home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

សរសៃ Fiber ជាអ្វី មាន​ប្រយោជន៍​ដល់​ក្រពះពោះវៀនយ៉ាងដូចម្ដេចខ្លះ? (វីដេអូ)

សរសៃ Fiber ជាអ្វី មាន​ប្រយោជន៍​ដល់​ក្រពះពោះវៀនយ៉ាងដូចម្ដេចខ្លះ? (វីដេអូ)

សរសៃ​ហ្វាយប៊័ (Fiber) គឺ​ជា​សារធាតុ​ដែល​យើង​តែង​តែ​ឮ​ជា​ប្រចាំ និង​មាន​សារៈ​ប្រយោជន៍​លើស​លប់​ដែល​យើង​មិន​ធ្លាប់​បាន​ដឹង។ សរសៃ Fiber គឺ​ជា​ក្រុម​ប៉ូលីសាការ៉ាយ (polysaccharides) ដែល​មិន​ងាយ​នឹង​បំបែក​ក្នុង​ប្រព័ន្ធ​រំលាយ​អាហារ​បាន។ សរសៃ Fiber ជា​ច្រើន ត្រូវ​បាន​​រាងកាយ​​យើង​យក​មក​ប្រើ​ក្រោយ​ពេល​មាន​​បាក់​តេរី​ច្រើន​ទៅ​ធ្វើ​សកម្មភាព​ក្នុង​ពោះ​វៀន​ធំ។ តាម​ពិត​ទៅ​សរសៃ​ Fiber គឺ​ជា​ប្រភេទ​សារធាតុ​ចិញ្ចឹម​ពិសេស​ម្យ៉ាង ហើយ​​ក៏​ជា​ប្រភេទ​សារធាតុ​គីមីដែល​មាន​តួនាទី​សំខាន់​ក្នុង​ខ្លួន​របស់​យើង។​

១- តើអ្វីជាសរសៃ Fiber?

សរសៃ​ Fiber គឺ​ជា​ចង្កោម​ ឬ​បណ្ដុំ​សរសៃ​ដែល​មាន​ក្នុងរុក្ខជាតិ ហើយ​រាងកាយ​​របស់​យើង​មិន​អាច​រំលាយ ឬ​បឺត​ស្រូប​វា​បាន​ឡើយ។ ដោយ​សារ​តែ​វា​មិន​អាច​រលាយ​បាន ដូច​នេះ​វា​ធ្វើ​ដំណើរ​ឆ្លង​កាត់​ប្រព័ន្ធ​រំលាយ​អាហារ​ទាំង​អស់ ទាំង​ពោះ​វៀន​តូច ពោះ​វៀន​ធំ និង​ចេញ​មក​ក្រៅ​ខ្លួន​របស់​យើង​វិញ។

យើង​អាច​រក​ប្រភេទ​សរសៃ​ Fiber​ បាន​នៅ​ក្នុង​ផ្លែ​ឈើ បន្លែ និង​គ្រាប់​ធញ្ញជាតិ ហើយ​យើង​បាន​ដឹង​ហើយ​ថា​វា​ក៏​ជួយ​ការ​ពារ​កុំ​ឲ្យ​មាន​បញ្ហា​ទល់​លាមក។ លើស​ពី​នេះ​ទៀត​នោះ អាហារ​ដែល​សម្បូរ​ជាតិ​សរសៃ ​Fiber​ ជួយ​ដល់​សុខ​ភាព​របស់​យើង​បាន​ជា​ច្រើន​ទៀត មាន​ដូច​ជា ជួយ​រក្សា​ទម្ងន់​ដង​ខ្លួន កាត់​បន្ថយ​អត្រា​ប្រឈម​ជាមួយ​ជំងឺ​ទឹក​នោម​ផ្អែម និង​ជំងឺ​សរសៃ​ឈាម និង​បេះ​ដូង។

២- តើសរសៃ Fiber​ មានប៉ុន្មានប្រភេទ?

ជា​ធម្មតា​គេ​ចែកFiber ​ចេញ​ជា​ពីរ​ក្រុម​ គឺ​ក្រុម​អាច​រលាយ និង​មិន​អាច​រលាយ។

ជាតិ​សរសៃ Fiber រលាយ

ជាតិ​សរសៃ​ប្រភេទ​នេះ​គឺ​អាច​រលាយ​ក្នុង​ទឹក​បាន និង​មាន​​​សភាព​ដូច​ជា​ចាហ៊ួយ។ ជាតិសរសៃអាច​ជួយ​បញ្ចុះ​កម្រិត​កូលេស្តេរ៉ូល និង​ជាតិ​ស្ករ​ក្នុង​ឈាម​។ ជាតិ​សរសៃ​រលាយ​ ភាគ​ច្រើន​ឃើញ​មាន​នៅ​ក្នុង​សណ្ដែក​ផៀ (Pea) សណ្ដែក ផ្លែ​ប៉ោម ការ៉ុត ​​គ្រាប់​អូត (oats) ផ្លែ​ឈើ​ដែល​មាន​រស​ជាតិ​ជូរ (Citrus fruit) និង​ផ្លែ​ឈើ​មួយ​ចំនួន​ផ្សេង​ទៀត។

ជាតិ​សរសៃ (Fiber)មិនរលាយ

វា​ខុស​គ្នា​ពី​ប្រភេទ​ជាតិ​សរសៃ​ខាង​លើ។ ជាតិសរសៃ​មិន​រលាយ​​ជួយ​សម្រួល​ចលនា​របស់​ប្រព័ន្ធ​រំលាយ​អាហារ និង​សម្រួល​ដល់​ការ​បន្ទោរ​បង់។ ជាតិ​សរសៃ​មិន​រលាយ​ច្រើន​មាន​ក្នុង​ គ្រាប់​រុក្ខ​ជាតិ ផ្កា​ខាត់​ណា សណ្ដែក ដំឡូង ស្រូវ​សាឡី និង​បន្លែ​ជា​ច្រើនទៀត។ដើម្បី​ទទួល​បាន​សុខភាព​ល្អ យើង​​គួរ​ញ៉ាំ​អាហារ​មាន​ជាតិ​សរសៃ​ Fiber​ ខ្ពស់។

អត្ថបទពាក់ព័ន្ធ៖

៣- តើសរសៃ Fiber​ ជួយអ្នកអ្វីខ្លះ?

ជួយសម្រួលដល់ការបន្ទោបង់

អាហារ​ជាតិ​សរសៃ Fiber ធ្វើ​ឲ្យ​លាមក​របស់យើង​​មាន​ទំហំ​ធំ និង​​​ទន់។ ដុំ​លាមក​ទន់​ងាយ​ស្រួល​ជុះ​ចេញ​មក​ក្រៅ ដូច​នេះ​យើងនឹង​មិន​សូវ​មាន​បញ្ហា​ទល់​លាមក​ឡើយ។ ក្នុង​ករណី​ដែលយើងរាករូស ជាតិ​សរសៃ Fiber នឹង​ជួយ​ធ្វើ​ឲ្យ​លាមក​ទៅ​ជា​រឹង​ ដោយ​វា​នឹង​ទៅ​បឺត​ជាតិ​ទឹក និង​ធ្វើ​ឲ្យ​លាមក​ប្រែ​ទៅ​ជា​ដុំ​ៗ​វិញ។

ជួយដល់សុខភាពពោះវៀន

ពេល​យើង​​ញ៉ាំ​អាហារ​មាន​ជាតិ​សរសៃ Fiber ច្រើន យើង​នឹង​មិន​ងាយ​កើត​ជំងឺ​ឬស​ដូង​បាត​ និងអាច​​ការពារ​មិន​ឲ្យ​មាន​ប្រហោង​​តាម​ពោះ​វៀន​ធំទៀតផង។

គ្រប់គ្រងកូលេស្តេរ៉ូល

ជាតិ​សរសៃ Fiber ទៅ​ជួយ​កាត់​បន្ថយ​កម្រិត​ខ្លាញ់ ​LDL ដែល​ជា​ខ្លាញ់​អាក្រក់​ចេញ​ពី​ក្នុង​សរសៃ​ឈាម ​នឹង​ជួយ​ឲ្យ​កម្រិត​កូលេស្តេរ៉ូល​សរុប​ក្នុង​ឈាម​ថយ​ចុះ​ដែរ។ សរសៃ​ Fiber ដែល​អាច​រលាយ​បាន ក៏​ជួយ​ដល់​សុខភាព​របស់​បេះ​ដូង​បាន​ដែរ។ ជាតិ​សរសៃ​នេះ​ក៏​ទៅ​ជួយ​គ្រប់​គ្រង​សម្ពាធ​ឈាម និង​កាត់​បន្ថយ​ការ​រលាកដែរ​។

កាត់​បន្ថយជាតិ​ស្ករ​ក្នុង​ឈាម

អ្នក​ជំងឺ​ទឹក​នោម​ផ្អែម គួរ​ទទួល​ទាន​សរសៃ​ Fiber ឲ្យ​បាន​ច្រើន ជា​ពិសេស​ប្រភេទ​សរសៃ​ Fiber ដែល​អាច​រលាយ។ Fiber ​ជួយ​កាត់​បន្ថយ​កម្រិត​ជាតិ​ស្ករ​ក្នុង​ឈាម។ ប្រសិន​បើ​យើង​​មាន​របប​អាហារ​ល្អ​ត្រឹម​ត្រូវ ដែល​មាន​ជាតិ​សរសៃ​ Fiber មិនអាច​រលាយ​បាន​ក្នុង​នោះ យើង​​នឹង​មិន​ងាយ​ប្រឈម​ជាមួយ​ការ​កើត​ជំងឺ​ទឹក​នោម​ផ្អែម​ប្រភេទ​២ នោះ​ទេ។

ជួយរក្សាទម្ងន់ដងខ្លួន

ការ​ទទួល​ទាន​ជាតិ​សរសៃ ​Fiber គឺ​បាន​ន័យ​ថា យើង​​ត្រូវ​ចំណាយ​ពេល​យូរ​ដើម្បី​ញ៉ាំ​អាហារ និងធ្វើ​ឲ្យ​យើង​មាន​អារម្មណ៍​ឆ្អែត​បាន​យូរ​ជាង​អាហារ​ប្រភេទ​ផ្សេង។ ដូច​នេះ​ជាតិសរសៃនឹង​កាត់​បន្ថយ​ចំនួន​កាឡូរី​ដែល​យើង​​ញ៉ាំ​ប្រចាំ​ថ្ងៃ​ ហើយ​វា​ក៏​ជួយ​ការ​ពារយើង​ពី​​ការ​​កើត​ជំងឺ​មហារីក​ពោះ​វៀន​ធំ​បាន​ថែម​ទៀត​ផង។

មនុស្ស​ជា​ច្រើន មិន​សូវ​ចូល​ចិត្ដ​ញ៉ាំ​អាហារ​សរសៃ​ Fiber ទេ។ ដូច​នេះ​ក្រោយ​បាន​អាន​អត្ថបទ​មួយ​នេះរួច​ សង្ឃឹម​ថា​ទាំង​អស់​គ្នា​ បែរ​​មក​ទទួល​ទាន​អាហារ​មាន​ជាតិ​សរសៃ Fiber ឲ្យ​បាន​ច្រើន​ជាង​មុន។

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ


រូបថត​របស់​អ្នក​និពន្ធbadge
ដោយ ចាន់ វុត្ថា កែសម្រួល​ចុងក្រោយថ្ងៃទី 23/03/2021
ត្រួតពិនិត្យដោយ ជីព ចិត្ត
x