងគួរតែស្រូបយកវីតាមីន D ឱ្យបានគ្រប់គ្រាន់តាមរយៈការប៉ះពាល់នឹងពន្លឺព្រះអាទិត្យ និងញ៉ាំអាហារសម្បូរខ្លាញ់ ត្រី និងស៊ុត។

ទឹកនោមផ្អែម

គន្លឹះទាំង៨ គ្រប់គ្រងកម្រិតជាតិស្ករក្នុងឈាម

ខណៈពេលដែលការញ៉ាំរបបអាហារត្រឹមត្រូវ អាចជួយគ្រប់គ្រងជំងឺទឹកនោមផ្អែមបានប្រសើរក៏ពិតមែន គ្នាយើងក៏អាចអនុវត្តន៍គន្លឹះមួយចំនួនខាងក្រោមបន្ថែមទៀត៖

ញ៉ាំទឹកឲ្យបានគ្រប់គ្រាន់ ដើម្បីជួយគ្រប់គ្រងសម្ពាធឈាម និងបញ្ចៀសបញ្ហាខ្សោះជាតិទឹក
ផ្តោតទៅលើរបបអាហារតុល្យភាពដែលសម្បូរទៅដោយប្រូតេអ៊ីនគ្មានខ្លាញ់ បន្លែ និងផ្លែឈើឲ្យបានច្រើន
ជៀសវាងអាហារកែច្នៃ និងភេសជ្ជៈមានជាតិស្ករ
ញ៉ាំថ្នាំតាមការណែនាំរបស់គ្រូពេទ្យ
ថែទាំប្រអប់ជើងឲ្យបានល្អ ដើម្បីបញ្ចៀសការបង្ករោគ
ជៀសវាងជក់បារី
ធ្វើលំហាត់ប្រាណ ដូចជាការដើរ ជិះកង់ ឬហែលទឹក
ស្រ្តេសអាចប៉ះពាល់កម្រិតជាតិស្ករក្នុងឈាម ដូច្នេះយើងគួរធ្វើសមាធិ ក៏ដូចជាហាត់យូហ្គា។

អត្ថបទគួរអាន៖

សារធាតុចិញ្ចឹមសំខាន់៣មុខនេះ ជួយគ្រប់គ្រងជំងឺទឹកនោមផ្អែមយ៉ាងល្អ!

​សារធាតុ​ចិញ្ចឹម​សំខាន់​ៗ​ទាំង៣​សម្រាប់​អ្នក​ជំងឺ​ទឹក​នោម​ផ្អែម

១. ជាតិ​សរសៃ

​២. ម៉ាញ៉េស្យូម

៣. វីតាមីន D

គន្លឹះ​ទាំង៨ គ្រប់គ្រង​កម្រិត​ជាតិ​ស្ករ​ក្នុង​ឈាម

សារធាតុចិញ្ចឹមសំខាន់ៗទាំង៣សម្រាប់អ្នកជំងឺទឹកនោមផ្អែម

១. ជាតិសរសៃ

២. ម៉ាញ៉េស្យូម

គន្លឹះទាំង៨ គ្រប់គ្រងកម្រិតជាតិស្ករក្នុងឈាម