កន្លងបងប្អូននារីៗយើងពិតជាធ្លាប់ឮពាក្យចចាមអារ៉ាមទាក់ទិននឹងស្ត្រីមានផ្ទៃពោះ ក្រោយសម្រាលវះកាត់ហើយបែរជាមិនអាចដេរភ្ជាប់ពោះវិញបានទេ។

បញ្ហាដែលបានលើកឡើងនេះលោកវេជ្ជបណ្ឌិត ចាន់ ស៊ីណេត បានឲ្យដឹងថា ក៏ធ្លាប់បានឮគេនិយាយមកតៗគ្នាជាយូរឆ្នាំមកហើយដែរ។ ប៉ុន្តែសម្រាប់ជនរងគ្រោះនៃរឿងនេះពិតប្រាកដ គឺគ្មាននោះទេ ហើយនោះគ្រាន់តែជាការនិយាយតគ្នាគ្មានការពិតឡើយ។ លាបឡេគ្រាន់តែអាចជាកត្តាប្រឈមប៉ុណ្ណោះ។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

ការលាបឡេមិនអាចធ្វើឲ្យស្បែកប្រែជាពុកផុយដូចក្រដាស ឬសាច់សត្វដែលស្លាប់យូរហើយបាននោះទេ។ កត្តាដែលនាំឲ្យស្បែកដេរមិនបានក្រោយសម្រាលដោយវះកាត់ មិនអាចទៅរួចទៀត ព្រោះស្បែកយើងមានជីវិត សរសៃឈាមរត់ខ្វាត់ខ្វែងដែលដឹកនាំសារធាតុចិញ្ចឹមទៅចិញ្ចឹមគ្រប់កន្លែង មិនអាចព្រោះតែឡេអាចបំផ្លាញស្បែកបានដូចទឹកអាស៊ីដឡើយ។

សញ្ញាគ្រោះថ្នាក់ពេលសម្រាល

ប្រធានផ្នែកសម្ភព និងរោគស្ត្រីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានបន្ថែមទៀតថា ការដេរមិនជាប់កន្លែងវះកាត់នោះ លើកលែងតែតំបន់នោះមានការឆ្លងរោគទើបការដេរផុយ ឬពិបាកដេរ។ ក្រោយពេលបង្ករោគធ្វើឲ្យមានការឆ្លងចូលចរន្តឈាម នោះម៉ាក់ៗអាចប្រឈមគ្រោះថ្នាក់ខ្លាំង។

បើទោះជាការលាបឡេមិនមែនជាមូលហេតុមែន តែវេជ្ជបណ្ឌិតរូបនោះមិនណែនាំឲ្យស្ត្រីលាបឡេដែលលាយមានជាតិកាត់ច្រើនឡើយ ទាំងពេលមានផ្ទៃពោះ និងមិនមានផ្ទៃពោះ ព្រោះវាប៉ះពាល់ដល់ស្បែក និងសុខភាពទូទៅនៅថ្ងៃខាងមុខ។

អត្ថបទគួរអាន៖

ស្រីៗលាបឡេច្រើនពេក មានកូនសម្រាលដោយវះកាត់ ស្បែកផុយមិនអាចដេរជាប់?