តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ឧស្សាហ៍ចុកទ្រូង អាចបណ្ដាលមកពី​មូលហេតុទាំងនេះ

    ឧស្សាហ៍ចុកទ្រូង អាចបណ្ដាលមកពី​មូលហេតុទាំងនេះ

    ក្នុង​ករណី​មាន​អាការៈឈឺទ្រូង លោក​អ្នក​មិនគួរមិនអើពើធ្វើមិនដឹងមិនឮឡើយ ទោះក្នុងកាលៈទេសៈណាមួយក៏ដោយ។ មនុស្សគ្រប់គ្នាគិត​ថាជំងឺបេះដូងបណ្តាលឲ្យមានការឈឺទ្រូង យ៉ាងនេះក្តី ការឈឺទ្រូងក៏អាចបណ្តាលមកពីជំងឺធ្ងន់ធ្ងរ និងអាច​គំរាមកំហែងដល់អាយុជីវិតផង​ដែរ។ បញ្ហាទាក់ទងជាមួយសួត បំពង់អាហារ សាច់ដុំ ឆ្អឹងជំនី សរសៃប្រសាទ។ល។ អាចឈានដល់ការឈឺទ្រូងបាន។ អត្ថបទនេះនឹងផ្តល់នូវព័ត៌មានលម្អិតថែម​ទៀតអំពីការឈឺទ្រូង ហេតុនេះអ្នកអាចធ្វើរោគវិនិច្ឆ័យសមស្រប និងការព្យាបាលបានយ៉ាងរហ័ស។

    ១- អំពីជំងឺឈឺទ្រូង

    ការឈឺទ្រូងអាចនឹងមានទីតាំងនៅផ្នែកណាមួយចាប់ពីកញ្ចឹងករហូតដល់ពោះផ្នែកខាងលើអាស្រ័យលើ​មូលហេតុនៃការឈឺ។ ភាពធ្ងន់ធ្ងរនៃការឈឺចាប់ទ្រូងគឺផ្សេងៗគ្នា។ អ្នកខ្លះមានឈឺដូចចាក់ ណែន ក្រហាយ ចុក ឬដូចគេចាក់។ ពេលខ្លះដូចមានអារម្មណ៍តឹងណែន ដូចច្របាច់ ឬកិន​កម្ទេច។

    គួរទៅជួបពិគ្រោះនឹងវេជ្ជបណ្ឌិតប្រសិនបើអ្នកមានការឈឺទ្រូងដែលមិនអាចពន្យល់បាន ជាពិសេស​ប្រសិនបើវាជាការឈឺចាប់ដែលស្រាប់តែមានភ្លាមៗដែលមិនព្រមបាត់ទៅវិញដោយអន្តរាគមន៍វេជ្ជសាស្ត្រ ឬការផ្លាស់ប្តូរ​បែបផែនជីវិតរស់នៅ។

    ក្នុងករណីដែលការឈឺទ្រូងមកព្រមជាមួយរោគសញ្ញាណាមួយនៃរោគសញ្ញាទាំងនេះសូមហៅទូរស័ព្ទទៅកាន់ ផ្នែកសង្គ្រោះបន្ទាន់ភ្លាម។

    · សុខៗមានអារម្មណ៍ដូចមានសម្ពាធ ច្របាច់ ឬតឹងណែន ឬដូចកិនកម្ទេចភ្លាមៗនៅក្នុងផ្នែកនៅខាងក្រោមឆ្អឹងទ្រ​នុងទ្រូង។
    · ថ្គាម ដៃឆ្វេង ឬខ្នងរងប៉ះពាល់ដោយការឈឺចាប់ទ្រូង។

    · ឈឺចាប់ទ្រូងដូចគេចាក់ភ្លាមៗដែលមានមកជាមួយហត់ដង្ហក់ជាពិសេសក្រោយពីមិនធ្វើសកម្មភាពយូរ។

    · ចង្អោរ វិលមុខ ចង្វាក់បេះដូងញាប់ ដកដង្ហើមញាប់ វង្វេងវង្វាន់ ព៌ណសម្បុររាងដូចផេះ ឬបែក​ញើសច្រើនហួស​ហេតុ

    · សម្ពាធឈាមចុះទាបខ្លាំងឮចង្វាក់បេះដូងចុះទាបយ៉ាងខ្លាំង។

    ឈឺទ្រូង

    ២- មូលហេតុជំងឺឈឺទ្រូង

    បញ្ហាបេះដូង

    បញ្ហាដែលទាក់ទងនឹងបេះដូងទាំងនេះគឺក្នុងចំណោមមូលហេតុដែលឃើញមានញឹកញាប់បំផុតដែលនាំទៅដល់​ការឈឺទ្រូង។ ជំងឺសរសៃឈាមបេះដូង(CAD) អាចបណ្តាលឲ្យមានការចុកទ្រូង។ ឈឺទ្រូងនេះកើត​មានឡើងពេលបេះដូងទទួលឈាមមិនគ្រប់គ្រាន់ ហើយអាចចាក់ទៅដល់ដៃ ស្មា ថ្គាម​ និងខ្នង ។ អ្នកដែលកើតជំងឺសរសៃបេះដូង គឺមានកត្តាប្រឈមនឹងជំងឺគាំងបេះដូងនៅពេលណាមួយក្នុងជីវិត​​ ។ បន្ថែមលើសពីនេះ រលួយសាច់ដុំបេះដូង (ជំងឺគាំងបេះដូង) ក៏បណ្តាលឲ្យមានការឈឺទ្រូងផង​ដែរតែការឈឺទ្រូងបង្កឡើងដោយជំងឺគាំងបេះដូងគឺស្រដៀងគ្នាទៅនឹងជំងឺចុកទ្រូង ប៉ុន្តែវាធ្ងន់ធ្ងរជាងការ​ឈឺចាប់បែបដូចមានអ្វីកិនកម្ទេច ហើយ​តាមធម្មតាឈឺត្រង់ចំណុចកណ្តាល ឬផ្នែកខាងឆ្វេងទ្រូង ហើយមិនធូរស្រាលដោយការសម្រាក។ ជំងឺបេះដូងផ្សេងទៀតជាច្រើនដែលរោគសញ្ញាឈឺទ្រូង​ រួមមាន​​ ជំងឺរលាកស្រទាប់សាច់ដុំរបស់បេះដូង ជំងឺរលាកស្រទាប់ស្រោមបេះដូងខាងក្រៅ ជំងឺសាច់បេះដូងមួយភាគឡើងក្រាស់ ជំងឺប្រឹសមីត្រាល់ និងជំងឺរហែកស្រទាប់ខាងក្នុងនៃសរសៃអាកទែរចិញ្ចឹមបេះដូង។

    អត្ថបទពាក់ព័ន្ធ៖

    បញ្ហាសួត

    អាការៈការឈឺទ្រូងក៏អាច​បង្កឡើងដោយបញ្ហាសួតដែរ​។ អ្នកដែលមានរលាកស្រោមសួត គឺការឈឺចាប់ដូចគេចាក់ពេលដកដង្ហើម ក្អក ឬកណ្តាស់ដែលមានការឈឺចាប់មុតស្រួច។ បញ្ហាសួតផ្សេងទៀតគឺជំងឺ រលាកសួត ឬជំងឺបូសសួត។ ការបង្ក​រោគ​សួតទាំងនេះអាចមានប្រភេទខុសៗគ្នានៃការឈឺចាប់ទ្រូងដូចជាការឈឺចាប់ជ្រៅ ឬបណ្តាលមកពីជំ​ងឺរលាកស្រោមសួត។ បញ្ហាសួតដទៃទៀតដែលនាំឲ្យឈឺទ្រូងរួមមានជំងឺឈាមកកក្នុងសួត ជំងឺខ្យល់​ធ្លាយចូលក្នុងស្រោមសួត ជំងឺឡើងសម្ពាធឈាមសរសៃអាកទែរក្នុងសួត និងជំងឺហឺត។

    បញ្ហាឆ្អឹង សាច់ដុំ ឬសរសៃប្រសាទ

    ការឈឺចាប់នៅក្នុងសាច់ដុំ ឬឆ្អឹងក្នុងទ្រូងគឺបណ្តាលមកពីសកម្មភាព ឬលំហាត់ប្រាណច្រើនហួសហេតុ ឬ​ខ្លាំង​ក្លា។ ការដួល ឬគ្រោះថ្នាក់ដែលធ្វើឲ្យរបួសដល់តំបន់ទ្រូងក៏អាចធ្វើឲ្យមានការឈឺចាប់ផងដែរ។ ជំងឺរលាក​ទីប្រសព្វឆ្អឹងជំនី និងឆ្អឹងខ្ចី បញ្ហាឆ្អឹងជំនី ការរោយសាច់ដុំ និងជំងឺរើមគឺជាបញ្ហាមួយចំនួនដែលនាំទៅ​ដល់ការឈឺ​ទ្រូង​។

    បញ្ហាក្រពះពោះវៀន

    ជំងឺទឹកអាស៊ីដក្រពះច្រាលមកបំពង់អាហារអាចបង្កឲ្យមានអារម្មណ៍ក្រហាយនៅត្រង់ទ្រូងឬបំពង់ក ដែល​គេស្គាល់ថាក្រហាយដើមទ្រូង។ បញ្ហាក្រពះពោះវៀនផ្សេងទៀតដែលធ្វើឲ្យអ្នកជំងឺរងការឈឺចាប់ពី​ការ​ឈឺទ្រូងគឺវិបត្តិខុសប្រក្រតីនៃការកន្ត្រាក់បំពង់អាហារ ជំងឺបំពង់អាហាររំញោចខ្លាំងខុសធម្មតា ជំងឺរហែក ឬរយះ​បំពង់​អាហារ ដំបៅក្រពះ ជំងឺក្រពះលៀនចូលក្នុងប្រហោងឆ្លងកាត់សន្ទះទ្រូងរបស់បំពង់អាហារ និងបញ្ហាថង់​ទឹក​ប្រម៉ាត់។

    health-tool-icon

    រង្វាស់ចង្វាក់បេះដូង

    លោកអ្នក​អាច​គណនាដឹងពី​ "អត្រាបេះដូងលោតពេលសម្រាក" ធម្មតា និង​អតិបរមា ​ទៅ​តាម​កម្រិត​អាយុ របៀប​ហាត់ប្រាណ​ និង​សកម្មភាព​ផ្សេង​ទៀត​ដែល​អាច​ជះឥទ្ធិពលដល់​ ចង្វាក់បេះដូងលោត។

    ប្រុស

    ស្រី

    អ្នក​ពិនិត្យ​ឲ្យ​អ្នក​ណាដែរ?

    អត្រាបេះដូងលោតពេលសម្រាក របស់អ្នក​ចំនួន​ប៉ុន្មានដែរ? (ដង/នាទី)

    60

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    What’s Causing My Chest Pain? http://www.webmd.com/pain-management/guide/whats-causing-my-chest-pain#1. Accessed May 19, 2017.

    Chest Problems-Topic Overview. http://www.webmd.com/heart-disease/tc/chest-pain-topic-overview#1. Accessed May 19, 2017.

    រូបថត​របស់​អ្នក​និពន្ធbadge
    ដោយ Meng Vatana កែសម្រួល​ចុងក្រោយ 01/03/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: