តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អាហារល្អគួរញាំក្រោយចូលសូណា ដើម្បីបំពេញជាតិទឹកក្នុងរាងកាយ

អាហារល្អគួរញាំក្រោយចូលសូណា ដើម្បីបំពេញជាតិទឹកក្នុងរាងកាយ

ការប្រើប្រាស់ពេលវេលា យ៉ាងហោចកន្លះម៉ោងទៅ១ម៉ោងបង្ហូរញើសក្នុងបន្ទប់កម្ដៅជាប្រចាំ ដើម្បីសុខភាពរាងកាយ និង ស្មារតី សុទ្ធតែជាក្ដីបំណងរបស់អ្នកធ្វើសូណាទាំងអស់។ ដូច្នេះការគិត​គូពីរបបអាហារ ដែលត្រូវញ៉ាំបន្ទាប់ពីនោះ ក៏ជារឿងចាំបាច់ ដែលមនុស្សគ្រប់រូបមិនអាចប្រកែកបាន។ ជាក់ស្ដែង​ណាស់ថា ការធ្វើសូណាគឺជាពេលវេលាដែលរាងកាយត្រូវបញ្ចេញជាតិពុល តាមរយៈការបែកញើស ក្នុងរយៈពេល យ៉ាងហោច ១០ ទៅ ២០នាទី ក្នុងមួយពេល ដែលការធ្វើបែបនេះ បានធ្វើឲ្យរាងកាយត្រូវថយចុះជាតិទឹក និងប៉ះពាល់ដល់​បរិមាណ​អេឡិចត្រូលីតក្នុងរាងកាយ។ ជាការណែនាំ គួរតែស្គាល់អាហារបីមុខនេះដែលយើងចាំបាច់គួញ៉ាំ បន្ទាប់​​ពីធ្វើសូណា។

១. ចេកទុំ

នៅពេលដែលមានការបែកញើសច្រើន នោះរាងកាយត្រូវថយចុះជាតិទឹក ដែលអាចប៉ះពាល់ទៅដល់សារធាតុ អេឡិច​​​ត្រូលីត ដែលជាបណ្ដុំនៃភាគល្អិតសារធាតុរ៉ែមាន សូដ្យូម (អំបិល) ប៉ូតាស្យូម កាល់ស្យូម ក្លរួ ម៉ាញ៉េស្យូម និងផូស្វាត ដែលមាននៅក្នុងឈាម និងសារធាតុរាវដែលមានក្នុងរាងកាយរបស់យើង។ ដូច្នេះផ្លែចេកគឺជាប្រភេទអាហារ ដែលសម្បូរ​ទៅដោយ ប៉ូតាស្យូមខ្ពស់ មានបរិមាណ ដល់ទៅ ៤២២ មីលីក្រាមក្នុងចេក ១ផ្លែ។

២.ឪឡឹក និងទឹកដូង

ឪឡឹក ជាប្រភេទអាហារដែលសម្បូរទៅដោយសារធាតុទឹកច្រើនរហូតដល់ទៅ៩០% និង ប៉ូតាស្យូមក៏មិនតិចដែរ។ ជាមធ្យមក្នុងឪឡឹកមួយផ្លែទំងន់៤,៥គីឡូមានផ្ទុកបរិមាណប៉ូតាស្យូម ដល់​ទៅ ៥,០៦០ មីលីក្រាម ដូច្នេះបរិមាណនេះមិនចាញ់ផ្លែចេកនោះទេ។ ក្រៅពីនោះ យើងក៏អាចញ៉ាំទឹកដូងបានដែរព្រោះទឹកដូងក៏មានផ្ទុកនូវប៉ូតាស្យូមដូចគ្នា។

ញ៉ាំឪឡឹក

៣.ផ្លែប៊ឺ

ផ្លែប៊ឺក៏ជាប្រភេទផ្លែឈើដែលយើងគួរញ៉ាំ សម្រាប់បំពេញសារធាតុទឹកឲ្យរាងកាយក្រោយពេលបែកញើស។ ផ្លែឈើប្រភេទនេះជាបណ្ដុំទៅដោយសារធាតុចិញ្ចឹមដល់រាងកាយស្ទើតែ១០០មុខ ដោយរាប់ចាប់ត្រឹមពីមុខងារផ្នែកប្រព័ន្ធរំលាយអាហារ ផ្នែកប្រព័ន្ធសរសៃឈាម និងសុខភាពផ្លូវភេទផងដែរ។ ប្រភេទអាហារដែលផ្ដល់ថាមពល បំពេញជាតិ​ទឹក និងសម្រួលផ្នែកសរសៃឈាម គឺជាជម្រើសសម្រាប់របបអាហារគួរញ៉ាំក្រោយពេលសូណា។

ចំពោះប្រភេទអាហារដែលមិនគួរឲ្យញ៉ាំគឺពពួកអាហារដែលសម្បូរទៅដោយសារធាតុខ្លាញ់ឆ្អែត គឺមិនគួរញ៉ាំនោះទេ។ ជារួម ការញ៉ាំអាហារមួយចំនួន ដែលយើងត្រូវគិតគឺពពួកអាហារដែលមផ្ទុកនូវសារធាតុដូចដែលបានរៀបរាប់ខាងលើ ហើយអាហារទាំងនោះក៏មានចូលរួមដូចជា ខាត់ណា ផ្លែបឺរ ផ្កាខាត់ណាខៀវ ដំឡូង សណ្តែក អាល់ម៉ុន សណ្តែកដី សណ្តែក​សៀង តៅហ៊ូ ផ្លែស្ត្របឺរី ឪឡឹក ក្រូច ចេក ប៉េងប៉ោះ ទឹកដោះគោ ទឹកដោះគោជូរ ទឹកដោះគោស្រស់ ត្រី សាច់​មាន់ សាច់សត្វ អូលីវ ស៊ុត និងបន្លែបៃតង។ ការញ៉ាំអាហារដែលល្អ ត្រឹមត្រូវហើយឆ្លើយតមទៅនឹងតម្រូវការរាងកាយ ក្រោយពេលធ្វើស៊ូណា គឺវិធីយ៉ាងល្អបំផុតសម្រាប់ជំរុញឲ្យការខិតខំធ្វើសូណារបស់យើងកាន់តែមានប្រសិទ្ធភាព។

អត្ថបទគូរអាន៖

តើអាចផឹកស្រាបានទេ ក្រោយពេលធ្វើសូណា?

បន្ទាប់ពីសូណាហើយ យើងអាចផឹកស្រាបាន ប៉ុន្ដែរឿងដែលព្រួយបារម្មណ៍មិនមែនពេលវេលាក្រោយសូណានោះទេ គឺពេលវេលា មុនពេល និងកំលុងពេលសូណាគឺមិនអាចជាដាច់ខាត។ ការផឹកស្រាក្រោយពេលសូណា មិនមាន​ផល​ប៉ះពាល់អ្វីដល់សុខភាពនោះទេ ក្នុងលក្ខខណ្ឌដែលផឹកបរិមាណតិចតួច។ យើងអាចផឹកបានដូចពេលធម្មតា ដោយ​គ្មានការបារម្ភនោះឡើយ ប៉ុន្ដែយើងអាចកំណត់ពេលវេលាសម្រាកពីសូណា យ៉ាងហោចឲ្យបាន ២០ នាទី នោះយើងនឹងអាចញ៉ាំ​បាន។

តើហាត់កីឡា ឬហាត់ប្រាណហើយអាចធ្វើសូណាបានទេ?

ការហាត់កីឡា និង ការហាត់ប្រាណធ្វើឲ្យដំណើរការចរន្ដសរសៃឈាម បេះដូង និងសាច់ដុំធ្វើចលនាបានល្អមួយកម្រិត ហើយបើយើងបានធ្វើសូណាទៀត គឺកាន់តែប្រសើរ។ ដូច្នេះហើយទើបនៅតាមបណ្ដាកន្លែងសូណាភាគច្រើន ក៏មានភ្ជាប់មួយកន្លែងហាត់កីឡាសុខភាពជាមួយផងដែរ។ ប៉ុន្ដែបញ្ហាមួយដែលគួរពិចារណា គឺថាតើរាងកាយរបស់យើងអាចទ្រាំទ្របានដែរទេ ព្រោះក្រោយពេលរាងកាយរបស់យើង​ធ្វើការខ្លាំង នោះក៏ត្រូវថយចុះថាមពលផងដែរ។ ប៉ុន្ដែប្រសិនបើលក្ខខណ្ឌរាងកាយនៅមានថាមពល នោះយើងក៏អាចធ្វើសូណាបាន ក្រោយពេលហាត់ប្រាណ។ ការធ្វើសូណាមិនបានធ្វើឲ្យមានកម្លាំងនោះទេ ព្រោះវាត្រូវបង្ហូរញើស បញ្ចេញជាតិពុលច្រើន ខ្លួនប្រាណត្រូវប្រឈមនឹងការអស់កម្លាំងខ្លាំង ហើយការហាត់ប្រាណក៏ធ្វើឲ្យអស់កម្លាំងខ្លាំងផងដែរ ដូច្នេះគួរគិតត្រង់ចំណុចនេះ បើយើងមានថាមពលអាចបន្ដបាន គួរតែធ្វើទៅគឺជារឿងល្អ។

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

25+ FOODS TO REPLENISH ELECTROLYTES: NATURAL SOURCES FOR HYDRATION, https://blog.nasm.org/foods-to-replenish-electrolytes

Signs you have an electrolyte imbalance https://www.piedmont.org/living-better/signs-you-have-an-electrolyte-imbalance

Should You Eat Before or After a Workout? https://health.clevelandclinic.org/what-to-eat-before-and-after-a-workout/

How Much Water Is In a Watermelon? https://www.wonderopolis.org/wonder/how-much-water-is-in-a-watermelon

9 Sauna Health Benefits You Need to Know https://foodrevolution.org/blog/sauna-benefits/

រូបថត​របស់​អ្នក​និពន្ធbadge
ដោយ អឿ អ៊ុយ កែសម្រួល​ចុងក្រោយ 4 សប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត