បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
អាហារក្រៅពីមានរសជាតិឆ្ងាញ់ អាហារជាផ្នែកមួយនៃរសជីវិត ធ្វើឲ្យយើងសប្បាយរីករាយ។ បន្ថែមពីនេះ ការទទួលបានរបបអាហារត្រឹមត្រូវ នឹងជួយឲ្យយើងមានសុខភាពល្អ អាយុវែងទៀតផង។ មិនខុសគ្នាពីការហាត់ប្រាណទេ ចង់ឲ្យបេះដូងសុខភាពល្អ ត្រូវកំណត់របបអាហារត្រឹមត្រូវមួយ “Hello គ្រូពេទ្យ” នឹងណែនាំតិចនិកខ្លះឲ្យគ្នាយើងដឹង។
១- កំណត់បរិមាណអាហារត្រូវញ៉ាំ
កំណត់បរិមាណអាហារត្រូវញ៉ាំ គឺសំខាន់ដូចទៅនឹងការជ្រើសរើសអាហារមកញ៉ាំអ៊ីចឹង។ ពេលយើងញ៉ាំឆ្អែតពេក នឹងធ្វើឲ្យកម្រិតកាឡូរីក្នុងខ្លួនកើនឡើងខ្លាំង។ ដើម្បីគ្រប់គ្រងបរិមាណអាហារ គ្នាយើងអាចសាកល្បងប្តូរមកប្រើចានតូចៗវិញ។ ញ៉ាំអាហារល្អសម្រាប់សុខភាព គឺសំដៅលើការញ៉ាំអាហារច្រើន ប៉ុន្តែជាអាហារមានកម្រិតកាឡូរីទាប និងមានសារធាតុបំប៉នខ្ពស់ ឬអាចញ៉ាំអាហារតិច ប៉ុន្តែជាអាហារមានកម្រិតកាឡូរីខ្ពស់ និងមានសូដ្យូមច្រើន។
ចាស់ៗជំនាន់មុន ចូលចិត្តអាហារបន្លែផ្លែឈើ ខុសគ្នាស្រឡះពីក្មេងៗបច្ចុប្បន្ន ដែលនិយមអាហារបែប Fast Food ចម្អិនភ្លាមៗ ដូចជា ភីហ្សា ឬបឺរហ្គឺរជាដើម។ ដើម្បីសុខភាពបេះដូង យើងមិនត្រឹមតែកំណត់កម្រិតអាហារត្រូវញ៉ាំប៉ុណ្ណោះទេ ក៏ត្រូវកំណត់ចំនួនពេលញ៉ាំផងដែរ។ មួយវិញទៀត យើងគួរត្រូវមានវង្វាល់ច្បាស់លាស់ សម្រាប់វាល់ចំនួន ឬបរិមាណអាហារ។ ឧទាហរណ៍ មួយថ្ងៃត្រូវញ៉ាំសាច់មាន់ ២-៣ ដុំបានហើយ។ កំណត់បរិមាណអាហារយើងញ៉ាំ អាចជួយយើងបានច្រើន បើយើងបញ្ហាបេះដូងណាមួយ។
២- ញ៉ាំបន្លែផ្លែឈើបន្ថែម
អាហារល្អសម្រាប់សុខភាព គួរមានយ៉ាងតិច ផ្លែឈើ ៥ដុំ និងត្រូវមានបន្លែក្នុងរបបអាហាររៀងរាល់ថ្ងៃ។ បន្លែ ផ្លែឈើ នៅតែជាអាហារសំខាន់ ដែលយើងទាំងអស់គ្នាត្រូវញ៉ាំ ហើយអាហារទាំងនោះ អាចជាបន្លែស្រស់ៗ ក្លាសេក្នុងទូរទឹកកក ឬជាប្រភេទបន្លែផ្លែឈើក្រៀម។
បន្លែ ផ្លែឈើ សម្បូរវីតាមីន និងសារធាតុរ៉ែ មានផ្ទុកកាឡូរីទាប ប៉ុន្តែសម្បូរទៅដោយជាតិសរសៃ។ សារធាតុមានក្នុងបន្លែ ផ្លែឈើ អាចជួយការពារយើងពីជំងឺសរសៃឈាមបេះដូងបាន។ ញ៉ាំបន្លែ ផ្លែឈើច្រើន នឹងកាត់បន្ថយញ៉ាំអាហារសម្បូរជាតិខ្លាញ់ ដូចជា សាច់ ឬពពួកអាហារសម្រន់ជាដើម។
អត្ថបទពាក់ព័ន្ធ៖
៣- កំណត់ការញ៉ាំជាតិខ្លាញ់មិនល្អ
ដើម្បីច្បាស់ថា បេះដូងមានសុខភាពល្អ យើងត្រូវប្រាកដថា យើងបានជ្រើសរើសប្រភេទខ្លាញ់សម្រាប់ញ៉ាំត្រឹមត្រូវ។ គួរប្តូរពីពពួកខ្លាញ់ឆ្អែត មកបរិភោគពពួកខ្លាញ់មាន Monounsaturated fat និង Polyunsaturated fat កម្រិតទាបជំនួសវិញ។ មិនត្រូវញ៉ាំអាហារមានផ្ទុកពពួកខ្លាញ់ Trans fats ទេ ហើយត្រូវស្គាល់អំពីប្រភេទអាហារទាំងអស់ មានផ្ទុកជាតិខ្លាញ់ និងប្រេង ឬកាឡូរីខ្ពស់ ទោះបីជាខ្លាញ់មិនឆ្អែតក្តី យើងក៏មិនត្រូវញ៉ាំច្រើនពេកដែរ។
ញ៉ាំអាហារមានខ្លាញ់ឆ្អែតច្រើនពេក នឹងធ្វើឲ្យជាតិកូលេស្តេរ៉ូលក្នុងឈាមកើនឡើង នាំឲ្យប្រឈមជាមួយជំងឺសរសៃឈាមបេះដូង។ ពពួកអាហារ ដូចជា ប្រេងអូលីវ គ្រាប់ធញ្ញជាតិ ផ្លែប៊ើរ ប្រេងផ្កាឈូករ័ត្ន ប្រេងបន្លែ គ្រាប់ផ្កាឈូករ័ត្ន ខ្លាញ់ត្រី សុទ្ធតែជាពពួកអាហារសម្រាប់ទ្រទ្រង់សុខភាព។
៤- កំណត់កម្រិតសូដ្យូម
អាហារមានជាតិប្រៃ អាចធ្វើឲ្យកើតជំងឺលើសឈាម ហើយបើយើងមានជំងឺលើសសម្ពាធឈាមស្រាប់ កាន់តែគ្រោះថ្នាក់ ព្រោះអាចវិវត្តទៅជាជំងឺសរសៃឈាមបេះដូង។
៥- ផឹកស្រា
ត្រូវកំណត់បរិមាណស្រាផឹកប្រចាំថ្ងៃ ឬគួរយូរៗម្តង ក្នុងកម្រិតល្មមបានហើយ។ យើងគ្រប់គ្នាត្រូវចេះរៀបចំរបបអាហារសម្រាប់ខ្លួនឯងឲ្យបានត្រឹមត្រូវ។ ដើម្បីយល់ច្បាស់ពីរបបអាហារជំនួយសុខភាពបេះដូង អាចសាកសួរព័ត៌បន្ថែមពីគ្រូពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Heart-healthy diet: 8 steps to prevent heart disease. http://www.mayoclinic.org/diseases-conditions/heart-disease/in-depth/heart-healthy-diet/art-20047702. Assessed January 29, 2017.
Healthy eating. https://www.bhf.org.uk/heart-health/preventing-heart-disease/healthy-eating. Assessed January 29, 2017.
