backup og meta

ញ៉ាំអាហារទាំងនេះអាចជួយឲ្យរាងកាយទទួលបានកាល់ស្យូមគ្រប់គ្រាន់

ត្រួតពិនិត្យដោយ ទូច សុខា


អត្ថបទ​ដោយ ថាត់ រ័ត្នមូនីតា · កែ May 12, 2020

ញ៉ាំអាហារទាំងនេះអាចជួយឲ្យរាងកាយទទួលបានកាល់ស្យូមគ្រប់គ្រាន់

កាល់ស្យូម​គឺ​មាន​សារៈសំខាន់​ណាស់​សម្រាប់​សុខភាព​។ កាល់ស្យូម​ជួយ​ដល់​ឆ្អឹង ធ្មេញ បេះដូង មុខងារ​សាច់ដុំ និង​ការ​បញ្ជូន​សញ្ញា​សរសៃ​ប្រសាទ។ សម្រាប់​មនុស្ស​ពេញ​វ័យ​ត្រូវ​ញ៉ាំ​កាល់ស្យូម​១០០០​មីល្លិក្រាម​ក្នុង​មួយ​ថ្ងៃ។ រីឯស្ត្រី​អាយុ​ចាប់​ពី​៥០​ឆ្នាំ​ឡើង​ទៅ​គួរ​ញ៉ាំ​ឲ្យ​បាន​១ ២០០​មីល្លិក្រាម​ក្នុង​មួយ​ថ្ងៃ​ និង​កុមារ​ចាប់​ពី​អាយុ​៤​ដល់​១៨​ឆ្នាំ​គួរ​ញ៉ាំ​ឲ្យ​១ ៣០០​មីល្លិក្រាម។ អាហារ​ដែល​សំបូរ​​ដោយ​កាល់ស្យូម​មាន​៖

. គ្រាប់ជីរ

គ្រាប់​ជីរ​ពីរ​ស្លាប​ព្រា​កាហ្វេ​ផ្តល់​កាល់ស្យូម ១៧៩​មីល្លិក្រាម។ គ្រាប់​ជីរ​ក៏​មាន​សារធាតុ boron ដែល​ជួយ​ដល់​សុខភាព​ឆ្អឹង និង​សាច់ដុំ​ដោយ​ជួយ​រាងកាយ​ធ្វើ​មេតាប៉ូលីស​កាល់ស្យូម ផូស្វ័រ និង​ម៉ាញ៉េស្យូម។

. ទឹក​សណ្ដែក

ទឹក​សណ្ដែក​បន្ថែម​វីតាមីន​មួយ​ពែង (២៣៧​មីលិ្លលីត្រ​)មាន​កាល់ស្យូម 300មីល្លិក្រាម។ ទឹក​សណ្ដែក​គឺ​មាន​វីតាមីន D ច្រើន តែ​មាន​ជាតិ​ខ្លាញ់​តិច​ជាង​ទឹកដោះគោ។

. គ្រាប់​អាល់ម៉ុង

គ្រាប់​អាល់ម៉ុង​មួយ​ពែង (១៤០​ក្រាម​) មាន​កាល់ស្យូម ៣៨៥​មីល្លិក្រាម​ដែល​ច្រើន​ជាង​កម្រិត​ត្រូវការ​ប្រចាំ​ថ្ងៃ​រហូត​ដល់​មួយភាគបី។ គ្រាប់​អាល់ម៉ុង​មាន​ខ្លាញ់​ល្អ​សម្រាប់​សុខភាព ប៉ុន្តែ​គ្រាប់​នេះ​កាឡូរី​ខ្ពស់។ ដូចនេះ​ហើយ​គួរ​កំណត់​បរិមាណ​នៃ​ការ​ញ៉ាំ​មក​ត្រឹម​ប្រហែល​៥០ក្រាម​ក្នុង​មួយ​ថ្ងៃ​​​បាន​ហើយ។​

. តៅហ៊ូ

តៅហ៊ូ​មាន​បរិមាណ​កាល់ស្យូម​ច្រើន។ តៅហ៊ូ​មួយ​ពែង (១២៦ក្រាម) ផ្តល់​កាល់ស្យូម ៨៦%​នៃ​កម្រិត​ត្រូវការ​ប្រចាំ​ថ្ងៃ​ស្មើនឹង​ ៨៦០មីល្លិក្រាម។

. គ្រាប់​ផ្កាឈូករ័ត្ន

គ្រាប់​ផ្កាឈូករ័ត្ន​មួយ​ពែង (១៣៣ក្រាម) ផ្តល់​កាល់ស្យូម ១០៩​ក្រាម។ គ្រាប់​ផ្កាឈូក​រ័ត្ន​ក៏​សំបូរ​ដោយ​ម៉ាញ៉េស្យូម​ វីតាមីន E និង​ស្ពាន់។ សារធាតុ​ទាំង​នេះ​ជួយ​ឲ្យ​ឆ្អឹង​រឹងមាំ និង​បង្ការ​ជំងឺ​ពុក​ឆ្អឹង។ គួរ​បញ្ជាក់​ផង​ដែរ​ថា​យក​ល្អ​គួរ​ជ្រើសរើស​គ្រាប់​ផ្កាឈូករ័ត្ន​ដែល​មិន​មាន​អំបិល​ច្រើន។

. ​ល្ង

ការញ៉ាំ​ល្ង​មួយ​ស្លាបព្រា​កាហ្វេ​បន្ថែម​កាល់ស្យូម​ក្នុង​របប​អាហារ​ដល់​ទៅ​៨៨មីល្លិក្រាម។ ល្ង​ក៏​មាន​ផ្ទុក​ស័ង្កសី និង​ស្ពាន់ ដែល​សុទ្ធ​តែ​មាន​ប្រយោជន៍​ដល់​សុខភាព​ឆ្អឹង។​

. ផ្កាខាត់ណា​ខៀវ

ផ្កាខាត់ណា​ខៀវ​មួយ​ពែង (​ប្រហែល ១៧៥ក្រាម)​មាន​កាល់​ស្យូម ៨៧​មីល្លិក្រាម។ របបអាហារ​ដែល​មាន​ផ្កាខាត់ណាខៀវ​ច្រើន​អាច​កាត់​បន្ថយ​ហានិភ័យ​ជំងឺ​មហារីក។

. ដំឡូងជ្វា

ដំឡូងជ្វា​មួយ​មើមអាច​មាន​កាល់ស្យូម ៦៨​មីល្លិក្រាម ហើយ​ដំឡូង​ជ្វា​ក៏​សំបូរ​ដោយ​ប៉ូតាស្យូម វីតាមីន A និង Cដែរ។

. ពោតបារាំង

ពោតបារាំង​មួយ​ពែង (​១០០ក្រាម) ផ្ទុក​កាល់ស្យូម ៨២មីល្លិក្រាម​។ ក្រៅពី​កាល់ស្យូម ពោតបារាំង​មាន​ផ្ទុក​ប្រូតេអ៊ីន ជាតិសរសៃ ជាតិដែក និង​ស័ង្កសី។

១០. ផ្លែក្រូច និង​ទឹក​ក្រូច​ស្រស់

ផ្លែក្រូចធំមួយ​មាន​កាល់ស្យូម ៧៥មីល្លិក្រាម ខណៈ​ដែល​ទឹក​ក្រូច​ដែល​បន្ថែម​កាល់ស្យូម (calcium-fortified orange juice) មាន​កាល់ស្យូម ៣០០មីល្លិក្រាម។

១១. ត្រីសាឌីន

ត្រីសាឌីន​មាន​កាល់ស្យូម​ច្រើន។ ត្រី​សាឌីន ៩២ក្រាម​មាន​កាល់ស្យូម ៣៥០មីល្លិក្រាម​។ ម៉្យាងទៀត​ត្រី​សាឌីន​ក៏​មាន​អាស៊ីត​ខ្លាញ់​អូមេហ្គា៣​ដែល​ល្អ​សម្រាប់​បេះដូង ខួរក្បាល និង​ស្បែក។

១២. ទឹកដោះគោ

ទឹកដោះគោ​មួយពែង (២៣៧​ក្រាម) មាន​កាល់ស្យូម​ចន្លោះ ២៧៦ទៅ៣៥២មីល្លិក្រាម។ ទឹកដោះគោ​ក៏​មាន​ផ្ទុក​ប្រូតេអ៊ីន វីតាមីន A និង​វីតាមីន D

អត្ថបទពាក់ព័ន្ធ៖

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

ទូច សុខា


អត្ថបទ​ដោយ ថាត់ រ័ត្នមូនីតា · កែ May 12, 2020

ad iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម