home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ក្រោយហាត់ប្រាណ គួរញ៉ាំអាហារទាំងនេះជួយផ្ដល់ថាមពល

ក្រោយហាត់ប្រាណ គួរញ៉ាំអាហារទាំងនេះជួយផ្ដល់ថាមពល

ការ​រៀប​កាលវិភាគ​ហាត់ប្រាណ​រាល់ថ្ងៃ​គឺ​អាច​ជួយ​ឲ្យ​យើង​កាន់តែ​សម្រេច​បាន​នូវ​អ្វី​ដែល​យើង​ចង់បាន។ ប៉ុន្តែ​របប​អាហារ​ក្រោយ​ហាត់ប្រាណ​ក៏​អាច​ជួយ​យើង​ដើម្បី​មាន​ថាមពល បង្កើន​សាច់ដុំ និង​ពង្រឹង​ដល់​ការ​ហាត់បាន។តើ​យើង​គួរ​ញ៉ាំ​អាហារ​ណា​ខ្លះ​ក្រោយ​ហាត់ប្រាណ?

ហេតុអ្វី​បាន​ជា​របប​អាហារ​ក្រោយ​ហាត់ប្រាណ​សំខាន់?

នៅ​ពេល​យើង​ហាត់ប្រាណ​ យើង​បាន​ផ្តល់​សម្ពាធ​ដល់​រាងកាយ​របស់​យើង​ដោយ​ធ្វើ​ឲ្យ​រាងកាយ​ធំ​ជាង​មុន និង​រឹងមាំ​ជាងមុន។ ការ​ហាត់​ប្រាណ​យក​សាច់ដុំ​អាច​ធ្វើ​ឲ្យ​សាច់ដុំ​មាន​ការ​រហែក​ ហើយ​នៅ​ពេល​កន្លែង​រហែក​ទាំង​នោះ​ត្រូវ​បាន​ជួសជុល​នោះ​​​សាច់ដុំ​នឹង​ធំជាងមុន។ ប៉ុន្តែ​មិន​មែន​បំបែក​ជាលិកា​សាច់ដុំ​ហើយ​រំពឹង​ទុកថា​សាច់ដុំ​នឹង​ក្លាយ​ជា​ធំ​ជាងមុន​ទេ​ ព្រោះ​សាច់ដុំ​ត្រូវការ​សារធាតុចិញ្ចឹម​ត្រឹមត្រូវ ជាតិទឹក និង​ការ​ជាសះស្បើយ​ឡើងវិញ។ នេះ​ហើយ​ដែល​ធ្វើ​ឲ្យ​របបអាហារ​ក្រោយ​ហាត់ប្រាណ​មាន​សារៈសំខាន់។

រត់ហាត់ប្រាណ

តើ​គួរ​ញ៉ាំ​អ្វី​ក្រោយ​ហាត់ប្រាណ?

អាហារ​ដែល​ល្អ​សម្រាប់​ពេល​ហាត់ប្រាណ​រួច​​គឺ​ប្រូតេអ៊ីន ​កាបូអ៊ីដ្រាត និង​ទឹក។

ប្រូតេអ៊ីន

ក្នុង​ការ​ហាត់ប្រាណ ប្រូតេអ៊ីន​អាច​ជួយ​បង្កើត និង​ជួសជុល​សាច់ដុំ។ ការ​រហែក​ក្នុង​ជាលិកា​សាច់ដុំ​ត្រូវការ​ប្រូតេអ៊ីន​ដើម្បី​ធ្វើឲ្យ​សាច់ដុំ​ធំ និង​រឹងមាំ​ជាងមុន។ ដូចនេះ​យក​ល្អ​ក្រោយ​ពេល​ហាត់ប្រាណ៣០ទៅ​៦០​នាទី យើង​គួរ​ញ៉ាំ​​អាហារ​ដែល​មាន​ប្រូតេអ៊ីន​​​។ អាហារ​ដែល​សម្បូរ​ដោយ​ប្រូតេអ៊ីន​មានស៊ុត ត្រីធូណា ត្រី​សាល់ម៉ុន សាច់មាន់​អាំង និងOatmeal

ជាទូទៅ​គួរ​ញ៉ាំ​ប្រូតេអ៊ីន​ដោយ​គណនាទៅតាមទម្ងន់របស់​យើង ដោយ១គីឡូក្រាម​នៃទម្ងន់ខ្លួន​ត្រូវ​ការ​ប្រូតេអ៊ីន​ ប្រហាក់​ប្រហែល​ពី​​០,២៨​ ទៅ០,៤៦​ក្រាម​ ​​នៅ​ក្នុង​អាហារ​ដំបូង​ក្រោយ​ពី​ហាត់ប្រាណ​៣០​ទៅ​៦០​នាទី។ នេះ​អាច​ជួយ​បន្ថយ​ការ​បំបែក​ប្រូតេអ៊ីនក្នុង​​សាច់ដុំ និង​បង្កើន​ការ​សំយោគ​ប្រូតេអ៊ីននៅ​​សាច់ដុំ។ ការ​សំយោគ​ប្រូតេអ៊ីន​នៅសាច់ដុំ​គឺ​ជួយ​ឲ្យ​សាច់ដុំ​លូតលាស់​ដែល​នេះ​ជា​អ្វី​​ដែល​យើង​ចង់បាន​ពេល​ហាត់ប្រាណ។

អត្ថបទពាក់ព័ន្ធ៖

កាបូអ៊ីដ្រាត

ប្រូតេអ៊ីន​សំខាន់​សម្រាប់​ការ​ជាសះស្បើយ​នៃ​សាច់ដុំ ខណៈ​កាបូអ៊ីដ្រាត​ជួយ​ផ្តល់​ថាមពល​ដល់​រាងកាយ និង​សាច់ដុំ។ នៅ​ពេល​យើង​ហាត់ប្រាណ យើង​ប្រើប្រាស់​គ្លុយកូស​ដែល​ស្តុក​ទុក​ក្នុង​សាច់ដុំ និង​ថ្លើម​ក្នុង​នាម​ជា glycogen។ ការ​ហាត់ប្រាណ​ប្រើ​កម្លាំង​ខ្លាំង​ធ្វើឲ្យ​បរិមាណ​ glycogen ថយចុះ ហើយ​សារធាតុចិញ្ចឹម​ក្រោយ​ពេល​ហាត់ប្រាណ​អាច​ជួយ​បំពេញ​ឡើង​វិញ​បាន។ សកម្មភាព​ដែល​យើង​ធ្វើ​អាច​ជួយ​កំណត់​ថា​តើ​យើង​ត្រូវការ​ glycogen ប៉ុន្មាន​​មាន​ដូចជា​ការហែលទឹក ការរត់ និង​ការជិះកង់។ ក្រោយពី​ហាត់ប្រាណ​ដោយ​ប្រើ​កម្លាំង​ខ្លាំង ហើយយើងអាចគណនាតម្រូវការ​កាបូអ៊ីដ្រាត​ដោយគិតតាមទម្ងន់​ខ្លួន​របស់​យើង គឺមួយគីឡូក្រាមនៃរាងកាយ​ត្រូវការកាបូអ៊ីដ្រាត ប្រហាក់​ប្រហែល​ពី​១ក្រាម ទៅ១,៤​ក្រាម​។

ការ​ញ៉ាំ​កាបូអ៊ីដ្រាត និង​ប្រូតេអ៊ីន​ជាមួយ​គ្នា​ជា​ជម្រើស​ដ៏​ល្អ​ព្រោះ​អាច​បង្កើន​ការ​បញ្ចេញអាំងស៊ុយលីន។ ការ​បញ្ចេញអាំងស៊ុយលីន​នេះ​អនុញ្ញាត​ឲ្យ​សាច់ដុំ​ទទួលបាន​ប្រូតេអ៊ីន និង​glycogen ច្រើន​ជាងមុន ហើយ​នេះ​ជួយ​ដល់​ការ​ជួសជុល និង​បំពេញ​សារធាតុ​ទាំង​នោះ​​ឡើង​វិញ​កាន់តែ​ប្រសើរ​ឡើង។ ជម្រើស​អាហារ​ដែល​មាន​កាបូអ៊ីដ្រាត​មាន​ Oatmeal បាយ​ស ទឹកដោះគោ សូកូឡា ដំឡូងបារាំង ដំឡូងជ្វា និង​ផ្លែឈើ​ជាដើម។

ក្រោយ​ហាត់ប្រាណ​ហើយ​យក​ល្អ​គួរ​ចៀសវាង​អាហារ​កែច្នៃ ឬ​អាហារ​កញ្ចប់​ព្រោះ​អាហារ​ទាំង​នេះ​សម្បូរ​ដោយ​កាឡូរី និង​អាច​ក្លាយ​ជា​ខ្លាញ់​ក្នុង​រាងកាយ។

ទឹក

ក្រៅ​ពី​ប្រូតេអ៊ីន និង​កាបូអ៊ីដ្រាត ទឹក​គឺ​ចាំបាច់​ណាស់​មិន​ថា​អំឡុង​ពេល​ហាត់ប្រាណ ឬ​ក្រោយ​ពេល​ហាត់ប្រាណ​ទេ។ គ្នាយើង​ភាគ​ច្រើន​ផឹក​ភេសជ្ជៈ​កីឡា ប៉ុន្តែ​បើ​ការ​ហាត់ប្រាណ​មិន​ប្រើ​កម្លាំង​ខ្លាំង​ យើង​អាច​នឹង​ទទួល​បាន​កាឡូរី​ច្រើន​ជាង​ដែល​យើង​ត្រូវការ។ ទោះបីជា​យ៉ាង​ណា ទឹក​នៅ​តែ​ជា​ជម្រើស​ដ៏​ល្អ​ដែល​អាច​ជួយ​ដល់​ការ​ហាត់ប្រាណ និង​ការ​ជាសះស្បើយ។ ក្រោយ​ពី​ហាត់ប្រាណ យើង​នឹង​ត្រូវ​ផឹក​ទឹក​យ៉ាង​តិចណាស់ ២៣៥​មិល្លីលីត្រ​ និង​ត្រូវ​ផឹកម្ដងបន្តិចៗ។ ការផឹក​ទឹក​លឿន​អាច​បង្ក​ឲ្យ​យើង​រមួល​ក្រពើ។ ម៉្យាងទៀត គួរ​ផឹក​ទឹក​នៅ​សីតុណ្ហភាព​ធម្មតា និងចៀសវាង​ទឹក​ត្រជាក់។

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.lifehack.org/851852/what-to-eat-after-a-workout

រូបថត​របស់​អ្នក​និពន្ធbadge
ដោយ ថាត់ រ័ត្នមូនីតា កែសម្រួល​ចុងក្រោយ 24/06/2021
ត្រួតពិនិត្យដោយ វេជ្ជ. ចាន់ ស៊ីណេត
x