backup og meta

ប្រុសៗកំពុងចង់បានកូន នេះជាតិចនិកបង្កើនគុណភាពមេជីវិត​

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ យ៉ានណែត ដាញែល · កែ Jun 13, 2023

    ប្រុសៗកំពុងចង់បានកូន នេះជាតិចនិកបង្កើនគុណភាពមេជីវិត​

    ប្រុសៗមួយចំនួននៅតែមិនអាចសម្រេចគោលដៅមានកូន ទោះខំទាំងយប់ទាំងថ្ងៃ នៅតែគ្មាន ពិបាកចិត្តមិនស្ទើរទេ។ អ្វីត្រូវដឹងពេលនេះ ចង់មានអូនៗ គឺត្រូវបង្កើនគុណភាពមេជីវិតរបស់ប្រុសៗជាមុនសិន។ “Hello គ្រូពេទ្យ” នឹង​ប្រាប់ពីវិធីសាស្ត្រខ្លះៗ ដើម្បីបង្កើនគុណភាពមេជីវិត ឈានសម្រេចគោលដៅមានកូនគួរឲ្យស្រលាញ់ដូចគេ។

    ១- មេជីវិត

    ជាមធ្យម ក្នុង ១ មិល្លីលីត្រទឹកកាមបុរស មានចំនួនមេជីវិតពី ១២០-៣៥០ លានក្បាល តែបើសិនប្រុសៗមានតែ ៤០ លាន ឬតិចជាងនេះ បញ្ជាក់ថាអសមត្ថភាពហើយ។

    កត្តានេះអាចមកពីផឹកស្រាច្រើនពេក ជក់បារី ឬធាតុពុលក្នុងបរិយាកាស និងការប្រើថ្នាំក្រពះមួយចំនួន ដូចជា Cimetidine និង Ranitidine ជាដើម។ កម្ដៅក៏អាចបន្ថយការផលិតមេជីវិតដែរ អ៊ីចឹងការងូតទឹកក្ដៅ ស្ទីមយូរពេក ឬស្លៀកខោរឹបពេក គួរចៀសវាង។

    ចង់គណនា BMR ចុចទីនេះ!

    ដើម្បី​បង្កើន​គុណភាព​មេជីវិត គួរញ៉ាំបន្លែ ផ្លែឈើស្រស់ និងគ្រាប់ធញ្ញជាតិណាសម្បូរជីវជាតិ ប្រសើរជាងជក់បារី ផឹកស្រា កាហ្វេ តែ ឬអាហារកំប៉ុងមានគីមីច្រើនលើសលប់ គ្មានប្រយោជន៍ ហើយអាចប៉ះពាល់សុខភាពទៀត។ ធាត់ ឬអាហារ​ខ្វះជីវជាតិគ្រប់គ្រាន់ អាចធ្វើឲ្យ​មាន​បម្រែប្រួល​ជាលិកា​បន្តពូជ ជាហេតុ​នាំឲ្យ​អត់កូន។

    អាហារ

    ៣- បន្ថយការប្រឈមជាមួយសារធាតុគីមី

    តាមការសិក្សាកន្លងមក ៥០ ឆ្នាំចុងក្រោយនេះ គុណភាពមេជីវិតប្រុសៗធ្លាក់ចុះគួរឲ្យកត់សម្គាល់ ដោយគេជឿថាមកពីសារធាតុម៉្យាងឈ្មោះ Xenoestrogens។ វាដើរតួជំនួសអ័រម៉ូនអឺស្ត្រូហ្សែន (Estrogen) ក្នុងខ្លួនយើង ហើយដើម្បីបញ្ចៀសបញ្ហានេះកុំឲ្យប៉ះពាល់គុណភាពមេជីវិតប្រុសៗ ត្រូវ៖

    – បន្ថយការប្រើថង់ប្លាស្ទិកច្រក ឬវេចខ្ចប់របស់ញ៉ាំ

    – ចៀសវាងការប្រើសារធាតុក្លរ

    – មិនត្រូវប្រើក្រដាសជូតមាត់ និងប្រដាប់ចម្រោះកាហ្វេណា ដែលបន្សុទ្ធពណ៌ដោយធាតុគីមី។

    – ចៀសវាងប្រើទឹកម៉ាស៊ីន ទឹកសម្អាតការ៉ូ និងផលិតផលមានជាតិក្លរ។

    – ញ៉ាំអាហារគ្មានប្រើជាតិគីមីដើម្បីផលិត និងរក្សាទុក។

    – ចៀសវាងប្រើគ្រឿងសម្អាងមានជាតិគីមី គួរប្រើផលិតផលធម្មជាតិ បើអាច

    – ចៀសវាងញ៉ាំទឹកដោះគោ និងសាច់ មានជាតិខ្លាញ់មិនល្អច្រើនពេក ដូចជា សាច់ជ្រូក មាន់ គោ ជាដើម។

    – បន្ថយផឹកស្រា និងកាហ្វេ

    – ចៀសវាងញ៉ាំអាហារបំពង ចៀន និងអាំង

    – ញ៉ាំតែអាហារណាសម្បូរសារជាតិប្រឆាំងអុកស៊ីតកម្មខ្ពស់ ដូចជា បន្លែស្លឹកបៃតង ការ៉ុត ក្រូច ផ្កាខាត់​ណា​បៃតង ផ្កាខាត់ណា និងមើមដំឡូង ជាដើម។

    អត្ថបទគួរអាន៖

    ៤- រកពេលហាត់ប្រាណ

    ហាត់ប្រាណឲ្យបានទៀងទាត់ មានសារៈសំខាន់ចំពោះសុខភាព អាចកាត់បន្ថយស្រ្តេស ជាពិសេសជួយបង្កើនសមត្ថភាពផលិតមេជីវិតបានគ្រប់គ្រាន់។ តែយ៉ាងណា ហាត់ប្រាណលើសកម្រិតក៏មិនប្រាកដថាល្អដែរ។ បើប្រុសៗគ្នាយើងមិនដឹងថាត្រូវធ្វើយ៉ាងណា អាចស្វែងរកជំនួយបានពីគ្រូបង្វឹកជំនាញៗ នៅតាមក្លឹមហាត់ប្រាណ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ យ៉ានណែត ដាញែល · កែ Jun 13, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម