ស្រាយចម្ងល់ពាក់ព័ន្ធនឹងទំហំស្ដង់ដារអាអូនតូចប្រុសៗយើង
អាអូនតូចខុសគេ ប្រុសៗទើបយល់អារម្មណ៍នេះច្បាស់។ ប្រុសៗគ្នាឯងបង្អាប់មធ្យម ងំត្រង់ដៃគូមិនពេញចិត្តម៉ង។ ករណីខ្លះ របស់យើងត្រូវស្តង់ដារសោះ បែរជាគិតថាតូច ព្រោះមិនចង់ដឹងច្បាស់ពីទំហំស្តង់ដារ។ អានការបកស្រាយខាងក្រោម!
១- ទំហំស្តង់ដាររបស់លិង្គ
ស្រីៗភាគច្រើនគិតលើគុណភាពច្រើនជាងទំហំ មានន័យថា បើអាអូនតូចយើងដំណើរការល្អ គឺគ្រប់គ្រាន់ហើយ។ ប៉ុន្តែ នៅមានស្រីមួយចំនួនតូច អាចគិតរឿងទំហំតូច ឬធំ ដែលធ្វើឲ្យប៉ះពាល់ដល់ទំនុកចិត្តលើដៃគូខ្លួនឯង។
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ប្រុសៗប្រមាណ ៤៥% ពុំមានទំនុកចិត្តលើទំហំអាអូនតូចរបស់ខ្លួន។ ប៉ុន្តែផ្ទុយទៅវិញ លិង្គរបស់ប្រុសៗទាំងនោះ អាចមិនតូចដូចអ្វីដែលគិតទេ គ្រាន់តែពួកគេមិនដឹងពីទំហំស្តង់ដារប៉ុណ្ណោះ។
ប្រុសៗខ្លះទៀត ខ្វល់ពីទំហំលិង្គពេលឡើងរឹង ខ្លះទៀតគិតរឿងរូបរាងលិង្គពេលវាមិនទាន់ឡើងរឹង ហេតុនេះត្រូវដឹងថា ទំហំអាអូនតូច មិនមែនវាស់ដឹងដោយគ្រាន់តែមើលលេខដូចពេលទិញស្បែកជើងទេ ឬអ្វីមួយទេ ចាំត្រូវធ្វើការវាស់ប្រវែងមើលសិន។
២- ចុះវាស់លិង្គរបៀបម៉េច?
មិនគួរវាស់ប្រវែងអាអូនតូច ពេលយើងកំពុងមានអារម្មណ៍ផ្លូវភេទខ្លាំងនោះទេ។ វិធីល្អសម្រាប់វាស់ ត្រូវគេហៅថា ទាញពន្យឺតលិង្គ SPL (Stretched Penis Length)។ ប្រើវិធី SPL តម្រូវឲ្យវាស់អាអូនតូចពេលកំពុងទន់ ដោយយកបន្ទាត់មកដាក់លើឆ្អឹងថ្ងាសលិង្គ បន្ទាប់មកទាញលិង្គពន្យឺតថ្នមៗ ទាញបានប៉ុណ្ណាយកប៉ុណ្ណឹង។
គេកំណត់យកប្រវែង SPL គឺគិតចាប់ពីឆ្អឹងថ្ងាសលើលិង្គរហូតដល់ចុងលិង្គ។ បើវាស់បានប្រហែល ១៤ សង់ទីម៉ែត្រ មានន័យថា អាអូនតូចត្រូវស្តង់ដារហើយ។ ប៉ុន្តែខ្លីជាង ១៤ សង់ទីម៉ែត្រ កុំខ្វាយខ្វល់ច្រើនអី ព្រោះមានប្រុសៗភាគច្រើន ជាពិសេសជនជាតិអាស៊ីយើងតែម្តង វាស់ទៅបានខ្លីជាងស្តង់ដារ។
ចុះធំប៉ុនណាទៅ ទើបគេហៅថាធំខ្លាំង? ការសិក្សាបានរកឃើញថា មានតែប្រុសៗប្រហែល ០,៦ ភាគរយប៉ុណ្ណោះ មានរង្វាស់លិង្គ SPL លើសពី ១៧ សង់ទីម៉ែត្រ។
៣- មានប្រុសៗលិង្គតូចបំផុតអត់?
ច្បាស់ណាស់ ពិតជាមាន មិនតែប៉ុណ្ណោះ ប្រុសៗក្រុមនេះ ត្រូវគេហៅជាភាសាបច្ចេកទេស Micropenis ដែលមានប្រមាណ ០,៦% ក្នុងចំណោមមនុស្សប្រុសៗទាំងអស់ជុំវិញពិភពលោក។ អាអូនតូច ចាត់ចូលជា Micropenis មាន SPL ខ្លីជាង ៩ សង់ទីម៉ែត្រ។ យ៉ាងណា គ្រូពេទ្យមិនណែនាំឲ្យអ្នកមានអាអូនតូចខ្លីខ្លាំង ទៅវះកាត់ធ្វើឲ្យវែងទេ ព្រោះប្រឈមគ្រោះថ្នាក់ច្រើនណាស់។
ក្រុមប្រុសៗ Micropenis គឺបណ្ដាលមកពីកត្តាតំណពូជផ្ទាល់។ លិង្គផ្តើមលូតលាស់ពេលយើងមានអាយុ ៨ សប្តាហ៍នៃគភ៌ ហើយលិង្គបន្តលូតលាស់រហូតដល់ត្រីមាសទី២ និងទី ៣ ដោយសារវត្តមានអ័រម៉ូនបុរស។ បើមានអ្វីធ្វើឲ្យមានបម្រែបម្រួលអ័រម៉ូនបុរសអំឡុងពេលនោះ យើងអាចនឹងជួបបញ្ហា Micropenis មិនខាន។
ក្នុងករណីគេដឹងថាក្មេងមានបញ្ហា Micropenis ពេលកើតមកភ្លាម ពេទ្យអាចព្យាបាលដោយប្រើអ័រម៉ូនតេស្តូស្តេរ៉ូន ដើម្បីទៅភ្ញោចឲ្យមានការលូតលាស់បន្ថែមនៅក្នុងវ័យកុមារ និងវ័យជំទង់។
បើប្រុសៗពេញវ័យមានបញ្ហា Micropenis ការព្យាបាលប្រហែលមិនអាចជួយបានច្រើននោះទេ ហើយវិធីព្យាបាលកែខៃបញ្ហានេះ គឺវះកាត់លិង្គ ជាភាសាបច្ចេកទេស Penile Prosthesis។
អត្ថបទគួរអាន៖
- ចំណង់ផ្លូវភេទស្រីៗឡើងខ្ពស់ អាចមកពីមូលហេតុទាំងនេះ
- តើការរួមភេទអាចដុតកាឡូរីបានច្រើនដូចការហាត់ប្រាណដែរ ឬអត់?
- “រួមភេទតាមមាត់” មានគុណវិបត្តិ ក៏មានគុណសម្បត្តិដែរ
- អាថ៌កំបាំងទាំង ៦ ជួយជីវិតផ្លូវភេទកាន់តែប្រសើរ
- ប្រុសៗប្រយ័ត្នផង! មិនចង់អសមត្ថភាពផ្លូវភេទ កុំឲ្យកើតជំងឺនេះ
- កត្តាទាំង៣ បញ្ជាក់ថាគេងគ្រប់គ្រាន់ជួយជំរុញបង្កើនផ្លូវភេទ
